¹ Isho nyisho shivekeri shishao sha vana va Nuhu, Shemu, Hamu, na Yafethi. Vana va ghomi valeghonika kwavo baada ya gharika. ² Vana va Yafethi vavekeri Gomeri, Magogu, Madai, Yavani, Tubali, Masheki, na Tirasi. ³ Na vana va Gomeri vavekeri Ashikenazi, Rifathi na Togama. ⁴ Vana va Yavani vavekeri Elisha, Tarshishi, Kitimu, na Dodanimu. ⁵ Ifuma ko vandu va pwani valelekana na idambuka guanda avo, kila mundu na kidedo kyake, ihana na mbari savo, ko njiorika savo. ⁶ Vana va Hamu vavekeri Kushi, Misraimu, Putu, na Kanaani. ⁷ Vana va Kushi vavekeri Seba, Havila, Sabta, Raama, na Sabteka. Vana va Raama vavekeri Sheba na Dedani. ⁸ Kushi kamfee Nimrodi, nacho nyavekeri hodari o kuvoka uye ya orika. ⁹ Nyavekeri nyelasa nyamandu mduwe mbele ya Yahwe. Iki nyikiyo kitevi kye deduwa, "Cha Nimrod mlasa nyamandu mdue mbele sa Yahwe.'' ¹⁰ Miri ya kuvoka ya umangi wake nyevekeri Babeli, Ereku, Akadi na Kalne, ko orika lo Shinari. ¹¹ Ifuma orikenyi luja lo Ashuru na kashumba Ninawi, Rehoboth- iri na Kala, ¹² na Raseni nacho nyuvekeri kati ya Ninawi na Kala. Nyuvekeri muri mudue. ¹³ Misraimu kafee Waludi, Waanami, Walehabi, na Wanaftuhi, ¹⁴ Wapathrusi na Wakasluhi ( navo kwavo Wafilisti vakafumia), na Wakaftori. ¹⁵ Kanaani kamfee Sidono, mwanake o kuvoka, na Hethi, ¹⁶ pia na Myebusi, na Mwamori, Mgirgashi, ¹⁷ Mhivi, Mwarki, Msini, ¹⁸ Mwarvadi, Msemari, na Mhamathi. Na mbari sa Vakanaani vakasamba. ¹⁹ Mrasa o Vakaanani nyuleanzia Sidoni, ko idambuka Gerari, na Gaza, na idambuka Sodoma, Gomora, Adma, na Seboimu na Lasha. ²⁰ Iva vavekeri vana va Hamu, ko mbari savo na ko kidedo kyavo, na guanda savona njiorika savo. ²¹ Navo valeonika vana va Shemu, munduavo mudue o Yafethi. Shemu na navekeri ndiavo o vandu vose va Eberi. ²² Vana va Shemu vavekeri Elamu, Ashuru, Alfaksadi, Ludi, na Aramu. ²³ Vana va Aramu vavekeri ni Usi, Huli, Getheri, na Mashi. ²⁴ Arfaksadi kamfee Sela, na Sela kamfee Eber. ²⁵ Eberi kamfee vana vavi na ghomi. Rina ja umu nyalelaghua Pelegi am ko mifuri yaake orika lulelekana. Rina ja munduavo nyalelaghua Yoktani. ²⁶ Yoktani kamfee Almodadi, Shelefu, Hasarmawethi, Yera, ²⁷ Hadoram, Uzali, Dikla, ²⁸ Obali, Abimaeli, Sheba, ²⁹ Ofiri, Havila, na Yobabi. Iva vose vavekeri vana va Yoktani. ³⁰ Mrasa wavo nyulevokia Mesha, hadi Sefari, ifumbu ja mashariki. ³¹ Iva vavekeri vana Shemu, ihana na mbari savo na kidedo kyavo, ko guanda yavo ihana na njiorika savo. ³² Isi sivekeri mbari sa vana va Nuhu ihana na shishao shavo, ko njiorika savo. Ifuma ko iva njiorika silele sanuwa na idambuka orikenyi baada ya gharika.