¹ Vandodu na papa vakwa, adanyenyi ekutetea jakwa ngapeuta kwanu lwaha.'' ² Isanga jeichwa Paulo anadeda navo ko Kiebrania, vakavova. Kaamba, ³ ''Inyi nyi Myahudi, ngalivewa mri o Tarso wanda ya Kilikia, kake ngalepata kisomo katika mri ichu, madendenyi ko Gamalieli. Ngalelashwa elinganisha na njia sacha sheria sa papa sedu inyi nyi nabii o Makilunga, chakundu inywe vose mkeri inu. ⁴ Ngalivavinisa ko njia i mpaka ipa; ngakavapunga vomi na vaka nevakumba jela. ⁵ Lakini kuhani mdue na vasuri vose vapedima efuna ushahidi kee ngeleadija barua ifuma kwavo kokitevi kya vandwavo vakeri Damesko, kokwa inyi edambuka ipo. ko kieri nyavaende vandu Yerusalemu ko njia iya vapungwa na ebulwa. ⁶ Nyilefumya kee aja ngekeri nganedambuka ngashikye kufui na Dameski o gheri la msanyenyi fua ngakaona mwanga mdue ukafumya ruveu ukaivokaengilangara. ⁷ Ngakagwa wanda ngakaichwa iru jikenengivia, 'Sauli, Sauli ngiki unengiilushira?' ⁸ Ngakatalwa, 'Igwe nyi, Mndumi?' Kangivia, inyi nyi Yesu Mnazareti, kokitevi igwe nyuningilushira.' ⁹ Vaja vekeri na inyi valeiyona mwanga, kake valeichwa iru jauja alededa na inyipo. ¹⁰ Ngakadeda, 'Ngiute kiki, Mndumi?' Mndumi kangivia, 'Imka na uingwe Dameski; ipo upeviwa kila kindo unetakiwa euta.' ¹¹ Ngaledima eonapo kokitevi kya kilangaro kwa mwanga uje nyiho ngakaenda Dameshi ko esongorwa moko vaja vekeri na inyi. ¹² Ipo ngakakojana na mndu achedikirwa Anania, nyekeri mndu aneada loi na mndu oishima oshangunyi o Vayahudi vose venedamya ipo. ¹³ Kacha kokwa, kaimkana oshangunyi okwa, kadeda mndodu Sauli, uone ko kokitevi iki ngakamwona. ¹⁴ Kadeda, 'Makilunga o papa vedu amekusambura igwe umanye ukundo wake, emwona uja o loi, neichwa iru ipefuma momunyi wake.' ¹⁵ Kokitevi apeva shahidi wake ko vandu vose uye ya shija uleshiona na eshichwa. ¹⁶ Kweikyo lwaha ngiki unavedeja? Tukwa, ubatizwe, usanje sambi sapo, ujidikire rina jake.' ¹⁷ Kigheri kyeuya Yerusalemu, ngakeri nanatereva numbanyi hekalu, ikafumya kee ngakanengwa maono. ¹⁸ Ngakamwona kangivia, angusha ufumye Yerusalemu upesi, kokitevi vapeidikijapo ushahidi wapo kokitevi kyakwa.' ¹⁹ Ngakadeda, 'Mndumi, ivo vavenyi vanacha ngivapunge jela nevakava vaja velekuichwa kokila sinagogi. ²⁰ Na ndakame ya Stefano shahidi wapo yebuswa, inyi ngekeri ngaikye kufui na eidikija ngekeri nganaringa nguvo sa vaja valemwagha.' ²¹ Kake nyalengivia, 'Dambuka, kokitevi inyi ngapekuduma udambuke kwacha ko vandu va orika.'' ²² Vandu vakambia na dede uye ya kidedo. Ikyo kake baada kinina vakaengerija iru vakadeda, ''Mfunenyi mndu chu iha kokitevi nyi hakipo.'' ²³ Vakeri vanaongerija iru, na ekumba nguvo savo naekumba maifunyi uye, ²⁴ jemedari mdue kaamba Paulo naendwe ngomeni. Kaamba neveserwa kunu nyanakava misenge, kimaika icho namenye ngiki vanamkavya olodo kudo. ²⁵ Koikyo vekeri vampungya na ndusu, Paulo kavavia uja okida aimkye kufui nacho, ''Kee na loi kwanu emkana mndu akeri Mrumi na amepungapo?'' ²⁶ Akida uja eichwa shidedo shija, kadambuka ko jemedari mdue kambia, kadeda, ''Nyuri euta kiki? Kokitevi mndu ichu nyi Mrumi.'' ²⁷ Jemedari mdue kacha kambia, ''Ngiapia ige nyo Rumi?'' Paulo kamba, ''Ee.'' ²⁸ Jemedari katarwa, ''Nyidya kindo kidue kya hela nyiho ngapepata uraia.'' Kake Paulo kambia, ''Inyi nyi Mrumi ko orika.'' ²⁹ Vake vaja vekeri tayari enda embesera vakakure vakamtia kigheri ikyo ikyo. Jemedari nacho kaogwa, emanya ke Paulo nyi Mrumi, ko kitevi amepungwa. ³⁰ Furi ilevadya, jemedari mdue nyalefuda na menye uloi o mashitaka va Vayahudi kati ya Paulo. Koikyo kampungwa shipungoshake kamba vadue va makuhani na barasa jose vakojane. Kamwende Paulo wanda kamdera makidi yavo.