Mbwana ya 16

1 Paulo nyelecha Derbe na Lystra; na lambua, iho kuviode mokiloshwa apedikirwa Timotheo, nyi msoro aonikye na mae o Kiyahudi am icho shamata ondie Mgiriki. 2 Vandu va Listra na Ikonia velemshuhudia necha. 3 Paulo nyelemshigha ivaave nacho kudo nyelemuirya na indemdina ko kitevi kya Wayahudi vevekeri kuja kwa vose vevemuchi ke ndie nyi Mgiriki. 4 Iho andu vevekeri vakenadambuka veleidia mri na vakati ja maagizo ko makanisa ili ifikia nganyi shidedo isho shileandikwa na iva vadumwa na vasuri ipo Yerusalemu. 5 Kudo makanisa veleimarishwa imani vaja veleamini wakaongeleorijika idadi ja kila mfuri. 6 Paulo na vamogho veledambuka Firigia na Galatia, kwani Ngoo ya Makilunga ilevamia ideda kidedo po orika lo Asia. 7 Wameshikya kufui na Misia, vakacha mpaka Bithinia, kake Ngoo ya Yesu ikavaima. 8 Koi kyo vakaida Misia vakacha mpaka mji Troa. 9 Kisaro ikyo kilemfumia Paulo kio, kuveode mndu o Makedonia aimukanie kamdikira neamba ''Njooni mdikarame kunu Makedonia.'' 10 Paulo ameona kisaro ikyo kudo, mda dikaamua idambuka Makedonia aichike Makilunga nyeledidikira dindenyamara injili. 11 Kudo dikakure ifuma Troa, dikadambuka mpaka Samothrake, na mkono uliofuata dikashika mri o neapoli. 12 Ifuma iho dikaenda Filipi amu nyukeri kufui na Makedonia, mri, nyi mri mcha ukeri utawalenyi o Warumi na bado dikadamia mikono mitale. 13 Mko icho o Sabato, dileenda nja ya mongo kimbi dahu andu dileita ona andu kowtia kitevo. Diledamia gwanda naiterevia na vakyeku velecha anduamu. 14 Mkyeku umu rina jake ncho Lidia, nyekumba sambarau nyefuma mri o Tiatira, imkambija Makilunga, na imtereshe. Mndumi eledipunguja ngoo yake na idera anduamu shidedo shija cha Paulo. 15 Baada ya ibatizwa, icho na nyumba yake nyeleditereva na ideda kudi, kaamba ''kuja mongiano inyi mwaminifu ko Mndumi, basi ngavatetreva munu. 16 Kikava ke dikeri dambuka andu kotereva mwanakanyi umu aondwa pepo ja imanya dikakumbukana nacho. Nyelemwedye mndumi wake faida njinga ko ibashiri. 17 Mka icho nyelemvadia Paulo anduamu na ise akeri kumba olodo ne amba ''vomi iva nyi vedumwa na Makilunga mduwe, nyivo vakevatangasienyi wokovu.'' 18 Nyeleuta kudo ko miko ifoje, koikyo Paulo nyemelushirwa na kileutika kudo, nyeleghaluka numa nevi pepo, ''Ngakuvia ko rina ja Yesu umfumie numbenyi yake.'' Nacho kafumia na imlegha ko dakika iyo. 19 Vomi vake vameona loi iya na faida ya ilefunwa, velemuada Paulo na Sila na ivaburusa ipo sangada ko uja aode mamlaka. 20 Velevadamada ko mahakimu, veleamba, ''Iva vomi nyi Wayahudi vaketevi kuade ovichwa ludue katika mri odu. 21 Wakeri velosha shindo shija shilauri sheria ise dikashiadijae ana ishivadia cha Warumi.'' 22 Isanga jika avakurije kirikarika Paulo na Sila, mahakimu vakarandua nguo savo na irafuna na vakaamba vatarichwa misenge. 23 Kieri ikyo vamevataricha misengeifoje, valekumbwa geresani askari o geresa nyeleviwa na varinge necha. 24 Iho andu aleadija amri iyo askari o geresa nyelevairya nevakumba chumba kya igeresa na kavapunga madende vavo andu alevahifadhi. 25 Kigheri kya kiokya manane, Paulo na Sila wakava vaketereva na iimba shiimbo shemsifu Makilunga, kunu vapungwa vengi vakevaadanya, 26 Ghafla kukafumi kidedema jidue na msingi o geresa ikadedema, mongo ya geresa ikarughuka, na minyororo ya vafupungwa vose ikatarachwa. 27 Mringi o Geresa nyelekure ifuma madionyi na kaona mongo yose ya geresa irughujwa; ade kairya ipanga jake amu nyeveuri namanye kitevi, wapngwa wose veletoroka, 28 Kake, Paulo nyelekumba olodo ko iru jidue, akededa ulachekuagha kokitevi kya vose amu dikeri anduamu.'' 29 Mringi o geresa nyeletereva shijari shiendwe na kaingia numbenyi ya gresa ko movinyi, akedodema na iogwa, kavaghuja Paulo na Sila, 30 ade kavafuna nnja ya geresa na eamba, ''Vadue ngivike kuda ili ngidime itaramwa?'' 31 Navo vakambia, ''Mwidikije Mndumi Yesu nacho apekukira anduamu na numba yapo.'' 32 Veleghenja kidedo kya Mndumi wake, andu amu na vandu vose va kanyi kwake, 33 Mringi o geresa nyelevairya na kio kija na ivasanja sehemu sija valemia icho anduamu na vandu va numba yake wakabakizwa haraka. 34 Akavaende Paulo na Sila kangi kwake ko kiteve ivategemea ko kando nacho kaadwa sia ndua anduamu na vandu va kanyi kwake ko kitevi velemwidikija Makilunga. 35 Kumeva msanyenyi, mahakimu velemduma msongoru ko uja mlinga o geresa vakeamba, ''Vanengwenyi rusa vandu vaja vadambuke,'' 36 Mringi o geresa kamjulisha Paulo kitevi kya shidedo ishi, ''Mahakimu veleduma vambele nyiruhusa vakure; kudo fumenyinnja na mdambuke ko ucha.'' 37 Ade Paulo akavavia, ''Veledikava hasarani, vandu vaja nyi Warumi bila idihukumu na vakaamu ivakumba geresani; ade vaghuri idifuna kirikarika? wai,dipedikija po, nyivo vavenyi vachedifuna iha''. 38 Varinyi vakavaongoja mahakimu uye ya shidedo isho mahakimu veleogwa sana iho andu velemanga ke paulo na Sila nyi Warumi. 39 Mahakimu vakacha na imtereva vavume, na vamevafuna nnja ya geresa, velevateleva Paulo naSila nafume inja ya mri icho. 40 Ko ikyo Paulo na Sila vakafuma nnja ya geresa vakacha kanyi ko Lidia.Paulo na Sila vamevaona vanduavo velevavikia ngoo na ikure katika mri icho.