¹ Iki nyi mdedie ya kidedo Yahwe ko orika lo Hadraki na Demesiki. Amu riso ja Yahwe jikeri uye ya vandu vose, na uye ya mrisose sa Israeli. ² Mlarijei ja Mamathi, irasanie, irasamie na Damesiki, na Tiro na Sidoni, kake nyi varango loi. ³ Tiro nya kushumbie na origho na Isang'iria hela cha maifu na sahabu odoko msararenyi. ⁴ Lambwa! mdumi ape msoka nainyamara pinya sake uye mringa okusalala, kiokyo apeongorwa ko modo. ⁵ Ashikeloni apeona naiogwa! Gaza apendede a loi! Ekroni, kija alaje kipesijwa! mfalme apeviniswa ivokia Gaza, na Ashikeloni ipeva na vandu kavipo! ⁶ Vaghenu vapeuta mdamijeyavo Ashidoni, nainyi ngape kifuna kituva kya vafilisti. ⁷ Kwani ngapefuna ndakame yavo dumbunyi javo na nyasi savo yefuma maighoni vavo.nyiho kipevo vapeva vasighaka ko makilunga odu cha mari ya Yuda, na elironi nyapeva cha Waybusi. ⁸ Ngapevika kambi itengeta orika lokwa kibalia kya majeshi va mukituva kode apedima iida iposhi kwake po kuode movinisa apeida kavipo. Kimekoja Lwaha ngape lambwa orika lokwameso vakwa ngimonyi! ⁹ Kava olodo koikorokiwa, igwe mpu sayuni! kava olodo ko nguriri, kuode movinisa apeidasepo ane cha kwapo anduamu anaucha naikukira. Nyaode makene, nyuadojemitiitiko, mwana oitiko. ¹⁰ Nyiho ngapekisembera kitale kiarie ifuma Efraimu na itiko ifuma Yeru salemu, na uda upesemberwa shidenyi; amu upeamba sia ko masanga, na irighaja jake jipeva ifuma okusalala n okusalala, na ifuma dahu na eneya orika! ¹¹ Kake kwanu, kokitevi kya ndakame ya ilaja janu, ngape vikya vapungwa vanu nja ifuma irungunyi kulaode mringa. ¹² Uya ngomenyi, vapungwa vevedeja! inu ngaamba kee ngape vaurighia mara kavi, amu ngamemlema Yuda cha uda okwa. ¹³ Ngame ichurusa sia yakwa anduamu na Efraimu. Ngavateshwa vana vanu, Sayuni kibalia kya vana vanu, ugiriki, nyakuvika igwe Sayuni, chaipanga ja shujaa! ¹⁴ Yahwe ape vafumia, na mifi yake ipekava cha ikururuma ! Amu Yahwe mndumi okwa apekava oghanda na cho apetolwa anduamu na orukuta yafuma Temani. ¹⁵ Yahwe omajeshi opeva kaja, navo vapeva ragha na ivaisa magho va kombeo. Nyiho vapenywa na ikava olodo oha mundu anangiwa wari, navo vapeichurujwa wari cha mambongo, cha mbembe sa madhabahu. ¹⁶ Kokyo Yhwe makilunga wavo apevakira mfuriyo; vapeva cha manndiki va mamondo jikerina vandu vake, amu vapeva ulole o cha ovisa, vateshujwa uye ya orika lwake. ¹⁷ Nyikuda vapevoroka vavokie! vasoro varivie uye ya sheja na msalari uye ya kitoru kilodie!