¹ Kudo Festo aleingi katika ikio ko furi iradu aledambuka fuma kaisaria mpaka Yerusalemu. ² Kuhani mudue o Wayahudi valeende mustska ko Paulo ko Festo, valededa ko uru Festo. ³ Na valemutereva Festo fadhili uye shidedo sha Paulo napate amedikirwa Yerusalemu ili vadime e muanga njia. ⁴ Kake Festo aleamba Paulo avekeri mupungwa katika Kaisaria, icho amonyi apeuya kunu movinyi. ⁵ Aaleamba ''koikio, vajavapedima, vapedima edambuka ipo na ise.Kakira kode kindo kivichwa ko vandu ivo, munetukiwa emushituki.'' ⁶ Baada ye damia furi inya ana ikumi na zaidi, kauya Kaisaria na furi ilevadia akadamia kitiri kyu hukumu na kavavia Paulo naendwa kwake. ⁷ Eshika, Wayahudi kufuma Yerusalemu vakaimuka kufui vakafumu mashituko vafoje madue valedima ezibitisha. ⁸ Paulo alejiteea ne amba, chi ziki ya rina ja Wayahudi, chi uye ya numba, na chi uye ya Kaisaria, ngarunda kivichwa.' ⁹ Kake festo avekeri anejipendekeza Wayahudi, na kudo kampia Paulo ko eamba, nyuri dambuka Yerusalemu eteswa na inyi kicha shindo isho?' ¹⁰ Paulo aleamba, 'Nganeimuka ushangu o kitiri kye teswa na kaisari andu nganepauswa ehukumiwa, nganevanangamana Wayahudi, kakiri igwe ulemanya kicha. ¹¹ Kakira ngakosea na ngarundu kinetakiwa ngipe, ngapelega ipa. Kake shutuma savo chi kindo, kode mundu apedima engininga kyavo nganempia kaisari. ' ¹² Baada ya Festo ededa iganga katalwa, ''Unemuona kaisari.'' ¹³ Baada ya furi ilive, mudue Agripa na Bernike valeshika kaisaria erunda ziara rasimi ko Festo. ¹⁴ Baada ye damia iho ko furi ifoje, alewasilisha kesi ya Paulo ko mudue; kaamba, 'Mundu umu aletijwa iha cha feliki cha mupungwa. ¹⁵ Ngavekeri Yerusalemu makuhani vadue na vasuri va Wayahudi valeende mashitaka uye ya vandu icu kokwa navo valevesera uye hukumu sidi yake. ¹⁶ Koikio inyi ngalevavia kua chi desturi ya waroma emufana mundu ko upendeleo badala yake, mutuhumiwa anetakiwa nave nanafasi evakabili vashitakiwa vake sidi ya tuhuma iso. ¹⁷ Ko ikio, vecha anduamu navo, ngaledima eveleja, kake uri ilevadia ngale damia katrinyi kya udue neamuru mundu ichu naendwa numbenyi. ¹⁸ Kigeri valeshitaki veimuka ne emushitaki, ngalimanya kode mushitaka muduwe valefunwa zidi yako. ¹⁹ Baadala yake, vavekeri na ulode fulani anduamu imanya kuhusu elini yava imanya Yesu ovekeri amepa, kake Paulo anemanya kuua nyi mucha. ²⁰ Ngavekeri ngashingwa cho kundu ngilambwe kindo iki, ngalemarija anedambuka Yerusalemu ehukumiwa shindo ishi. ²¹ Kake Paulo aledikirwa nadere wanda ya ulinzi ko ajili ya uringi o mfa mdue, ngalembia navikie hata ngapemdamada ko kaisari. ' ²² Agripa alededa na Festo, ''Ngekunda emuasanya ichi.'' Festo, akaamba, ''Ngama ngapemuadanya.'' ²³ Kudo ngama nacha, Agripa na Bernike valeshika na ndima ifoje; valeshika katika uwanja na vadue va jeshi, na mundu omuri. Festo efuna amuri, Paulo aleendwa kwavo. ²⁴ Festo aleamba, ''Mudue Agripa, nyi mundu vose vakeri anduamu navo vashauri, kokwa vakava olodo kokwa aladamie. ²⁵ Ngakona ko alerunda kyokyose kinefaa ipa kake kokira amudikira mudue, ngaleamua nadamadwa. ²⁶ Kake ngaode kindo kye renga ko mudue. Kokira iki, ngamuende kwapo igwe mudue Agripa, ngipate kindo kye renga kusha kesi. ²⁷ Kokira nganeona kiode maana emudumada mpungwa elora mashitaka vanemukabili.