¹ Na veida katika miri ya Ampoli na Apolonia verecha mpaka mri O Thesalonike ambao kuveode na Sinagogi ja wayahudi. ² Chakundu eichivye Paulo, eledambuka kwavo ko,kigheri kya furi siradu sa sa bato elededyana navo uye ya maregho. ³ Evekeri anavarunghuja maregho ne vaongoja ke, ile mwinyari kirisito na kavi nyiruka ifuma ko kipa. Elevaongoja. ''Ichu Yesu ngane vaongoja habari sake nncho Kristo.'' ⁴ Kake ya wayahudi veleviana na ilungama na Paulo na Sila, kimu na Wagiriki wamkundye makilunga, na vajejo vafojye waongofu na isanga jidue ja vandu. ⁵ Kake wayahudi vaja valape mwamini, veve ichurye na kiriso, sanga veledambuka sangada anevairya vand vavichwa vele sang'irnya isanga ja vandukimu, na iuta unangwa mrinyialaf waka ingija numba ya jasoni, vauri ivaanda Pauio na sila ili ivaenda usha ngunyi lo vandu. ⁶ Kake vevaonapo, velemwada Yasoni na vandu vengi ne vadamada ushangunyi lo vadue va mri, vake kava ulodo, ''Ghomiva vaveleghalusa ruveu veleshika mpaka kunu kari, ⁷ Ghomi va nyivo velemkaribisha Yasoni na nyamara sheria ya Kaisaria, vana amba kode mangi ungi anedikirwa Yesu'' ⁸ Isanya na vadue va mri veishwa shindo sho, veleingiwa na uwoghu. ⁹ Kigheri ikyo vemeirya hela ya thamani ya uringi ifuma ko Yasoni veleenda na kovengi, vele valekeja vadambuke. ¹⁰ Kiyo kija velemnduma Paulo na Sila Beroya. Na veshika kuja veledambuka Sinagogija Wayahudi. ¹¹ Vandu vaja veleode ucha mdue kuliko vaja vandu va Thesalonike, ko kitevi veveode idikijo idija kidedo ko urolwavo neshingija maregho suku ne lambwwa chakundu shilededwa n kudo kudo. ¹² Ko ikyo wafoje vavo vele mwidekija, kuve vaka veghalusa mdue wa kighiriki na gho vafoje. ¹³ Kake Wayahudi wa Thesalonike vemanya Paulo nyanaamba kidedo kya Makilunga ipo Beroya, veledambuka ipo ne tekerya nevoka unaghwa ko vandu. ¹⁴ Ko movinyi, vandu velemdamada ko njia ya olubalubalunyi, kake Sila na Timotheo veledamya aja. ¹⁵ Vandu vaja velemdamada Paulo veledambuka nacho mpaka Athene, vemtija Paulo ipo, veleadija kidedo ifuma kwake ke, Sila na Tomotheo vache movinyi mnu. ¹⁶ Kigheri anavavedeja ipo Athene, ngoo yake ileilusha chakundu eleona mri iuchurye sanamu sifoje. ¹⁷ Kudo vakadedyana katika Sinagogi na Wayahudi vaja wamkudye Makilunga na vaja vose elekojana navo sangada. ¹⁸ Kake ya vaja Wanafalsafa wa waepikureo na wastoiko vakamkabili. Navengi vakaamba, ''Ngikyo anaamba ichu mdedaji mnina? Vengi vakaamba, ''Ilambuje anadeda habari sa Makilunga mghenu, ''Kokitevi anadedya habari sa Yesu ne ruka. ¹⁹ Wakamwirya Paulo ne mdamada Areopago, wakaomba, ''Jipedima manya malosho va mahya unavadedya? ²⁰ Kokitevi unaende shindo shihya madunyi kodu, kokyo juri manya shindo shi shiode mana njiki?'' ²¹ ( Vandu vose va Athene kimu na vaghenu vekeri kwavo, vacherya muda wavo katika ideda neadanya uye ya kindo kihya.) ²² Ko kyo Paulo kaimukana wolosi ya vandu va Areopago neamba, ''Enywe vandu va Athene, ngaoniye inywe nyi vandu va dini ko kila kindo, ²³ Katika iida jakwa ne lambwa shindo shanu terevvya, ngaona shidedo shilereghwa mazabahuni imu yanu, ineamba, ''KO MAKILUNGA ALACHEMANYA.''ko kyo icho mnamtereva bila imanya, nncho ngani valora inywe. ²⁴ Makilunga alerunda orika na kila kindo kikeri numbenyi, ko kitevi nyi Mndumi o ruveu na orika apedima damya mahekalu veletobirwa na maoko. ²⁵ Na kavi apetumishiwapo maoko ya wanadamu cha anashigha shindo kwavo, kwani nacho amoro anavaningiya vandu ucha ne omwa na shindo shingi shose. ²⁶ Lidya kilamndu umu, eleuta orika lose lo vandu vadamije uye ya kyamu kya orika, na kavaderi kigheri na mirasa katika andu vapedamya. ²⁷ Ko kyo, vamshighe Makilunga, ne mshilene mbwada, na ko uloi akeri kwacha, ko kila uro odu. ²⁸ Na kwake jimedamiya, jinadambuka na ucha odu mreghi umu o shairi elededa, ise jionikyenavo.' ²⁹ Ko kyo, ikava ise jionike va Makilunga, ise jiurwa jikusare ke sambi nyi chakundu dhahabu ana shaba, ana magho, sanamu iibachwa ko ndughacha na ko kisaro kyedu. ³⁰ Ko ikyo, Makilunga elevavia kigheri kija kya utondo, kake lwaha aamba vandu vose kila andu vamanye iterevya. ³¹ Iki nyikitevi eledera furi ye hukumu orika ko loi ambae elesambura. Makilunga elefuna uloi mndu ichu na ko kila mndu aja elemrusa ifuma kipa. ³² Na vandu va Athene veleichwa habari ye rusa ko kipa, baadhi yavo velemkaniya Paulo, ila vengi vakaamba ''Jipe kumdanya kavi ko habari ya kidedo kii'' ³³ Baada ya ho, Paulo kavatija. ³⁴ Kake baadhi ya vandu velelungana nacho ne mwidikija, evekeri Dionisio na vengi kimu navo.