¹ Kudo, Agripa kambia Paulo, 'Unevusiwa ejitetea.'Kudo Paulo kangarosana koko kwake kakiteela kudi. ² ''Ngane kuona nyo vaha, Mudue Agripa, ili ngirunde kesi yakwa ushanguni inu sidi ya mashitaka vose va Vayahudi. ³ Hasa kokira ige inyi mutalamu desturi sa Wayahudi na maswali. Kudo nanetereva ungia danye koirimija. ⁴ Loi, Wayahudi vose vaichi chokundu nganeishi tangu usoro ukwa katika taifa jakwa ipo Yerusalemu. ⁵ Vangiichi tangu mwanzo vanetakiwa vaidikije nganashi cha Mufarisayo, sehebu je musimamo mudue ko dini yakwa. ⁶ Luaha ngaimukana iha ngifungwa kokira inyi ngane lambua ahadi ya Makilunga alerunda na papa sedu. ⁷ Ili inyi ahadi ya makabila vose ikumi na vavi vanetumia ladija kira vanemutereva Makilunga ko bidiii kio na musanyinyi ko itumaini iji, mudue Agripa, Wayahudi vanengishitaki. ⁸ Ngi yoyose uja anemanya nyi ajabu Makilunga anechira vapie? ⁹ Kieri kimu nganekusara ngimonyi ngerunda shindo shi foje sidi ya rina ja Yesu o Nazareti. ¹⁰ Ngale runda katika Yerusalemu; ngalevapungwa vaamini vafoje geresani, ngavekeri na mamlaka kufuma ko vadue va makuhani erunda kudo, kieri vanevaaga, nyalekava kura sidi yavo. ¹¹ Mara kafoje nglevasibu katika masinagogi vose ngalevegesha vailege imani yavo. Ngavekeri na nyashi sana uye yavo ngalevadichira katika mri ya ugenunyi. ¹² Kieri ngavekeri nganerunda ishi, ngaledambuka Dameski, ngavekeri na mamlaka na maajiso kufua makuhani; ¹³ ngavekeri njia kieri kya musanyenyi, mudue, ngaleona mwanga kufuma ruveo uvekeri mudue kuliko mbari nyuleaka ijitengeta inyi na vandu vavekeri vadambuka anduamu nacho. ¹⁴ Ise vose jegwa wanda, ngaleichwa sauti ye deda na inyi yeamba ko lunga ya Kiebrania: 'Sauli, Sauli! Ngii unengitesa? Nyi uru kwapo ikava iteke nyilemwa. ¹⁵ Kudo ngaamba, 'Igwe nyunga, Mndumi?' Mndumi kambia, 'Inyi Yesu kakira unengitesa. ¹⁶ Lwaha kure imuka ko madende vapo; kokira kusudi iji inyi ngaonekana kwpo, ngakusambura uve mtumishi na shahidi uye sindo ishi uichi kuhusu inyi lwaha shindo ishi ngapekulora adee; ¹⁷ ngape kuokoa kufuma ko vandu na vandu va masanga kokira ngapekudumia. ¹⁸ Erugwa meso vavo ne vafumia momenyi eenda mwangenyi kufuma momenyo ko shetani vamvaluke Makilunga; ili vapate iadija kufuma ko Makilunga ilekejwa o sambi urisi uja ngavaninga vaja ngalevatia ko imani ikeri kokwa. ¹⁹ Kudo, mudue Agripa, ngaledima easi maoni va ruveo, ²⁰ kake, ko vaja vakeri katika Dameski kuvoko, na kisha Yerusalemu na nchi yose ya Yudea, na vandu va masanga vengi, nyalehubiri kira vatubu ne mugaluki Makilungs, varunde shindo shine sitahili toba. ²¹ Koikio Wayahudi valengiada numbenyi, vakaregesha engiaga. ²² Makilunga amengitarama mpaka lwaha, kudo nganeimukane mutangasa ko vandu va kwaida na vaja va uye chakira nabii na Musa valeamba vapefumia na chi kingii; ²³ Kokira Kristo lasima naeseka apeva okuvoka o fufuka kufuma wafu neetangasa mwanga ko Wayahudi na vandu va masanga. ²⁴ Paulo emavijae ekutetea, Festo alededa ko sauti ndue, 'Paulo, igwe nyuodwa sui isoma japo jakuvika uve sui. ²⁵ Kake Paulo kaamba, 'Inyi chi musuipo, mueshimunyi Festo; kake ko jasiri nganeamba shidedo shya loi tuu. ²⁶ Kokira mudue anemanya kuhusu shindo; na kudo, nganededa ko kyokkyose kirikwaya kokwa; kokira iki kirundwa maparinyi. ²⁷ Kira, uneamini manabii, Mudue Agrina? Ngaichi uneamini. ' ²⁸ Agripa alembia Paulo, 'muda ulehie upedima engishwawishii nyi engivika Mkristo? ²⁹ Paulo kaamba , ''Nganemutereva Makilunga kira, ko muda ufui ana ulehiyi, chi igwe tu, bali vose vanengichwa inu, igwe cha inyi, kake nyi minyororo ya geresa.'' ³⁰ Ngi kudo mudue aleimuka, na liwali, na Bernike na ivo, vavekeri vadamije anduamu nacho, ³¹ vekure ukumbinyi, valededa venyi ko vengi ne amba, 'Mundu ichu apeve ipa wala kipungo.' ³² Agripa kambia Festo, ''Mundu apedimwe iderwa huru kira aledumbwa rufani ko Kaisari.''