¹ Kuvekeri ko mifuri ya Amrafeli, mangi o Shinari, Arioko, mangi o Elasari, Kedorlaoma, mangi o Elam na Tidali, mangi o Goimu, ² valekavana shida na Bera mangi o Sodoma, Birsha, mangi o Gomora, Shinabu, mfalme wa Adma, Shemeberi, mfalme wa Seboim, na mangi o Bela(nacho akedikiruwa Soari). ³ Vamangi vo ve vatanu va mwisho valeadana anduam ipo ibotonyi ja Sidim (najo jichedikiruwa olubalibali lo monyo). ⁴ Ko miaka ikumi na ivi valemurundia Kedorlaoma, kake ko mwaka uja o ikumi na karadu valelekana. ⁵ Na ko mwaka o ikumi na kaana, Kedorlaoma na vamangi vaja vekeri anduam nacho valecha naivakava Warefai ko Ashterothi Karnaimu, na Wazuzi katika Hamu, Waemi ko Shawe Kiriathaimu, ⁶ na Wahori ifumbunyi javo ja Seiri, mpaka El Parani ikeri kufui no olukung'unyi. ⁷ Navo vakauya vakacha En Misifati (nayo ikedikiruwa Kadeshi), na ivashinda orika lose lo Waamaleki, na Waamori navo valedamia Hasasoni Tamari. ⁸ Nacho mangi o Sodoma, mangi o Gomora, mangi o Adma, mangio Seboim, na mangi o Bela (hayo ikedikiruwa Soari) valedambuka vakamua ⁹ shida Idiya Kadorlaoma, mangi o Elam, Tidali mangi o Goim, Amrafeli, mangi o Shinari, Arioki, mangi o Elasari; vamangi vaana idiya vaja ve vatanu. ¹⁰ Na luaha iboto ja Sidimu jivekeri jichurie marungu va lami, na vamangi va Sodoma na Gomora valekambija, vakaagira aja valebaki vakakambija mafumbunyi. ¹¹ Ko ikyo mvichwa kairia mali sose sa Sodoma na Gomora na kando kavo koose, vakadambuka kwavo, ¹² Yekure, vakamwiria Lutu, mwana o munduavo o Abram nacho nyaledamia Sodoma, anduam na mali sake sose. ¹³ Umu nyaletoroka kacha kachembia Abram mwebrania. Nyavekeri adamije mialoni ya Mamre, mwamori nacho nyavekeri munduavo o Eshkoli na Aneri navo vavekeri vashirika va Abram. ¹⁴ Abram eichuwa kee mesa vamemteka munduavo, nacho kavasongoja ghomi valoshuwa na ionikiya kanyi kuwake 318 maghana varadu na ikumi na nane na ivasongoja mpaka Dani. ¹⁵ Kavalesana vandu vake ko kio kyo na ivavamia, na ivadichira mpaka Hoba, nayo nyikeri kaskazini ya Dameski. ¹⁶ Nacho kaurigha mali sose na munduavo Lutu na mali sake anduam na vaka na vandu vengi. ¹⁷ Baada Abram iuya ifuma imkava Kadorlaoma na vamangi vavekeri anduam nacho, mangi o Sodoma kafuma ionana nacho ibotonyi ja shawe (najo jivekanalaghua iboto ja umangi). ¹⁸ Melkizedeki, mangi o Salem, kaende iboflo na divai. Nacho nyavekeri mdue o Makilunga akeri uye munu. ¹⁹ Nyalemuninga mbora akeneamba, "Nanengua mbora Abram na Makilunga akeri uye munu, uja aleghumba ruveu na orika. ²⁰ Nanengua mbora Makilunga akeri uye sana, nacho alekuendie vamesa vapo mookonyi vapo." Nacho Abram kamningia kinina kya kila kindo. ²¹ Mangi o Sodoma kambia Abram, "Ngininga vandu, na uirie iguwe kumonyi mali." ²² Abram kambia mangi o Sodoma, "Ngateshua maoko vakwa uyee ko Yahwe, Makilunga akeri uye munu, moghumba ruvena orika, ²³ kee ngapeiria uzi nama orusu lo kiadu po, ana kindo kyo kyose kija kipelaghua kyapopo, ili kee ulaambe, kee ngamuutia Abram kee tajiripo.' ²⁴ Ngapeiria kyokyose kija kya vasoro valeja na kiasi kija kya vandu valedambuka nainyi. Aneri, Eskoli, na Mamre na vairie kiasi kyavo."