¹ Nacho Sarai mka o Abram, nyavekeri amemfeja mwanapo, kake nyaveode mutumishi o vaka, Mmisri nacho rina jake nyekelaghua Hajiri. ² Ko ikyo Sarai kambia Abram, "Lambua, Yahwe amengininga inyi mwanapo. Enda ulaye nacho nacho mtumishi icho. Ili ngidime pata mwana idiya kwake." Abram kaichwa iruu ja Sarai. ³ Nyivekeri baada ya Abram idamia miaka orikenyi lo Kanaani nyiho Sarai, mka o Abram, alemfuna Hajiri Mmisri uja mtimishi ko miake nave cha mkaake. ⁴ Ko ikyo kava na ikundana na Hajiri, nacho kapata mimba. Na eona kee amepata mimba, kammena mkaake. ⁵ Nacho Sarai kambia Abram, "Kindo kii kivichua kokwa nyi ko kitevi kyapo. Ngalemfuna mtumishi okwa o vaka nave mkaapo. Na eona amepata mimba, ngale menika mesonyi vake. Na luaha tija Yahwe naamue icho kati yakwa na igue." ⁶ Kake Abram kambia Sarai, "Lambwa, ihaa, mtumishi wapo akeri iho ko oruu uta kija upekiona, upekusaranyi kicha munu kwake." Ko ikyo Sarai kakabiliana nacho ko uuesi, nacho katoroka. ⁷ Malaika o Yahwe kamkoja kufui na njoro ya muringa ikeri ipo olukung'uuyi, njoro yo nyikeri njia yeenda Shuri. ⁸ Kadeda, Hajiri mtumishi o Sarai, nguku ofuma a nguku ukedambuka?" Nacho kadeda, ngakenamtoroka chocho okwa Sarai." ⁹ Malaika o Yahwe kambia, "Uya ko kekiyo, na umtereve guanda yake nauvadiye kija kyake." ¹⁰ Nacho malaika o Yahwe kambia, "Ngapeongerija ushao wapo marakafoje, kura kee vapeva vafoje valapedima italwa." ¹¹ Malaika wa Yahwe nacho kambia, "Lambua, igue nyuvode mimba, na nyupefee mwana o ghomi, na nyupemdikira rina jake nyicho Ishmaeli, ko kitevi Yahwe ameichua mateso vapo. ¹² Nyapeva ipunda ja musudu ja mundu nyapeva mvichwa ko kila mundu, na kila mundu nyapeva mbichwa wake, nyapeda mia kuwacha na vanduavo vose." ¹³ Nacho kamdikira rina iji Yahwe alededa nacho, "Iguwe nyi Makilunga ungionie inyi," Ko kuwa nyalededa, "Ale nangape endelea loi iona, hata hambele kee amengiona?" ¹⁴ Ko ikyo irungu jilelaghua Beerlahairori; Lambwa, kikeri kati ya Kadeshi na Beredi. ¹⁵ Hajiri kamfeja Abram mwana o ghomi, na Abram kamlagha mwanacho Hajiri alemfee rina chake Ishmaeli. ¹⁶ Abram nyaveode miaka makumi nane na sita kigheri Hajiri efee Ishmaeli ko Abram.