¹ Wadumwa na vandwa vo vaja vekeri kuja Yudea veleichwa ke vaorikenyi valeadija kidedo kya Makilunga. ² Petro andu alecha ipo Yerusalemu, indikija vandu vadimwa velevoka imweleva veamba, ³ ''Nywadamye na vandu valadimwa na nyuneja navo!'' ⁴ Kake Petro nyelevoka ideda kija kileutaka; kaamba, ⁵ ''Ngekeri nganetereva ko mri o Yafa, na ngaloswa ke kode kindo kinesoka gwanda cha nguvo nduwe inesoka ifuma ruveu ko shirari shake shose shinua. Kikesokya kokwa. ⁶ Ngelekilambwa na ikisarya ngaona manyanandu waode madende vanna vadamya orikenyi, na manyamandu va msundunyi na manyanandu veafu na ndeghe va ruveu. ⁷ Kavi ngaichwa olodo ikeamba nainyi, ''Tukwa, Petro, shinya uje!'' ⁸ Ngaamba, ''Kudo po, Mnumi, momunyi okwa kulemengye kindo kyokyose kilakeri kiele ana kichafu kya.'' ⁹ Kake olodo ukatalwa kavi ifuma Ruveu kija Makilunga alekideda ke nyi kicha utakidikiri najisi, ¹⁰ Iki kilefumya karadu na kila kindo kiirywa ruveu kavi. ¹¹ Lambwa, kigheri kyo vandu varadu vekeri vaimukye oshangunyilo numba ya jekeri; valedumwa ifuma Kaisaria icha kokwa. ¹² Ngoo ikangivia ngidambuka navo ngalavekiamya navo iva voni vatana imu vakadambuka andwamu na inyi na jiledambuka numbenyi ya mundu umu. ¹³ Nyalejivia chakundu alemona malaika aimukye numbenyi ake akaamba, ''Ngiduma Yafa ngindemwende simoni usa rina jaka jingi nyi Petro. ¹⁴ Apeamba kidedo kwapo ko icho apekirya igwe na numba yapo yose.'' ¹⁵ Ngeovoka ideda navo, Moo Mwele nyelecha uye yavo chakundu alecha kodu kuvoka. ¹⁶ Ngakumbukye shidedo sha Mndumi, ashiambye, ''Yohana nyelebatiswa ko mringa; kake mpebatiswa ko Mwele.'' ¹⁷ Kavi koja Makilunga nyelefuna sawadi chakund alejiningya ise andu jileamini ko Mundumi Yesu Kristo, inyi nyiunga, kitevi ngapedimaimlegha Makilunga? ¹⁸ Veichwa shindo shi, veleurigha se kake valemtereshe Makilunga nededa ke , ''Makilunga nyulefuna toba ko kitevi kya vaorika kavi'' ¹⁹ Kudo vaamini vasa iviniswa jilevoka ko kipu kya Stefano veleturukana ifuma Yerusalemu - vaamini va veledambuka kwacha, hadi ipo Fonike, Kipro na Antiokia. Velevavia kidedo kya Yesu icho amonyi ko Vayahudi na chi ungipo. ²⁰ Kake vasa vavo nyi vandu ifuma Kipro na Krene, velecha Antiokia na amba na Vayunani na mhubiri Mndumi Yesu. ²¹ Na koko ko Mndumi kokeri andwamu navo, na vandu vafoje veleidikya na imghalukya Mndumi. ²² Ologho lwavo lukashikya mandum va kanisa ja Yerusalem: vakamnduma Barnaba nadambuka mpaka Antiokia. ²³ Echa neona karama ya Makilunga nyeleorokywa na ivavikya Ngoo vose vadamye na Mndumi ko ngoonyi savo. ²⁴ Ko kitevi nyekeri mundu mchamjachuruswa na Moo Mwele na idikija na vandu vafoje vakaongerijika ko Mnumi. ²⁵ Ade Barnaba nyeleenda Tarso indelambwa Sauli. ²⁶ Emuona, kamwende Antiokia. Kuleava ko mwaka wose vakakusangirya andumu na Kanisa na ivalosha vandu vana valoshwa vakadikirywa vakristo ko kuvoka ipo Antiokia. ²⁷ Na ko mfuri si vairoto vaka ifumia Yerusalemu mpaka Antiokia. ²⁸ Umu wavo nyi Agabo nyijo rina jakaimuka akirechejwa na Moo knjaa nduwe ipefumya, orikenyi kose. Iki kilefumya kigheri kya furi sa Klaudio. ²⁹ Ko ikyo valoshwa kila umu akeri ameada, veleamua idamada kitaramo ko vandwavo vakeri Uyahudi. ³⁰ Valeuta kudi; valeduma hela ko koko ko Barnaba na Sauli.