¹ Miaka ina umangi o mfalme Dario, mfuri o kana mori o kisleu (nacho mori tisa), kidedo kya Yahwe kika mcheja Zekaria iamba. ² Vandu va Betheli vamduma shereza, Regemu meleki na vandu vavo itereva oshangunyi lo kyamunyi ko Yahwe. ³ Vaka deda na valisi vakeri numbanyi ya Yahwe o majeshi na kovalashi; vakaamba," ngitomonyirie komori okatanu ko njia ye punga, chakundu ngenauta miaka ifoje? ⁴ Nyiho kideda kya Yahwe o majeshi kilengicheja iamba, ⁵ "Deda na vandu vose va orika na valisi uvavie, "Andu mlepunga naitomonyi re morichu okatanu na osaba ko miakai sabini, ale loi mlepunga kokitevi kya kwa? ⁶ Naandu mleja ndinywa, mleja nainywa kokitevi kyanu mvenyipo? ⁷ Chisho alededa Yahwe ko madumbu va valashi va kala, aandu modamije Yerusalemu na miri ya shivambara shiode mecha na ye damije Negebu, na ngaliko ya magharibi wanda ya shifumbu?" ⁸ Kidedo kya Yahwe kika mcheja Zekaria iambo, ⁹ Yahwe omajeshi aamba kudi; Dumbuenyi ko loi, ko uele o,larijana na mbara. Kila mndu na muutie kudi mundu avo. ¹⁰ Uye ya apiemii na mwana mokira, mghenu na mwasi-ula va nyonyonge, na kulaade apeuta kinyamaro ko ongi ngoonyi sanu. ¹¹ Kake vale kutata makoso vavo na ma valerogwapo. valerinda madu vavo kinosa valaichwa. ¹² Valeiivika ngoo savo siomie chairara kinesa valaichwa kija nakidedo kya Yahwe o majeshi. Nyaledamada adumwa ko vandu kieri kya kala ko ngoo wake, ko madumbu va valashi. Kake vandu valeichwapo, koikyo Yahwe omajeshi nyale vailusha loi. ¹³ Naandu anavadikira valeichwapo. Kudokudo," kaamba yahwe omajeshi, "Vapengidikira,kake ngapeadanyapo. ¹⁴ Amu ngape vafaghanya ko mkuma o olem wa ko masanga vose valemekione, naade orika lwavo lupearia. amu kuode nama umu apeida ana apedamia ipo orikanyi kimekoja vameikumbo orika lwavo koivorokie ko ila ilapeva.