¹ Baada ya shindo sho kidedo kya Yahwe kikame heja Abram ko iloswa kikambia, "Ulaoguwe, Abram! inyi nyi ngavo yapo na thawabu yapo nduwe munu." ² Abram kadeda, "Mndumi Yahwe, nyupengininga kiki, ko kitevi ngapedambuka bila mwana, na murisi o numba yakwa nyi Eliezeri o Dameski?" ³ Abram kadeda, "Ko kitevi umengininga kishao, lambwa, ujaapelambua numba yakwa ncho mrisi okwa." ⁴ Na, ulambwe, kidedo kya Yahwe kikacha kwake, kyededa, "Mundu chuu chicho apeva mrisi wapo; po isipokuwa nyiuja apefuma osesenyi luapo nyicho apeva mrisi wapo." ⁵ Nacho kamfuna injaa, nacho kadeda, lambua ruveu, na usiitale ng'eng'eri, chakire upedima isiitala." Nachoo kambia, kudo nyi kudo ushao wapo upeva. ⁶ Kamwamini Yahwe, na kamuitalia ijambo iji kee aode haki. ⁷ Kambia, kee inyi nyinyi Yahwe, uja ngalekufu na Uru ya Wakaldayo, na ikuninga orika luu ulurisi." ⁸ Kadeda, "Mndumi Yahwe, ngapemanya kuda kee ngapeirisi?" ⁹ Nacho kambia, "Ngininga ngache ya miaka iradu, mburu ya vaka ya miaka iradu, na imondo ja ghomi jiode miaka iradu, na ita na mwana o ita." ¹⁰ Kamuendie isho shose, kashibara ko mafungu vavi, kashidera kila kipande ilambuana na ungi, ila ndeghe alesibarapo. ¹¹ Kigheri ndeghe silecha uye ya shiimba, Abram kasidichira. ¹² Na kigheri ruva jikedona, Abram kalaa madiyo mashubu na lwambua, iogua ja moma mduwe ukamshikija. ¹³ Nacho Yahwe kambia Abram, "Umanye kee ushao wapo vapeva vaghenu orikenyi lulakeri luavo, na vapetumikishwa na iteswa ko miaka maghana vaana. ¹⁴ Ngapejiitimila taifa jo vapejitumikia, na baadaye vapefuma vakeri na mali sifoje. ¹⁵ Kake upedambuka ko vandiyo uode amani, na nyuperikwa ko usuri mucha. ¹⁶ Ko kishao kya kaana vapecha kavi iha ko kitevi kya unyamari o Waamori umeshikia mwisho wake po." ¹⁷ Ruva jivekeri jikedona na kuve na moma, lambua, nungu ya musu iode modo na miali ya mwanga ileidia gholosi ya shipande shija. ¹⁸ Mfuri icho Yahwe kavikiya kiaga na Abram, kadeda, "Ngafuna orika luu ko ushao wapo, ifuma dahu ya Misri ampaka dahu nduwe, ya Frati - ¹⁹ Mkeni, Mkenizi, na Mkadmoni, ²⁰ Mhiti, Mperizi, Mrefai, ²¹ Mwamori, Mkanaani, Mgirgashi, na Myebusi.