¹ Vandu furani valecha kufuma Uyahudi nyi evalosha vandu, vakaamba, ''Mulamedinwa cha desturi ya Musa, mupedima okolewapo.'' ² Wakati Paulo na Barnaba vavekeri na vakenaloja anduamu, na vandu amua ko Paulo, Barnaba, na vengi vadambuke Yerusalamu ko mundumwa na vasuri ko swala jija. ³ Ko ikyo, idumwa java na kanisa, valeidia Foinike na Samaria vakatangasa ivaluswa nia ko masanga valende raha nde ko vandu vose, ⁴ Vecha Yerusalemu, valekaribishwa na kanisa na mondumwa navasuri, valeende shindo shose isho Makilunga alerunda anduamu navo. ⁵ Kake vandu fulani valeamini, vavekeri kikundi kya Mafarisayo, valeimuka ne amba, ''Nilazima eva dina uloi o Musa.'' ⁶ Kudo mundumwa vasuri vakaimuka anduamu ejilambwa iswala iji. ⁷ Baada ya majadiliano malehie, Petro aleimuka ne amba ko, ''Vandu mulambue kitambo kicha kileida Makilunga alerunda kasambura kati yanu, momu okwa masangavaichwa shidedo shija injili, na eamini. ⁸ Makilunga, nyaichi ngoo, aneshudia kwavo anevanga Ngoo Mtakatifu, chakundu kodu; ⁹ na aletangasa utofuri kati yedu na ivo apeivika ngoo savo sicha jo imani. ¹⁰ Koikio, ngii munamupima Makilunga muvikie nira uye ya njingo sa valoshwa icho hata papa odu ise jidedima emusitahimili? ¹¹ Kake jineamini kuwa jipeokolewa ko mbora ya Mundumi Yesu, chakundu vavekeri.'' ¹² Valekusanyika vose vemudanya Barnaba na Paulo vavekeri vavekeri vane funa tarifa ishara na maajabu va Makilunga alerunda anduamu navo kati ya vandu masanga. ¹³ Vetia ideda, Yakobo elevavia, ''Vandodu ngiada nyenyenyi. ¹⁴ Simoni alevavia chokundu kwanza Makilunga ko mbora alevatarama masanga ili napate kufuma ko vandu ko rina jake. ¹⁵ Shidedo sha manabii vaneidikijana na ishi cho kunda sileregwa. ¹⁶ ''Baada ya shindo ishi ngapeuya ne shaumba kava numba ya daudi, chokundu ilegwa wanda,ngapeimusa kinyamaro kyake, ¹⁷ Kokira vandu vasingaka vamasanga va Mndumi, anduamu na vandu va masanga valedikirwa ko rina jakwa.' ¹⁸ Kudo kudo alededa Mndumi alerunda shindo ishi valemanyika fuma kala kaja. ¹⁹ Kudo basi, ushauri okwa, jilavaninge ukiva vandu va masanga vamuvalukie Makilunga; ²⁰ Kake jiandike kavo vakudera kwacha kinyamari kya sanamu, ndakire sa uasherati, shiangwa na ndakame. ²¹ Kufuma usho o vasuri kode vandu katika kila muri vanetangasa na emulambwa Musa katika sinagogi kila Sabato.'' ²² Koi kyo, imemanyika kuwa imeningwa mudumwa na vasuri, anduamu kanisani kodu, emusambura Yuda aleelikirwa Barsaba, na Silas, vavekeri vadue va kanisa, evaduma Antiokia anduamu na Paulo na Barnaba. ²³ Valerega kudi, ''Modumwa, vasuri na vandodu, vandodu va masanga vakeri Antiokia Shamu Kilikia, edikirana. ²⁴ Jileichwa vandu fulani jilevaninga amri iyo, valefuma kodu valevatobila ko ilishwa valeende shida ngoni sanu. ²⁵ Kaiki nyaonekana kicha kodu sose esambura vandu evaduma kwani anduamu vakundwa vedu Barnaba na Paulo, ²⁶ vandu vokeri atari uhai wavo ko rina ja Mndumi Yesu Kristo. ²⁷ Koi kyo jamuduma Yuda na Sila, vapevavia shindo shavo ishio. ²⁸ Ko kira nyileoneka kicha ko Ngoo Mwele isanjwa kodu efuna uye yani milango mudue kuliko shindo ishi sha uru: ²⁹ Mugaluke kufuma ko shindo shifumwasho ko sanamu, na ndakame, shindo she anga, vasherati. Kakira mpedamia kwacha na ikio, kipevakicha kwanu. Ko herini.'' ³⁰ Ikio basi, valetunganyiswa, valesoka Antiokia; baada ye damia kusangiria anduamu, valeningia barua. ³¹ Vevekeri vanesoma, valelodwa kokira valeningwe ngo. ³² Yuda na Sila, nyi manabii, valevaninga ngo vandu ko shidedo shifoje ne vaninga uru. ³³ Baada ye damia kokeri fulani ipo,valetunganyiswa ko amani kufuma ko vanduavo kovaja valedumwa. ³⁴ [Kake nyileonekana kicha Sila nabaki ipo] ³⁵ Kake Paulo na vengi valedamia Antiokia anduamu vengi vafoje, kalira valelosha ne tangasa kidedo kya Mndumi. ³⁶ Baada ya furi ilive Paulo aleamba ko Barnaba, ''Na jiurinye evadikira vanduavo kila muri je tangasa kidedo kya Mndumi, evalambwa vakeri. ³⁷ Barnaba aleta emuiria anduamu nacho Yohana aaledikirwa Marko. ³⁸ Kake Paulo alekusava ivekeri kicho emuiri Marko, alevatija ipo Pamfilia aleendelea nava katika kasi. ³⁹ Kisha iho kupewa na mabishano madue koikio valelekn na Barnaba alemuri Marko na edambuka ko meli mpaka Kipro, ⁴⁰ Kake Paulo alemsambu Sila ne kure, baada ye ningwa vanduavo ko mbora ya Mndumi. ⁴¹ Na nyaledambuka ilidia Shamu na Kilikia, eimarisha makanisa.