¹ Baada ya mfuri sitanu, Anania kuhani mdue, vaitaleva vasuri na mdedaji umu achedikirwa Tertulo, akadambuka aja. Vandu iva vaende mashitaka zidi ya Paulo ko gavana. ² Paulo andu amukye oshangunyi lo gavana, Tertulo akaivoka imshitakia na iyamba ko gavana, ''Kokitevi jiode amani ndue, na ko maono vapo vaneende mageuzi vaorokye katika orika lodu; ³ Basi ko iletereshe jose jinedija kila kindo kisa ukenekiuta, mdikive mheshimiwa Feliki. ⁴ Kake ngalakuchoshe munu nganakutereva ungiadanye shidedo shinia ko fadhili sapo. ⁵ Amu jampata mundu ichu atingidye na nyanesababisha Wayahudi vose inyamara duniani. Kavi nyi kiongozi o mathehebu va Wanazorayo.(Adya ya shidedo sha mstari 24: 6 ⁶ Na ade nyalegheresha ajidikinga hekelu unajisi kudo jikamwada, ukeripo nakala bora sa kala). (Adya: mstari ichu ⁷ Jilaitase, afisa, nyalecha na akamwirya ko oru mkonyi vedu. Ukeri nakalenyi bora sa maandiko va kala). ⁸ Ukamvesera Paulo kuhusu shindo ishi, upedima ikulosha nyikindo kiki jamshitakia.'' ⁹ Wayahudi navo vakamshitaki Paulo, vakaamba ke shindo ishi vavekeri loi. ¹⁰ Liwali emkingia koko ili Paulo na dede, Paulo katalwa, ''Ngauchi ke miaka ioje uvekeri mwamuzi o taifa iji, na ngeneorokywa ikuwamba ngimonyi kwapo. ¹¹ Upedima ihakikisha ke simeidapo mfuri zaidi ya ikumi na ivi fuma jedoja adambuka egabudu Yerusalemu. ¹² Na vengikoja katika hekelu, ngelebishana na mundu yo yose, na ngaleuta onyari katika masinagogi nama ndani ya mri; ¹³ Nama mpedimapo ihakikisha kwavo mashitaka vaneshitshitakia zidi yakwa. ¹⁴ Kake nganeamba iji kwapo, ke konjia iya isa valeidikirya dhehebu, ko njia iyo iyo ngakenamu utya Makilunga o papa sedu. Inyi mwaminifu ko vase vakeri sherinyi na maandiko ya manabii. ¹⁵ Ngaode ujasiri uja ko Makilunga usa hata ivo navo vanauvedeja, icha ko ufufuo o vapie, ko vose vaode haki na valaode hala; ¹⁶ na ko iji, nganeuta wia ili ngive na dhamira ilaode hatia oshangunyi o Makilunga na oshangunyi o vandu idya shindo shose. ¹⁷ Luaha baada ya miaka ifoje ngalecha iyende msaada ko taifa jakwa na zawadi ya hela. ¹⁸ Ngeuta kudi, Wayahudi fulani va Asia vakangikoja ndani ya sherehe ya utakaso ndani ya hekelu, bila kundi ja vandu va ghasia. ¹⁹ Vandu iva vainyarye vave oshangunyi lwapo luha kudi na vaambe kindo vaode uye yakwa koja kidedo kyokyose. ²⁰ Ana vandu iva vakenyi na vaambe nyikasajiki valejiona kokwa andungaleimuka oshangunyi obaraza ja Kiyahudi; ²¹ Ila ko akjiliya kindo kimu ngalekiamba ko sauti ngeimuka maladi vavo, nyikoitevi kya ufufuo o vapie inywe mnengihukumu.''' ²² Feliki avekeri ameviwa ucha kuhusu njia, na akauhairisha mkutano. Akaomba, ''Lisia jemedari anduapecha wanda efuma Yerusalemu ngapefuna maamuzi zidi ya mashitaka vanu.'' ²³ Nyiho akamuamuru akida namringe Paulo, ila nave na nafasi nama kulaade mundu ovaima vamongo vake valamtarame nama valamdambukye. ²⁴ Baada ya mfuri siitale Feliki akauya na Drusila mkake avekeri Myahudi, akaduma namdikire Paulo na akaadamya efuma kwake habari sa imani ndani ya Kristo Yesu. ²⁵ Kake Paulo avekeri aneveserana ihusu uhaki, iva na kiasi kya hukumu iyo inacho, Feliki ava na hofu akatalwa, ''Damba kuacha ko lwaha, ila ngapa muda kavi, ngapecha.'' ²⁶ Masaa ivoivo, ngaveichi kee Paulo apemunenga hela ki ikyo nyalemdikira mara kafoje akadeda nacho. ²⁷ kake miaka ivi yeshika, Porkio Festo akava Liwali baada ya Feliki, kake Feliki nyauri ajipendekeza ko Vayahudi, kudo akamtia Paulo wanda ya uringi.