¹ Ngaghaluka ngateshwa meso ngaona shitala shiarie shina sha matiko shinacha ifuma shifumbunyi shivi; nashifumbusho shetobiriwa ko rera. ² Kitala karie kya kuvoka kiveode matiko va mwera, kitala kiarie kya kavi kuveode matiko varijuu, Kitala kiarie kya karadu kiveode matiko vailie, na ³ kitala kiarie kya kana kiveode matiko va msumsu. ⁴ Kudo ngamuvesera malaika enededa nainyi, "Nyishindo shiki ishi mndumi okwa?" ⁵ Malaika kangitalwa kangivia," Isi peop inyasa ruvee, sikereimuka oshangunyi lo mndumi o orika lose. ⁶ Jiode matiko va njuu jina dambuka orika lo kaskazini; matiko vailie vanadambuka orika lo magharibi; na matiko va msumsu vana dambuka orika lo kusini." ⁷ Matiko va vaode pinya valefuma na vanashigha idambuka itrngeta uye orika, kudo malaika kaamba." Endenyi na mndetengeta uye ya orika!" navo vakaenda uye ya orika lose. ⁸ Naade kangikira naingivi, "Lambwa vaja vanedambuka orika lo kaskani, vape iderasau ngoo yakwa uye ya orika lo". ⁹ Koikyo kidedo kya kikangicheja neamba, ¹⁰ Iria sadaka ifuma ko vaja vasamiriwa-ifuma ko Heidai, tobiya na Yedaya-inajii uenda udamade numbenyi ya Yasia mwana ozefania afumie Babeli. ¹¹ Naade uirie hela nda sahabu, utobire cha ovisa uirarike mdonyi o Yosua mwana o Yehosadaki mlisi mdue. ¹² Deda nacho uambe, Yahwe omajeshi aamba kudi: munduchu, rina jake Tawi! nacho myapeva akeri moshumba kanisa ja Yahwe! ¹³ Icho apeteshwa utukufu wake; apedamia ilamia kitiri kyake kya umangi. Nyapeva mlisi uye kitiri kya umangi na imanya ja sia nyapeva koshosesivi. ¹⁴ Ovisa lupederwa kanisenyi Yahwe ko makene ya Heldai, Tobiya na Yedaya na cha kyekumbura imbija mwana o Zefania. ¹⁵ Nyiho vakeri kwacha vapecha naishumba kanisa ja Yahwe, koikyo mpemanya kee Yahwe omajeshi angiduma kwanu; koje loi mneadanya iru ja Yahwe makilunga wanu ijiutika!"