¹ Paulo kavalimbwa umu ko umu vandu va baraza kadeda, ''Vandodu vakwa, ngamedamya oshangunyi o Makilunga kokitevi kicha mpaka iji inu.'' ² Mangi mdue Anania kavadedya vaja vamkanwe kufui nacho vamkave momu wake. ³ Ngyho Paulo kavaongoja, ''Makilunga apekukava igwe, kibambaza kishijwa chokaa. Nyudamije engishitaki ko loi naigwe nyuruvija ngikavya ko numa ke koi?'' ⁴ Vaja vekeri vaimkye kufui nacho vakadeda, ''Kudi nyikudo wanamdenga mangi mdue o Makilunga?'' ⁵ Paulo kadeda, ''Vandodu vakwa, inyi ngamanyapo kee ichu nyi mangi mduepo koi kyo kireghya upededa ovichwapo uye o mangi o vandu vapopo.'' ⁶ Paulo eona ke uvari umu o baraza nyi Masadukayo na vengi Mafarisayo, kaongerija iru kadeda, ''Vandodu vakwa inyi nyi Mfarisayo, mwana o Mfarisayo. Nyi kokitevi kwetegemea ujasiri o ufufuo o Varumi ngaode hukumu yavo.'' ⁷ Ededa iva, mlughano mdue kuafumya kati ya Mafarisayo na Masadukayo, isanga jikakuraghwa. ⁸ Loi Masadukayo vecheamba kode ufufuopo, malaika nama kodepo kode ngoopo, kake Mafarisayo vanaamba iva vose shikeri. ⁹ Unangwa mdue ukafumya kati ya vareghya vekeri uvari o Mafarisayo vakaimkona eveserana, vakaamba, ''Jimeona kyokyosepo kivichwapo kati ya mndu chu. Kuda cha ngoo ana malaika adeda nacho?'' ¹⁰ Kigheri kulefumya shidedo shidue, mdue o majeshi nyaleogwa kee Paulo nyelandwa shimbenyu benju navo koikya kaamba vanajeshi vasoke wanda vamwirye ko pinya ifuma ko vambele va ibarasa, vamwende iho ngomeni. ¹¹ Kio kyeshika Mndumi kaimkana kufui nacho kadeda, ''Ulaogwe, ko maana umengiapo kokitevi kya Yerusalemu, kudo upefuna ushaidi o Roma.'' ¹² Kokia, Vayahudi vanina vakauta kiaga kidikira mbiagho uye yavo vavenyi: valeamba ke vapeja nama vapenywa kyokyosepo mpaka vamwaghe Paulo. ¹³ Kuveode vandu arobaini ke veleuta ngarija ii. ¹⁴ Vakaenda ko vadue mangi na vasuri vakadeda, ''Jakudera vavenyi mbiaghonyi idue, jilaje kyokyose mpaka jimwaghe Paulo. ¹⁵ Kudo lwaha, ibarasa jimbie jemedari mdue na mwende kwanu, kwa ikyo mnaruvija chila yake koloi. Kodu ise jikeri tayari emwagha namaalemecha iha.'' ¹⁶ Kake mwana o msachake Pauko kaichwa ke kuveode ngarija, kadambuka kaighya numbenyi yangome naembia Paulo. ¹⁷ Paulo kamdikira akida umu kadeda, ''Mwirye msoro ichu ko jemedari; kokitevi aode kidedo kyembia.'' ¹⁸ Kweikyo akida kamwirya msoro uja kamdamada ko jemedari mdue kambia, ''Paulo, uja mpungwa nyalengidikira kashigha ngimwende msoro ichu kwepo. Nyaode kidedo kyekuvia.'' ¹⁹ Jemedari uja mdue kamwada koko kakuvaghwa nacho mbarinyi, ''Kambesera, nyikindo kiki uri engivia?'' ²⁰ Msoro uja kadeda, ''Wayahudi vaelewana vakutereve umwende Paulo ngama barasanyi kokitevi vauru epata tarifa sake ko uloi neche. ²¹ Koikyo igwe ulaidikije kokitevi vandu arobaini vanagha. Vamekupunga ko mbiagho, valaje nama valanywe mpaka vaniwaghe ata lwaha vakeri tayari, vakevedeja rusa ifume kwake.'' ²² Ko ikyo uja jemedari mdue kamtia msoro nadambusake kigheri ke mduma ''ulambie mndu wowose ke umengivia iva.'' ²³ Kavadikira maakida vavi kaamba vadereni tayari maskari mia ivi vadambuke Kaisaria askari vadoje farasi sabini, vaude ipumu mia ivi, mpekure furi o karadu kiyo. ²⁴ Kavaengoja edera vanyama ko Paulo ape mdumya na urye nerye necha ko Feliki Gavana. ²⁵ Kareghya barua ko necha kudi, ²⁶ Klaudio Lisia ko Liwali mtukufu Feliki, wakya. ²⁷ Mndu chu nyaleandwa na Vayahudi vakava kufui emwagha, nyiho ngakadambuka ondoamu na indikija askari ngakamkwa ngepata habari kee icho nya mndu o Kirumi. ²⁸ Ngeveuri ngimanye nyi ngiki valemshitaki, koikyo ngakamdama barasenyi. ²⁹ Ngakaona kee nyekeri oshitakiwa kokitevi kya shidedo shavo sha loi, nama aleshitskiwa ko shidedo shoshosepo shinalera ke nawaghwa au pungwa. ³⁰ Koikyo kikamanyika kokwa kee kode ngarija kati yake, koikyo parapara ngakamduma kwapo, nevaduma vakenemshitaki vaende mashitaka kati oshangunyi wapo. Vakalekana.'' ³¹ Koikyo ilevadya maaskari vakaidikya amri: vakamwirya Paulo vakamdamada mpaka Antipatri kiyo. ³² Furi ilevadya, maaskari vafojevakavatia vaja vadoja farasi vaende onduamu nacho, navo vakauya savo ngomenyi. ³³ Vadoja farasi veshika Kaisaria, vakamninga Liwali barua ya, vakambadya Paulo oshangunyi wake. ³⁴ Nacho Liwali eisoma barua, kambesera Paulo nyalefuma nganasa njiki, emanya kee nyi mndu o Kilikia, ³⁵ kadeda, ''Ngapekuichwa igwe anduvapecha vaja velekushitakiwa, ''Kaamba naderwe katika numba ya Herode.