¹ Mterevenyi Yahwe mbua kieri kya orukuta -Yahwe naute mbua ya makururu ma nacho nyeuta mbua ikave ko kila umu na mara ipo kivambara. ² Amu irima ja vaode numba veamba vongo; vaaga veamba vongo; vaneamba ndoswa selemba naifuma seko tiki, kudo vanadeka cha mamondo vana vinika kokitevi kuode mombiapo. ³ Nyashi yakwa inaaka ko vaombia, nyi mahoro vasongoru - nyivo ngape va bula. Yahwe omajeshi apejiringa indiki ja, mamondo vake, numba ya Yuda, nauita cha itiko jake jashida! ⁴ Ifuma kwavo jipefuma igho jidue mbarinui, ifuma javo kipefuma kitulu kya hema; ifuma javo upefuma uda oshida; ifuma javo vapecha vasongoru kose ko anduamu. ⁵ Vapeva cha mashujaa vakevavada vakituva vavo odokonyi shiongonyishidenyi; vapeuta shida, amu Yahwe nyakeri andu amu navo vape varasa vedo matiko vashida. ⁶ Napedikira pinya ya numba ya Yuda na ikira numba ya Yusufu; ngape vaurigha na ivahurumia. Vapeva cha ngivekeri ngalamevafuna, nyinyi ahwe makilunga wavo, nainyi ngapeva idikija. ⁷ Koje Efraimu apeva cha shujaa, na ngoosavo sipevorokiwa cha wari, vana vavo vapeone naivorokiwa ngoo savo sipevorokiwa! ⁸ Napevavevedia nai vasang'iria, amu ngapevakira, navo vapeva vadue chakundu vavekeri kuvooka! ⁹ Ngale vadoja vandunyi, kake vapengikumbuka orika lo kwacha, kudo ivo na vana vavo vapedamia naiuya. ¹⁰ Amu ngapevaurigha ifuma orika lo Misri na iva sang'iria ifuma Ahuru. Ngapevaende orikenyi lo Gileadi na Lebanoni mpaka andu kulaode andukavi kokitevi kyavo. ¹¹ Ngapeida mringenyi oku salala ya iviniswajavo; ngapevakava mamiimbi va mringa okusalala ho na ngapeshiomira shiria shosesha Nile. utukufu o Ashuru upesoswa wanda, na msenge i Misri ipeenda kwacha ifuma ko va Misri. ¹² Ngapeva vikia pinya ko inyi ngimonyi, navo vapedambuka kori na jakwa - aamba Yahwe.