¹ Mafarithayo na Vegheandika vengi nghevo valefumie Yerusalemu vakavungana injunguluka . ² Na vakavona iku vengi va vaghefundisha vakwe vaghekyaya mikate na mavoko najisi; ghavagheko ghathambwa. ³ (Hena vafarisayo na vayahudi voshe vachiyavo mpaka vathembe mavoko ghavo kindo kicha, vachivwarilia utamaduni wa vaghothi.Kigheri ⁴ Vafarisayo vavwia ifuma handu ha kilema ,vachiyavo mpaka vakindekuthamba. Na hena sheria tdhingi nghetdho vachtdhiivaria mnu,ni hamwi na ithamba fikombe, mathufuna, fyombo fya shaba na hata fipfumbi fichitumika kigheri kya kijo). ⁵ Vafarisayo na vagheandika vakamvetha Yethu"Haniika vaghefundishwa vapfo varakyaishi iivaria tamaduni tdha vaghothi eng'u aikyo vakyaya mkate varanathamba mavoko?" ⁶ Mira we akavavia, "Ithanya alerotie nicha hena mburi yenyu vanafiki,aleandikie,Vandu va vakyanjishivunia kwa myumu yavo,mira ngoo tdhike kua nanyi. ⁷ Vakyanjihirina mitatho iraghire maana, vakifundisha sheria tdha vandu tha mapokeo ghavo. ⁸ Mundeira sheria ya Mrungu na ivwarilia nicha tamaduni tdha vanadamu." ⁹ Na akarera kwavo, "Mundelegha viya Mrungu aleghire kwa urahisi netha mututdhe tamaduni tdhenyu! ¹⁰ Kwa iku Mutha alererie, Mvikie shima ndio mao wapfo; na Itho arera fivichwa kwa vdie wake hang'u mae wakwe, leididi aphwa.! ¹¹ Mira mumwarera ,kole mndu akarera kwa Ndie kana mae,"Lughenjo lwolwoshe nghelo mugheghuhia ifuma kwakwa ni mari ya Hekalu,"(ikyo ni irera iku',kindefunyea kwa Mrungu' ) ¹² hena kwiyo mwamivirikiamwe ihira kyokyo fundu fwa ndie kana mae wakwe . ¹³ Mumwavfanya iamoro iya Mrungu live bale hena iende tamaduni tdhenyu.Na findo fingi fya mbare yo mumwafimira. ¹⁴ Akavailagha makotano na ivavia , Njiranienyi inyi, imwe voshe na munjielewe . ¹⁵ Haghire kyokyoshe no ifuma bwang'a ya mndu nghecho kyairima imchafua mndu nikyo kichimchafua. ¹⁶ (Vwara'nicha;msitari,"kole mndu wowoshe aghire marwi gheichwia,na aichwe" nkehotho hena makala tdha kala). ¹⁷ Yethu ekinavare makutano na iingia kenyi , vaghefundishwa vakwe vakamvetha hena mburi ya mfano tho. ¹⁸ Yethu akarera, Na imwe he munachemanya mwe? Muvonimwe iku kyokyoshe kyamuingia mndu kyairimakyo imchafua, ¹⁹ Kwa iku kyairima kyo ighenda hena ngoo yakwe , mira kyaingia hena ndenyi yakwe halafu kyaira ighendo chooni," kwa maelethogho,Yethu andethamba fijo fyoshe. ^{20 21} Akarera, Ni kija nghekyo kyamfuma mndu nikyo kyamchafua, Kwa iku voshi ya mndu fichifuma ,bwang'a ya ngoo madunganyo mavichwa,shinde, iiva,ivwagha, ²² uasherati,mchayohayo,vuvichwa,ilemba,Iwiso,vivaro, ikulewera na vufire. ²³ Fivichwa fi fyoshe fichifuma voshi, nifyo fiya vichimchafua mndu." ²⁴ Akavnkia ifuma haya na akavnka ighenda hena mkoa wa Tiro na Sidoni . Akaingia nyumba na arashighe iku mndu wowoshe amanye iku alekeho, mira kikahera imthughana. ²⁵ Mira putu mka umwi, ngewe mwana wakwe mdu alekweriwe ni mbeho mvichwa, akaichwa mburi tdhakwe, akacha na akamghwia marendenyi. ²⁶ Mka tho mile Myunami ,wa mbare ya kifoeniki. Akamlomba we amfunye mbepo ifume kwa mpfu wakwe. ²⁷ Yethu akamvia mka uya ,"Leka vana valishwe kwantdha, ang'u kivikyo iondoa mkate wa vana ukumbilie kite." ²⁸ Mira mka akamghalutdha na irera, Ni kweri Mndumi,hata kite thingi ya metha kichiya mabakigha kijo kya vana." ²⁹ Akamvia,"Kwa iku kunderera kwii,kughendie du. Mbepo andeminifuma mpfu wapfo." ³⁰ Mka akavwia kenyi kwakwe na akakolea mpfu wakwe alee krighonyi, na mbepo andechemfuma. ³¹ Yethu akafumahe bwang'a ya mkoa wa Tiro na iiria Sidoni ighendea na Bahari ya galilaya mpaka kanda ya Diikapolisi. ³² Na vakamwendie mndu arachiichwa na aralekyairima igaya nicha ,vakamlomba Yethu avike mavoko kaghu yakwe . ³³ Akamfunya bwang'a ya vaghevungana kikilove , na akavika minywi yakwe hena marwi ghakwe, na ekinapuche mara, akabalia ulimi wakwe. ³⁴ Akalolea kaghu, akahemana imvia, "Efata,ikyo ni iku, Rughuka" ³⁵ Na igheri liya liya marwi ghakarughuka,na kiya kigheringililie ulimikikakonchwa,na akairima irera nicha. ³⁶ Na akavaamova vanavilia mndu wowoshe .Mira fundu avaamore, nifwo fundu vatangathire mbiru tdho mnu. ³⁷ Kididi valemakie,na irera," Andehira kila kindo nicha .Nikyo andevafanyavarakyaichwa vaichwe na varakyarera varere.