¹ Lua orika loose luvekeri luketumia kidedo kimu na kivekeri iadanya jimu. ² Ikava vedambuka upande o mashariki, vakaona kiongo kikeri tambarare kikeri orika lo Shinari na vakadamia aja. ³ Vakadediana, "Haya njionyi, jitobire matafali na jivakore loi loi." Vavekeri na matafali badala ya magho na lami cha chokaa. ⁴ Vakadeda, "Njionyi, na jishumbe muri jivenyi na mnara nacho kilele kyake kishike uye, na jivikie rina. Chakire jilapeuta, basi jipetaghanyika kiamunyi kya orika luose." ⁵ Ko ikyo Yahwe kasoka iona muri na mnara usa vashawa va Ibrahimu valeshumba. ⁶ Yahwe kadeda, "Lambwa, vandu va nyi inoti jimu na kidedo kimu na valeivoka iuta kudo! Iha kufui jipelemapo nyi kindo vamekusara ikiuta. ⁷ Njio, jisoke na jinyamare kidedo kyavo aja kee valamanyane." ⁸ Ko ikyo Yahwe kavataghanya ifuma aja idambuka ngaliko yoyose ya kiamu kya orika na vakatija ishumba muri. ⁹ Ko ikyo, rina jake ukalaghua Babeli, ko kitevi iho Yahwe nyalenyamara kidedo kya orika luose na tangu aja Yahwe alevataghanya ngaliko ya kiamu kya orika luose. ¹⁰ Ishi nyisho shivekeri shishao sha Shemu. Shemu nyavekeri na umuri o miaka ighana jimu, na kamfee Alfaksadi miaka ivi baada ya gharika. ¹¹ Shemu nyaledamia miaka maghana vatanu baada yemfee Alfaksadi. Na kafee vana vengi va ghomi na vavaka. ¹² Kigheri Alfaksadi nyaledamia miaka makumi varadu na itanu kamfee Shela. ¹³ Alfaksadi nyaledamia miaka maghana vana na iradu nacho kamfee Shela. Kafee kavi vana vengi va ghomi na vavaka. ¹⁴ Kigheri Shela aledimia miaka makumi varadu, kamfee Eberi. ¹⁵ Shela nyaledamia miaka 403 baada ye mfee Eberi. Kavafee na vana vengi va ghomi navavaka. ¹⁶ Kigheri Eberi avekeri amedamia miaka makumi varadu na ina, kamfee Pelegi. ¹⁷ Eberi nyaledamia miaka maghana vaana na makumi varadu baada yemfee Pelegi. ¹⁸ Kigheri Pelegi nyavekeri amedamia miaka makumi varadu, kamfee Reu. ¹⁹ Pelegi nyaledamia miaka maghana vavi na tisa baada ye mfee Reu. Kafee na vana vengi va ghomi na vavaka. ²⁰ kigheri Reu avekeri amedamia miaka makumi varadu na ivi, nacho kamfee Serugi. ²¹ Reu nyaledamia miaka maghana vavi na saba baada ye mfee Seregu. Kavafee na vana vengi va ghomi na vavaka. ²² Kigheri Seregu avekeri amedamia miaka makumi varadu, kamfee Nahori. ²³ Seregu nyaledamia miaka maghana vavi baada ye mfee Nahori. Kafee na vana vengi va ghomi na vavaka. ²⁴ Kigheri Nahori avekeri amedamia miaka makumi vavi na tisa, kamfee Tera. ²⁵ Nahori nyaledamia miaka ighana jimu na tisa baada ye mfee Tera. Kafee na vana vengi va ghomi na vavaka. ²⁶ Baada Tera idamia miaka makumi saba, kamfee Abram, Nahori, na Haran. ²⁷ Ishi nyisho shishao sha Tera. Tera nyalemfee Abram, Nahori, na Harani, na Harani kamfee Lutu. ²⁸ Harani kapa mesonyi va ndiye Tera orikenyi luja aleonikiya, ko Ur va Wakaldayo. ²⁹ Abram na Nahori vakadua vaka. Mkaa o Abram nyalelaghua Sarai na mka o Nahori nyalelaghua Milka, mwana o Harani, nyavekeri ndiye ya Milka na Iska. ³⁰ Luaha Sarai nyavekeri Tasa; aveode mwanapo. ³¹ Tera kamwiria mwanake Abram, Lutu mwana o mwanavo Harani, na Sarai muko wake, muka o mwanake Abram, na anduam vakafuma Ur o Wakaldayo, idambuka orika lo Kanaani. Kake veshika Harani vakadamia aja. ³² Tera kadamia miaka maghana vavi na itanu nacho kapa iho Harani.