¹ Kuvode mndu umu o mri o Kaisaria, irina jake nyekenedikirwa Kornelio, nyekeri mdue o ikundi ja Kiitalia. ² Nyekeri kaemwadanya Makilunga na emwabudu Makilunga na numba yake yose; nyalifuna hela sifoja ko Vayahudi nyalitereva ko Makilunga furi sose. ³ Ogheri la saa tisa ya msanyenyi, kaona maono malaika o Makilunga anecha kwake. Malaika kambia ''Kornelio! ⁴ Kornelio kamlambwa malaika ayekeri na uogu mdue loi kadeda ''Iki ngiko mdue?'' Malaika kambia ''Kiterevo kyapo sawadi sapo ko vangoda sadoja uye cha ukumbusho ko uwepo o Makilunga.'' ⁵ Lwaha duma vandu vaende muru o Yafa vamwende mndu umu onedikirwa Simoni ke nyechedikirwa Petro. ⁶ Nyechedamya na mtobira kisima echedikirwa Simoni ke numba yake nyikeri mbarinya olubalubalu.'' ⁷ Baada malaika ekeri adeda nacho ekure, Kornelio kavadikira vatumishi va kanyi kwake vavi, na askari ekeri anemwabudu Makilunga kati ya maaskari vekeri vanemwutwa uya. ⁸ Kornelio kavaongoja shose shilefumya kavaduma Yafa. ⁹ Furi ilivadya oghori lo saa sita vakeri njia vameshika kufui mrinyi, Petro kadoja kahi itereva. ¹⁰ Koikyo kava na njaa kava anataka kindo kyeja, kake kigheri vandu vanakora kweja, kalora maono, ¹¹ kaona irindi jimerughuka kyombu kinasoka na kindo cha nguvo ndue nasoka wanda maifunyi katika kona sake sose inya. ¹² Ndani yake kveode na kila aina ya mnyama vaede madende vana na vaneafwa uye ya maifu, na ndeghe va uye. ¹³ Kavi iru jikadeda kwake ''Tukwa, Petro shinja uje.'' ¹⁴ Kake Petro kadeda ''Kudo po, Mndumi kokitevi ngalemeje kindo kyokyose najisi na kichafupo. ¹⁵ Kake iru jikacha kwake kavi ko mara ya kavi alakiterevya Makilunga alikidikire najisi wala kichafu.'' ¹⁶ Iki kilefumya mara karatu, na kyombo kikava kimeirwa kavi uye. ¹⁷ Kigheri Petro akeri kali ye nyamarikya kitevi kya ikyon maono vakenelola kiki, Lambwa, vandu vekeri vamedumwa na Kornelio vakeumkana o shangunyi o mongo, vakavesera njia yedambuka numbenyi. ¹⁸ Vakadikira neevesera cha Simoni ekenedikirwa Petro nyekeri anadamya aja. ¹⁹ Kighori ikyo Petro ekeri anekusara uye ya ivo maono, Ngoo kadeda nacho, ''Lambwa vandu varadu vanakushigha. ²⁰ Tukwa na usoke wanda udambuke navo, ulaogwe edambuka navo, kokitevi ngavaduma.'' ²¹ Petro kasoka wanda yavo nededa ''Inyi nyuja mnamshigha. Ngiki mocha?'' ²² Vakadeda, ''Akida umu rina jake Kornelio, mndu oloi akundye emtereva Makilunga, na vandu vanamdenda vema katika orika lose ja Kiyahudi, nyaviwa na malaika o Makilunga enduama nadambuke numbenyi yake, ke naichwa shidedo ifuma kwake.'' ²³ Petro kavakaribisha vaingwe numbenyi onduamu nacho. Kitalanga kilevadwa katukwa kadambuka unduamu nacho, na vandyavo vanina ifuma Yafa vakavadyanyo nacho. ²⁴ Furi ilevadya vakacha Kaisaria. Kornelio nyekeri anavavedeja; nyekeri amevadikira unduamu vandyavo na vamong'o vake va kufui. ²⁵ Kigheri Petro ekeingya nmbenyi, Kornelio kamtorocha kamwadija naerama mpaka wana madendenyi vake ko mweshimu. ²⁶ Kake Petro kamteshwa kadeda imkana, inyi ngimonyi nyimwanadamu.'' ²⁷ Kigheri Petro akanededa nacho, nyaledambuka numbenyi kakoja vandu vakusare ondamu. ²⁸ Kavavia, ''Inywe vavenyi mwichi kohakipo ya Kiyahudi evaenduamu wa evadanywapo na mndu o alakeri nyo orika lu. Kake Makilunga amengilora inyi kee nganeinyaryepo emdikira mndu wowose najisi na mchafu. ²⁹ Nyikyo kitevi ngada wala ekana andu ngalidumwa kokitevi kyo. Koingivavesere ngiki mledumwa kokitevi kyakwa.'' ³⁰ Kornelio kadeda, ''Shio shina, shelada, kigheri chaiki ngakeri nganaereva kigheri kya saa tisa msanyenyi nmbenyi yakwa; ngaona ushangonyi okwa mndu aimkanwe akeri aode nguvo siilye, ³¹ Kamwongoja ''Kornelio kiterevo kyapo kimeichwa na Makilunga, na sawadi sapo ko vangoda simeva ukumbura o shangunyi o Makilunga. ³² Kwa ikyo duma mndu Yafa nandemdikira mndu umu akedikirwa Simoni nache kwapo kee nyechedikirwa Petro echedamya ko mtebara o kisima umu echedikirwa Simoni ke numba yake nyikeri mbarinyi o olubalubalu. ³³ Ada: mstari ichu, ''Nacho andu apecha apededa nainywe, ''Ukeri shireghonyi shakalapo. ³⁴ Nyiho Petro karugwa momu wake na ideda ''Loi, ngaamini ke Makilunga apedima eva na upendeleopo. ³⁵ Badala yake, kila orika o mndu wowose anemwabudu na iuta shindo sha loi anamwidikya kwake. ³⁶ Noichi ujumbe aleufuna ko vandu va Israeli, akeri anetangasa habari njicha a amani eidya Yesu Kristo icho nyi Mndumi o Vose -- ³⁷ Inywe vavneyi mwichi kindo kilefumya ke jilefmya Yudea yose jileavoka Galilaya, baada ya ubatizo o Yohana nyaletanga. ³⁸ Kitendokyo kyenungusa Yesu Kristo ku Makilunga alembikya mafuda ko Ngoo Mwele na ko oru. Nyalenda auta shicha na echira vose velevineswa shetani ko kitevi Makilunga nyekeri onduamu navo. ³⁹ Ise shaidi o shindo shose aleshiuta ipo orikenyi o Uyahudi na ipo Yerusalemu -- ichu nyi Yesu valemwagha naimnenera kidinyi. ⁴⁰ Ichu mndu Makilunga alemrusa furi o karadu na emnengya emanyika, ⁴¹ chikovandu vosepo, ila komashahidi valisamburwa na Makilunga. -- Ise vavenyi, jileja nacho na inywa nacho baada eruka ifuma ko varimu. ⁴² Nyalejivia jidede ko vandu na eshuhudia kuwa ichu nyicho Makilunga alemsamura nave apevaamua varukye na vapie. ⁴³ Kokitevi ikyo manabii vose vashuhudie ke uja aneamini kokitevi kyake apeadija msamaha o sambi au dya ko rina jake.'' ⁴⁴ Kigheri Petro akededa ikyo, Ngoo Mwele kavaichurisa vose vekenedanya shidedo shake. ⁴⁵ Vandu vaja vanausika na indiki ja vanaamini valedimwa - vaja vose valecha na Petro - valerijwa kokitevi kya karama ya Ngoo Mwele alepulwa ko mataifa. ⁴⁶ Koi kyo valeichwa iva mataifa vanadeda ko lugha singi na emwabudu Makilunga. Petro katalwa, ⁴⁷ ''Kode mndu wowose apedima elenghya muri kitevi vandu valabatizwa, vandu iva vamemwadija Ngoo Mwele cha isepo?'' ⁴⁸ Nyihu kavaduma vabatizwe ko rina ja Yesu Kristo. Vemarija vakamtereva nadamya navo ko furi si nina.