¹ Kubwi iyi nzita, mwebwe mlabagole mukwiliye kwitanga kubagabo banyu mwebwe nyere nobwo hoba mulibo bataladyubaha ujambo, guchila ingeso za abagole babo boshobola gukwegwa hataliho ujambo. ² Kubela yuko bo benyene bazoka babonye ungeso yanyu nziza hamwe no gucha bugufi. ³ Inu ikoleke si kubwo gutaka hanz guhinga imishatsi, ivito vyi nzahabu chankwe imyambalo itandukanye. ⁴ Aliko munyuma yanyo ikoleke kubuntu bwi imbele mumutima no kulenga mu bwiza bwo gucha bugufi kuguma hamwe ku umutima wo ufise igochilo imbele zi lmana. ⁵ Kubela yuko abagola balitatse bu nyere kukwiyi inzila, bali nu mwizero mu lmana kandi balubaha abagabo babo bonyene. ⁶ Kubwi iyi nzila sarah yalamwubashe Ibrahimu nu kumwita we "Umwami" wiwe mwembwe ubu mula abana biwe nimba mzokola ibili nyiza na nihaba mudtinya ibibi. ⁸ Nuko lelo mwesi; mube nu ugwipfuzo lumwe, bene ikigongwe; ulubundo nka abavandimwe, abubaha na abatwasa buholo. ⁹ Ntimuliha ukubi ku kibi chankwe ugotuta kugtutsi munyuma yacho mubandanye guhezagila, kwiyi impamvu mwalahamagawe kugila ngo mushobole guhungwa umugisha. ¹⁰ Udya ashaka gukunda ilamba no kubona umusi mwiza alubuze ululimi gwiwe kubibi ni mimwa ywe kuvuga insaku. Kandi ¹¹ ahindukile nu ibibi akele ibili vyiza ashake amahoro nu kuyakulikila. ¹² Amaso yu umwami alabona nyere ubugo lolotsi namatwi yiwe alumva amasengo yiwe. Aliko ishushu yu umwamiili kubili cha badyabakola ububi. ¹³ Ninde azobagunga mwebwe nimba mwipfuza ilili dyiza? ¹⁴ Aliko mukaba mubonywa - bonywa ku kuli mulahezagiwe ntimutinye adya bo batinya ntimube nigihababu. ¹⁵ Munyuma yayo mumushile Kristo lmana mumitima yanyu nku umwela, buli igihe mube mwilinganiye kumwishula, bulu umuntu ababaza mwembwe kuki mfise kwizigila mu lmana mugile bati mukwitonda no gucha bugufi. ¹⁶ Mube ni ibitekelezo vyiza kugila ngo abantu batukana llamba dyanyu dyiza muli Kristo bashobole gutetegwa kuko baganila ibita liko kuli mwebwe nkuko umenga mwali abakozi bi ibibi. ¹⁷ Ni vyiza bilenze, nimba lmana yipfuza yuko mubonabonywa kugukola ivyiza kuluta kugukola ibibi. ¹⁸ Kristo nawe yabonabonye imwe gusa kubwi ivyaha. We ali nyene ubugelolotsi yabonabonye kubwachu tutali bone ubugololotsi kugila ngo atuzana twebwe ku lmana. Yapfuyu mumubili aliko yagizwe muzima mu mpemu. Mu ¹⁹ mpemu yagiye no kuzivugila ubutumwa impemu zozo ubu zili mumbohelo. ²⁰ Ntizubaha igihe ukwihangana kwi lmana kwalindi igihe cha Nuhu, imisi yo kubakwa ubwato, ni lmana yalokoye abantu bake ubugingo munani kuva mumazi. ²¹ Iki ni kimenyetso chu ububatizo ubalokola mwebwe ubu si nko kubose umwanda kuva kumubili aliko nki sabo dyi chipfuzo chiza ki- lmana guchila ukuzuka kwa yesu Kristo. ²² We ali mukuboko kubudyo kwi lmana yagiye mwijulu, ubutwasi nu lutege ni ngombwa bimwubahe we.