¹ Sara nyaledamia miaka ighana jimu na makumi vavi na saba. Iyo nyiyo ivekeri miaka ya Sara. ² Sara nyalepia Kiriathi Arba, nayo nyi Bebroni, orika lo Kanaani. Abraham kaombolesa na imufughia Sara. ³ Nacho Abraham nyalekwe na ifuma ko mukaake amepa, kadeda na vana va ghomi va Hethi, kavavia, ⁴ "Inyi nyi mughenu gholosi yanu. Ngatereva nginingenyi andu ngapemrika gholosi yanu, ili kee ngidime murika kiimba kyakwa." ⁵ Vana va Hethi vakamujibu Abraham, vakambia, ⁶ "Jiadanye mundumi odu. Iguwe nyi mwana o Makilunga gholosi yedu. Rika kiimba kyapo makaburinyi vedu aja andu osambura. Kuode gholosi yedu apekuima ikaburi jake ko kitevi kyerika kiimba kyapo po." ⁷ Abraham kaimukana na itereva Makilunga guanda ya vandu va orika luja ko vana va Heth. ⁸ Kavavia, kaamba, "Kokira moidikija inyi irika kiimba kyakuwa, nyiho ngiadanyenyi, mterevenyi Efroni mwana o Sohari ko aji yakwa. ⁹ Mbienyi nangikumbie mbako ya Makpela, nayo nyacheimiliki, nayo nyikeri mwisho o mdeme wake. Ko ughuru kamili nangikumbie wasi wasi mbele ya vandu cha miliki yerikia." ¹⁰ Efroni nyavekeri adamije gholosi ya vana va Hethi, na kudo Efroni Mhiti kamujibu Abraham avekeri amevaadanya vana va Hethi, vose vasa vavekeri valecha moongo o muri wake, kadeda, ¹¹ "Guai, mundumi okwa, ngiadanya. Ngapekuninga mudema na mbako iyo ikeri mudemenyi choo. Ngapekuningiya urike kiimba kyapo." ¹² Nacho Abraham katereva katereva guanda mbeele ya vandu va orika luja. ¹³ Kambia Efroni vandu va orika luja vakkemuadanya, kambia chakira ukeri radhi, ngalereva ungiadanye. Ngapelipa mdeme. Iria hela kokwa, na ngaperika kiimba kyakuwa aja." ¹⁴ Efroni kamujibu Abraham, kambia, ¹⁵ "Ngatereva mundumi okwa, ngiadanya. Kipande kya guanda kiode zamana ya shekeli maghana vaana va hela, na ikyo nyi kindo kiki kati yakwa na iguwe? rika kiimba kyapo." ¹⁶ Abraham kamwadanya Efroni nacho kampimia Efroni kiwango kya hela sija alesisenga mbele ya vana va Helthi vakamwadanya, shekeli maghana vaana va hela, ko mujibu o shiwango sha shipimo sha ughuru. ¹⁷ Ko ikyo mudeme o Efroni, nyiuvekeri ko Makpela, mbele ya mamre, mudeme andumu na mbako nyivekeri iposhi na shidi shose shivekeri iposhi mdemenyi na shivekeri mrasenyi ikafunuwa ¹⁸ nacho Ibrahim ko njia yeura mbele ya vana va Hethi, na mbele ya vose vaja valecha aja moongo o muri wake. ¹⁹ Baada ya isho, Abraham kamrika Sara mkaake mbakonyi ya mdemenyi cho Makpela, jikeri mbele ya Mmre, nayo nyi Hebroni, ipo orika lo Kanaani. ²⁰ Ko ikyo mudeme anduam na mbako shikafunua na vana va Hethi ko Abraham cha milki ya eneo jerikiya.