¹ Kigheri Abram eveode miaka makumi tisa, Yahwe kamfumia Abram nacho kambia, "Inyi Makilunga o oruu. Udambuke mbele yakwa, na uve na pinya. ² Ngapesibitisha agano jakwa inyi na igue na ngapekuorija munu. ³ Abram karama kiamu kyake mpaka guanda maifunyi na Makilunga kadeda nacho, kambia, ⁴ "Inyi, lambua, agano jakwa jikeri na iguwe. Nyupeva papa o njiorika sifoje. ⁵ Nama rina japo jipevase Abram po, najo rina japo jipelaghua Abraham - ko kitevi ugakusambura uve papa o njiorika sifoje. ⁶ Ngapekuvika uve na ushao ufoje munu, na ngapekuvika njiorika, na vamangi vapefuma kwapo. ⁷ Ngapeimarisha agano jakuwa kati yakwa na igue na ushao wapo baada yapo, ko shishao shapo shose ko agano ja ndarasi ngapeva Makilunga wapo ko ushao wapo Baada ya igue. ⁸ Ngapekuninga igue, na ushao wapo baada ya iguwe orika luja uvekenadamia, orika loose lo Kanaani, iva milki ya ndarasi, na ngapeva Makilunga wavo." ⁹ Nacho Makilunga kambia Abraham, "Na igue uade agano jakuwa, iguwe anduam ushao wapo baada yapo ko shishao shavo. ¹⁰ Iji nyijo agano jakwa, najo ujiade kati yakwa na igue na ushao wapo baada ya igue ipa: Kila mundumi o kwanu nyi lasima nadinuwa. ¹¹ Lasima mdinuwa ko nyama ya njonyi yambele, na ikyo kipeva nyi ishara ja agano kati yakwa na inyuwe. ¹² Kila mndumi o kwanu aode umuri o mifuri nane lasima nadinuwa, koshishao sha vandu vanu. Ikyo nyi anduam na uja aonekiya numbenyi yapo na uja nacho apeuruwa ko hela ifuma ko mughenu oose uja alekeri anduam na ushao wapo. ¹³ Munduu uja aonekiya numbenyi yapo na uja auruwa ko hela yapo lasima nadinuwa. Ikyo agano jakwa jipeva osesenyi luanu iva agano ja ndarasi. ¹⁴ Mundumi oose aladiniwa osese shemba shanjonyi yake ya mbele nyapetenguwa na vandu vake. Nyafunja agano jakwa." ¹⁵ Makilunga kambia Abraham, "Ko kidedo kya Sarai mkaapo, ulamdikire kavi Sarai. Guai umudikire rina jake jipeva Sara. ¹⁶ Ngapekuninga mbora, na ngapekuninga mwana o ghomi kuwake. Ngapemringa nbora, na nyapeva mama o njiorika. Vamangi va vandu va njiorika vapeghonuwa ifum ¹⁷ Nacho Abraham karama kiamu kyake mpaka maifunyi, nacho kaseka, kadeda ngonyi yake, Ale nakipedima mwana naoneke ko mundumi nacho aode umri o miaka ighana jimu? Ale nacho Sara, aode umri o miaka makumi tisa napedima ifee mwana?" ¹⁸ Abraham kambia Makilunga, "Lu Ishmaeli napedima idamia ko kitevi kyapo!" ¹⁹ Makilunga kadeda, Guai, Sarai mkaapo apekufeej amwana o ghomi na nyupemlagha rina jake Isaka. Ngapeimarisha agano jakwa nacho cha agano ja ndarasi anduam na ushao wake baada icho ipa jake. ²⁰ Nako kidedo kya Ishmaeli ngakuichwa. Lambwa, ngapemninga mbora, na ngape muninga iva na ushao na imuongerija munu. Nyapeva papa o vasongoru ikumi na ivi va mbari, na ngapemvika iva orika ludue. ²¹ Kake agano jakwa ngapejivika iva imara na Isaka, nacho Sarai apefee kwapo kigheri cha iki wakani." ²² Emarija ideda nacho, Makilunga kakure ko Abraham. ²³ Nacho Abraham kamwiria Ishmaeli mwanake, na vose vaja valeghonekiya numbenyi yake, na vose vaja valeuruwa ko hela ake, kila mundumi gholosi ya vandu va numba ya Abraham, valedinuwa osese lo shemba lo njonyi ya mbele ko mfuri icho chakundu Makilunga alebia. ²⁴ Abraham nyaveode umri o miaka makumi tisa na tisa edinuwa osesenyi luake na shemba sha njionyi yake ya mbele. ²⁵ Nacho Ishmaeli mwanake nyaveode umri o miaka ikumi na iradu edinuwa osesenyi lo njionyi ya shemba shake sha mbele. ²⁶ Mufuri uja vose vevavi Abraham na Ishmael mwanake valedinuwa, nyiho ²⁷ ghomi vose va numba yake valedinua, iva uyi anduam na vaja valeonika numbenyi ya vaja valeuruwa ko hela yafuma ko mughenu.