¹ Nacho Makilunga kamunga mbora Nuhu na vana vake, na ivavia, "Shaenyi, muongerijike, na muichurise orika. ² Iogua na itisha janu shipeva ko kila nyamandu irukie orikenyi, na kila ndeghe saipo uye, kila kindo kipedambuka guanda orikenyi, na makunga vose va olubali balinyi. Shilefunua ko moko vanu. ³ Kila kindo kipedambuka kiirukiye kipeva kando ko kitevi kyanu. Chakundu ngalevaningenyi shidi, luaha ngape muningenyi kila kindo. ⁴ Kake mulaje nyama anduam na ndakame yake guai. ⁵ Kake ko kitevi kya ndakame yanu, iruka jikeri ndakamenyi yaanu ngapeshigha ilihua. Ifuma mokonyi va kila nyamandu ngapeishigha. Ifuma kuokonyi ko kila mundu, yaani, ifuma ko kuoko ko uja nacho amwagha mundu avo, ngapeshigha fidia ko kitevi kya iruka ja munducho. ⁶ Uja oose abuswa ndakame ya mundu, ko njia ya mundu ndakame yake ipebusuwa, ko kitevi nyivekeri ko mbuana ya Makilunga kee Makilunga nyale mughumba mundu. ⁷ Na kudo nainyue shaenyi na mwongerijike, sambaenyi orikenyi kose na muongerijike uye akee." ⁸ Nacho Makilunga kadeda na Nuhu na vana vake anduam nacho, akededa, ⁹ "Ko kitevi kyakuwa, adanya! Ngapedambuka ngindejisibitisha agano jakwa anduam na iguwe na ushao wanu baadala yanu, ¹⁰ na ko kila kiumbe kirukiye kikeri anduam naigwe, anduam na ndeghe, nyamandu sepungua, na kila kiumbe kya orika anduam na igue, i vokia ko vose valefuma safinenyi, mpaka ko kila kiumbe kirukiye orikenyi. ¹¹ Ko kitevi ngapedhibitisha agano jakwa anduam na inyue, kee kupefumia see iangamiswa ko aode osese ko njia ya muringa o gharikapo. Kavi kupefumia gharika ye angamisa orikapo." ¹² Makilunga kadeda, " na iki nyikyo ishara ya agano najo ngapejiuta kati yakwa na inyuwe anduam na kila kiumbe kirukiye kikeri anduam nainyue, ko shishao shose sha baadaye: ¹³ Ngalevikiya udaa okwa o mbua irindinyi, na nyipeva nyiyo ishara ya agano kati yakwa na orika. ¹⁴ Hata kee ipeva iho andu irindi uye ya orika na udaa o mbua upeonua iho irindinyi, ¹⁵ Nyiho andu ngapekumbuka agano jakwa, najo nyi kati yakwa na inyue na kila kiumbe kirukie kya vose vaode osese. Muringa upecha see kavi iva gharika inyamara vose vaode osesepo. ¹⁶ Uda o mbua upeva irindinyi na ngapeuona, ili ikumbuka agano ja ndarasi kati ya Makilunga na kila kiumbe kirukiye kya vose vaode osese kija kikeri orikenyi." ¹⁷ Nacho Makilunga kambia Nuhu, "Iki nyi ishara ya agano najo ngalejithibitisha kati yakwa na vaode osese vose navo vakeri orikenyi." ¹⁸ Vana va Nuhu navo valefuma safinenyi vavekeri nyi Shemu, Hamu, na Yafethi. Na Hamu kamfee Kanaani. ¹⁹ Varadu iva vavekeri nyi vana va Nuhu, na ifuia ko iva orika loose lupeichura vandu. ²⁰ Nuhu kavooka iva mdemi, na kavaja mizabibu. ²¹ Kanyua divai na inangua. Kava nyalee hemenyi duhu. ²² Nacho Hamu, ndiye ya Kanaani, kaona duhu ya ndiye na kavavia vandua vo vavi vavekeri nnja. ²³ Ko ikyo Shemu na Yafethi vakairia kanzu vakaishikija uye ya makoso vavo, vakadambuka kinuma numa na vakaushikija duhu ya ndia vo. Shiamu shavo shikeri shighalukiye numa upande ungi, ko ikyo valeona duhu ya ndio vopo. ²⁴ Nuhu etukwa ifuma inangua jake, nyalemanya ngikiyo ikyo mwanaake mnina amuutia. ²⁵ Ko ikyo kadeda, "Natijua ng'oki Kenani. Nave mtumishi o vanduavo." ²⁶ Kadedo kee, Yahwe, Makilunga o Shemu, naningua mbora Kanaani nave isinga jake. ²⁷ Makilunga apeng'ania mirasa ya Yafethi, na nadamie hemenyi ya Shemu. Kanaani nave isinga jake." ²⁸ Baada ya gharika, Nuhu nyaledamia miaka maghana varadu na makumi vatanu. ²⁹ Mifuri yose ya Nuhu nyivekeri nyi miaka maghana tisa na makumi vatanu nacho kapa.