¹ Rugwa mongo yapo, eeLebanoni, kinesa modo uongore mietezi yapo! ² Furighenyi shidisha msonobari, amu mieresi imegwa! kivekeri kyekutata kimeongorwa! Furighenyi, inywe mialoni ya Bashani, amu msudu uondepinya umesoswa. ³ Vaombia vaka va okunga, kime koja utukufu wavo umenyamarwa! iru jja irunduma ja vana va ngatunyi, kime koja iilusha ja utukufu wavo umenyamarwa! ⁴ Ishi nsho ameamba Yahwe makilunga okwa, "Ombijenyi indikija mamondo jikerijeshinja! ⁵ (Ivovane vaura vanwvashija valonebulwa, navo va kumba vaneamba; Natukuswa Yahwe! ngashumie! amu vaombia vakeuta uya ko vaja vaode mamondo vakine va hurumiapo). ⁶ Koikyo ngape va hurumiapo vedamia orika-nyikudi aamba Yahwe. Lambwa, inyi ngimonyi ngakeri movalora kila mundu ko kokok ko vamrasa wake ko koko komfalme wake, na vapeinyamara orika na kuode bama umu wavo ngape mkira ifuma kokonyi kwavo. ⁷ Koikyo ngapeva mombie o mamondo vaikimbiwa ishinjiwa, ko vajavana vatamoje mamondo. Ngaleiria msenge ivi, msenge umu ngaulagha "Neema" na ungi ngaulagha "umoja". Ko njai ngalevaombija mamondo. ⁸ Mori ngaleagha vaombia varadu, amu ngalevarimijapo, navo valengiilusha. ⁹ Nyiho ngale vavia vakerimukia, "ngapeuta uya cha mombia wana kavipo. omamamondo vepa-nava kupie; mamondo vana viniswa-na vaviniswa. Na mamondo vapesighaka kila umu naje nyama na vamrasa wake". ¹⁰ Koikyo ngairia msenge okwa "Neema" ngaidosa idosa kija jelarije kija ngilevikia na mbari yakwa vose. ¹¹ Komfuriso kijajedoswa, navaja venatamoje mamondo na vaja vena ngilambwa vale manya kee Yahwe aamba. ¹² Ngavavia, "kojekipe vavorokia, mngilihe kyelihwa kyakwa. Koje lekudo mlaute kudo". Koikyo vakaghera kyelihwa kvakwa - shitubu makumi varadusha sha hela. ¹³ Yahwe kangivia, "Dera hela kisikenyi, kindo kicha vale kuninga! "Koikyo ngairia shitubu makumi varadu sha hela neshidera kisikenyi numbenyi ko Yahwe. ¹⁴ Ngadosa msenge okwa o kavi, "Umoja ", idosaundu okwa na Yuda na Israeli. ¹⁵ Yahwe kangivia, "Kavi, iria kiombo kya mombia mtondo kokitevi yakwa ngimonyi, ¹⁶ Amu lambwa, ngakeri imdera mombi ko orika. apelambwa mamondo vana viniswapo. Apeshigha mamondo vanadekapo, nama vapevachira mamondo vanatighilapo. apeombija mamondo vanu hiepo, kake apeja nyama ya mamondo vanahie na apebara mbughachu savo. ¹⁷ Saje ko mombia alapeva vanejitija indikija mamondo! Ipanga jimcheje ja kuokonyi kwake na risojake ja kujo! kuoko kwake kuome na risojake ja kujo jibarike!