¹ Kidedo kya Yahwe kika mcheja iamba, ² "Yahwe omajeshiaambakudi: Ngaosiapo kokitevi kya Sayuni ko king'ania na ngakinavaviwa ko nyashi ifoje! ³ Yahwe omajeshi aamba kudi: Ngapeuya Sayuni nainyi ngadamia ipo Yerusalemu, kimekoja Yerusalemu ipelaghwa mri o loi na kifumbu kya Yahwe omajeshi upe Laghwa kifumbu kiele! ⁴ Yahwe Omajeshi amba kudi: Ko kavi kupekojwa na shisuri ipo shingonyi sha Yerusalemu, kila mumdu apeisenda msenge kokonyi kwake kimekoja nyi msuri. ⁵ Na shiongo sha miri shipeichuruswa vasoro va vomi va vaka vashine. ⁶ Yahwe Omajashi aamba kudi: Kokindo kilapeva Ko meso va shasingaka va vandu va mfuriso, kipeva mesonyi vakwapo? - aamba Yahwe. ⁷ Yahwe Omejeshi aamba kudi: Lambwa, ngakeri ngewavedeja ngivakire vandu vakwa ifuma orika lo kuundu kofuna ruva nakundu jipedona napo ja ruva! ⁸ Amu ngape vaurigha kavai, navo vepedamia iposhi Yerusalemu, kudo vapeva vandu vakwa kavi, nainyi ngapeva makilunga wavo ko loi na uele! ⁹ Yahwe Omajeshi aumba kudi: Inywe mnatolwa ichwa shidedo shijashija shilefuma dumbunyija valashi ku voo ko numba yakwa andu ulederwa numbai yakwa, Yahwe Omajeshi: Vikienyi pinya mako vanu kinesa kanisa ishumbwa. ¹⁰ Aandu silamecha mfuriso kuvoode kya sambwa kye sang'iriwa kyokyose numbenyi yake, kuveodo kya isa ko mundu ana ko nyamandu, na eondesia ifuma ko mkituva ko uja moda mbuka ana mouya. Ngalemuutia kibali kya Ongi. ¹¹ Kake lwaha ipe va cha kuvokapo, ngapeva andu amu vasighaka va vandu va-aamba Yahwe Omajeshi. ¹² Kwani mbeu sa sai sipevajwa; msabibu umalela upefuma ndunda sake na orika lupefuna mashao vake; ruveu kefuna maimi, amu ngapevaninga vasighaka va vandu va irighaja ishi shose. ¹³ Nyuve keri cha mbiagho ko masanga venge, inywe numba ya Yuda numba ya Israeli. Koikyo ngape vakira inwe mpeva mbora. mlaogwe ; moko vanu vavikiwa pinya! ¹⁴ Amu yahwe Omajeshi aamba kudi: Chakundu mlelarija ivautia mavichwa akui vanu valechokosa nyashi yakwa -aamba Yahwe Omajeshi-nama ngalesarailopo. ¹⁵ Nyikodu ngape larija inutia mecha kavi Yerusalemu na numba ya Yuda mfuri si! mlaogwe! ¹⁶ Ishi nsho muuriwa muute: Mundaamba koi, kila mundu na Omrasenyi wake. Mdumbwe ko loi, kuihanie kosia monganyi yanu. ¹⁷ Na kulaade wowose wanu anasara unyamari ngoonyi yake uye ya Omrasenyi, nma naiburwa o vongo; Ishinsho ngashisuje! aamba Yahwe." ¹⁸ Kidedo kya Yahwe kikongicheja iamba, ¹⁹ "Yahwe Omajeshi aamba kudi: Mpungo O mori o kana, mori o katanu, o saba na mori o ikumi nyipeva kieri kya sia ya kila ina, ko numba Yuda! koikyo kundanenyi loi na sia! ²⁰ Yahwe omajeshi aamba kudi: Vandu vapechakavi, naivo vanedamia miringi. ²¹ Vandu va muriumu vapeenda mriungi neamba, mavenyi movinyi oshangunyi lo Yahwe jidefereva na imushugha omajeshi! isejivenyi jipeenda. ²² Vandu vafoje masanga vaodo pinya vapecha che msigha omajwshi ipo Yerusalemu naitereva vakajwa ko Yahwe!. ²³ Yahwe Omajeshi aamba kudi: ko mfuriso, vandu Ikumi ifuma mdedie na orika vapeada otirigho lo nguvo sanu naiamba, "Ise naise jipeendananduamu nainywe, amu jaichwa kee makiling akari anduamu nainywe!"