1 Iki nyi marina va kishao kya Adamu. Ko mifuri iya Makilunga alemughumba mundu, nyalevaghumba ko mbuana yake amonyi. 2 Mundumi na mundumuka nyalevaghumba. Kavaningambora kavalagha Adam kigheri valeghumbua. 3 Kigheri Adamu amedamia miaka 130, kamfee mwana ko mbuana yake amonyi, ko mbuanaake, na kamlagha rina jake Sethi. 4 Ngata Adam imfee Sethi, nyaledamia miaka maghana nane. Kavafee vana vafoje vaghomi na vavaka. 5 Adam kadamia miaka 930 na iho kapa. 6 Kigheri Sethi aledamia miaka 105, kamfee Enoshi. 7 Ngata amemfee Enoshi, kadamia miaka 807 na kavafee vana vana vengi vaghomi na vavaka. 8 Sethi kadamia miaka 912 nacho kapa. 9 Kigheri Enoshi amedamia miaka makumi tis kamfee Kenani. 10 Ngata amemfee kenani, Enoshi nyaledamia miaka 815. Kafee vana vafoje va ghomi na va vaka. 11 Enoshi nyaledamia miaka 905 nacho kapa. 12 Kigheri Kanani amedamia miaka makumi saba, kamfee Mahalaleli. 13 Ngata amemfee Mahalaleli, Kenani nyaledamia miaka 840. Kavashaa vana vafoje va ghomi na vavaka. 14 Kenani nyaledamia miaka 910, nacho kapa. 15 Mahalaleli nyoledamia miaka makumi sita na vatanu, kamfee Yaredi. 16 Ngata amemfee Yaredi, Mahalaleli nyaledamia miaka 830. Kafee vana vafoje vaghomi na vavaka. 17 Mahalaleli nyaledamia miaka 895 nacho kapa. 18 Yaredi nyaledamia miaka 162, kamfee Henoko. 19 Ngata amemfee Henoko, Yaredi nyaledamia miaka maghana nane. Kafee vana vafoje vaghomi na va vaka. 20 Yaredi nyaledamia miaka 962 nacho kapa. 21 Henoko nyaledamia miaka makumi sita na itanu, kamfee Methusela. 22 Henoko kadambuka na Makilunga miaka iradu ngata amemfee Methusela. Nyalefee vana vafoje va ghomi na vavaka. 23 Henoko nyaledamia miaka 365. 24 Henoko nyaledambuka na Makilunga, na cho nyaletoweka ko kuwa Makilunga nyalemuiria. 25 Kigheri Methusela nyaledamia miaka 187, kamfee Lameki. 26 Ngata ye mfee Lameki, Methusela nyaledamia miaka 782. Kafee vana vafoje vaghomi navavaka. 27 Methusela nyaledamia miaka 969. Na cho kapa. 28 Kigheri Lameki nyaledamia miaka 182, kamfee mwana. 29 Kamlagha rina jake Nuhu, kadeda, "Ichu nyicho apejininga ipumsika ifuma uyenyi odu na ifuma uyenyi o ukiva o maoko vedu, nasho nyi lasima jiute ko kitevi kya guanda nacho Yahwe nyaleija ng'oki." 30 Lameki nyaledamia miaka 595 ngata amemfee ndiye ya Nuhu. Kafee vana vafoje va ghomi navavaka. 31 Lameki nyaledamia miaka 777. Na cho kapa. 32 Ngata ya Nuhu idamia miaka maghana vatanu, kamfee Shemu, Hamu, na Yafethi.