¹ Na akavukaho na ighenda mrinyi kwavo, na naghefundundiwa vakwe vakamwivaria. ² Thaboto ,ikinafike ,akavoka ifundisha hena Thinagogi .Vandu vengi vakamwichwa na vakavako. Vakarera,"Nikwi afunyire mafundisho igha ? ³ "Nhii,in thi mgheranda uya we,mwana Marimu,na wa ko Yakobo,Yose ,Yuda na Simoni ?Aka valumbwie thi iva fuchiikaa navo hamwifwe? "Na vanuliriwe vo ni Yethu. ⁴ Yethu akavavia ,"Nabii achivurarwe shima, thari mvinyi kwakwe na maghari ya vavo na va henyi kwakwe ". ⁵ Akaherwa ihra firumo iho ,mira akavavikia mavoko vawaji vadu akavanura. ⁶ Akamaka mnu fundu fwa irairikilia yavo .Hena kwio akakusha miri ya haghwili akifundisha. ⁷ Akavailagha vaghefundishwa ikumi na vavi,akavoka ivaruma vavi vavi. Akavanika ndhinya kaghu ya mbeho vavichwa , ⁸ na ivaamora vanatika kyokyoshe vakighenda ,thari ndhata du. Vanatika mkate,neri ibene, petha kibubunyi. ⁹ Mira varae fyaru, na thi ngandu ivi tdho. ¹⁰ Na akavavia,"Nyumba yoyoshe mwagheingia,ikaenyiho mpaka mfiri mwachevuka. ¹¹ Na mri wowoshe uramnghuhie kana imwirania ,vukenyi kwavo ,kung'undenyi kihuli kya marende ghenyu, kive ushuhunda kwavo." ¹² Navo vakaghenda itangatha iku vandu varumbue mri na ileka thambi tdhavo . ¹³ Vakatangira mbepo vengi na ifia vawaji mafura na vakanna. ¹⁴ Mangi Herode akinaichwa fyo, kwa iku irna Iya Yethu lilemamyikie mnu.Vengi valereie, Yohana mghpatitha ndima voshi yakwe . ¹⁵ Vengi hena vo vakarera "Iu ni Eliya."na vengi vakarera ,In ni nabii, tha umwi wa vanabii vaya va kala " ¹⁶ Mira Herode ekinaichwefyo akarera ,"Yohana nimrumburie mrwe andevatdhwa hena kipfwa." ¹⁷ Kwa iku Herode weka aleamorie avwarwe na akamphnga jela kwa iku Herodia (mka wa Filipo)ang'u nkyo we alemnondorie. ¹⁸ Kwa iku Yohana alemvivie Herode,"Thi kicha kyo iondoa mka wa wenyu." ¹⁹ Mira Herodia akavoka inchukia na aghekyashigha iku amvwaghe , mira arairime , ²⁰ ang'u Herode alemwovohie Yohana ,aleichi iku ni mndu wa kitea na aelie pere ,na akamra nicha. Na akinaendelee imwiramia asononeye mru, mira alechimliwa imwirania. ²¹ Hata hakinafike magheri ghaya nghegho kigheri kya Herode ighirwa Herode akavandulia maofisa vakwe ngathu ,na makamanda na varwe va Galilaya . ²² Niho mpfu na Herodia akaingi na fina mothya yavo, akamnulitha Herodia na vaghenyi vaikee igheri Iya kijo kya kyavukwau .Niho mangi akamvia mpfu ,"Njilomba kukwashigha nanyi nakunika ." ²³ Akamraria nairera "Kyokyoshe kwanjilokmba, nakunika,hata kirumbue kwa vumangi vwakwa ". ²⁴ Akafuma bwang'a imvetha mae wakwe ,Nilombe iki?"Akarera ,Mrwe wa Yohana mghepatitha". ²⁵ Na fia fia akaingia kwa mangi akavoka irera , Ninashigha unjinike mrwe wa Yoahana mghepatitha hena thahani. ²⁶ Mangi akathononoya mnu mira kwa iku alerarie kangi motha ya vanghenyi aririme imleghea kiya alombie . ²⁷ Hena ikyo mangi akaruma mshikari hena gheria vakwe na ivaamora ighenda vamwendie mrwe wa Yohana. Mgheria akghenda akmrumbua mre ipfo jela. ²⁸ Akaende mrwe wakwe hena sakari akamnika mpfu uya ,na mpfu uyaakmvaika mae. ²⁹ Na vengi vaghefundisha vakwe fyo , vakaghenda ,vakaondoa mwiri wakwe vakaghenda vakamrika mbirenyi . ³⁰ Na mitume vakathangana hamwi mothya ya Yethu ,vakamvilia fyoshe vakahirire na vafundishire. ³¹ Nawe akavavia ,Njoni mweka handu hakuthughene fuheme kinghwihi "Vandu vengi valekyacha na ivuka, mpaka vakavura kigheri kyelya. ³² Hena kwio vakakwea ngilawa vakaghenda hakuthughene vo voka . ³³ Mira vavonire vakivuka na vengi vakavamanya, kwa hamwi vakaricha kwa marende ifuma miri yoshe na vakafika varanaghara. ³⁴ Vekinafike mbai mbai ya eve, akavona ibumba irweakvaichwa vwathi ,kwa iku valeke tha magonji gharaghire mghghaembea . Na akavoka ivafundisha findo fingi . ³⁵ Kigheri kikinire mnu , vaghefundishwa vakamchia vakamvia,"iha ni handu hakuthughene na igheri hiriemnu. ³⁶ Valaghanye vanghende miri na mashambani kimecha ghuha kijo voka". ³⁷ Mira akaghahitdha akarera "Vanikenyi imwe kijo vakamvia "Fwairima ighenda fughue mikate ya dinari maghana avi naivanika vaye ?" ³⁸ Akavavia ,Mna mikate ilinga? Ghendenyi mnlolie ,"Vekinavone vakamvia "Mikate ike itanu na mapere avi . ³⁹ Akavaamona vandu vaikae kirombo hena mafungu kangu ya mara mavishi. ⁴⁰ Vakavaikalitha hena mafungu ;mafungu gha ighana na makumi afunu. ⁴¹ Nihoakaondoa mikate itanu na mapere avi,na ilolea kaghu ya kaghu,akainika mara mecha niko akanika vaghefundishwa vavike mothya ya umati :Na niho aleaghava mapere avi ileva vandu voshe . ⁴² Vakaya voshe mpaka vakaighuta. ⁴³ Vakavunganya firumbue fya mikate ireghue ,fikaichukua fikapu ikumi na kangi firumbue fya mapere. ⁴⁴ Na valeke vomi fitanu valighie mikate. ⁴⁵ Fia akavavia vakwe hena Ngilawa vaghende ughougho luugi, mpaka Bethsaida, Kigheri akilaghanya makutano. ⁴⁶ Vekinavuke, akaghenda fumbunyi ilomba . ⁴⁷ Kukinave kyavukwan na ngilawa yavo kigheri kyo ileke maghari ya bahari, nawe aleke weka hena mbai iumie. ⁴⁸ Na akavavona vakiya vwathi ikava makasia ang'u nikyo mkuta undevaringilia.Kukinafike kakero churu akavaghendea,akivara kaghu ya mringa, na ekishigha ivaira. ⁴⁹ Mira vekinamvone akyaivara kaghu ya mringa,vakaingiwa ni mnekoneko vakiririkana iku hangi ni ngoma,vakakava ngunga. ⁵⁰ Kwa iku valemvonie vakaingiwa ni iovoha .Fia akarera navo akavavia , "Munghire ikuji,Ninyi! Muneovoha". ⁵¹ Akaingia voshi ya ngilawa na mkuta ukahema ifilia, navo vakamaka mnu. ⁵² Ni kwio vagheko vamanyavo mburi iya ya mikate .Kwa iku akili tdhavo tdhileghire imanya idu. ⁵³ Navo vakinatolang'e, vakafika ithanga ya Genesareti ngilawa ikaphfungwa. ⁵⁴ Vekinafume bwang'a ya ngilawa,vakammanya fia . ⁵⁵ Vakaricha itangatha hena mkoa woshe na vakavoka iende vawaji kwa machela ,kila vakinaichwe ikuakyacha. ⁵⁶ Hohoshe aighirie hena mashamba kana mrinyi, kana hena mbai vavikie vawaji ipfo kilema na vakamlomba vabalie pindo ya nguvo yakwe .Na voshe vambalilie vakanurwa.