¹ Vakacha mpaka nghongo lungi lwa bahari,hena mkoa wa Gerasi ² Na putu kigheri Yethu akifuma hena ngilawa, mndu aghire mbeho mvichwa afumie mbirenyi akamchia. ³ Mndu iu alerue mbirinyi . Haghireho alekyairima ivnringilia,na kole ni le kwa minyororo. ⁴ Alephfungiwe kando kengi kwa pingu na minyororo. Alechirumbua minyororo na pingu tdhakwe ibarwa. Haghireho veri umwi ileghire ndhinya yemvota. ^{5 6} Kio na mthaghari ipfo mbirenyi na fumbanyi, ifugha na ikuvegha -vegha weka kwa magwe. Ekinamvone Yethu kwa kua ,akamrichilia na imghwia mothya ya kwe. ⁷ Akafugha na irwii ,"Kukwashigha nikuhirire iki,Yethu, Mwana wa Mrungu ake kaghu mnu? Ninakulomba kwa Mrungu kunanjilitha vwathi . ⁸ Kwa iku alemvirie, "Mfume mndu u,iwe mbeho mvichwaa" ⁹ Nawe akamvetha ,"Rina Iyapfo niwe i"nawe akamghahutdha,"Rina ya kwa ninyi Legion, kwakufukwe vengi " ¹⁰ Akamlomba na le iku anamvatika bwang'a ya mkoa . ¹¹ Luvaha ibumba ya vengi lilekyaembewa kaghu fumbunyi, ¹² navo vakathika imlomba vakirera "Furume kwa nguve fuingie kwavo." ¹³ Hena kwiyo akatdhiirikilia; mbeho vavichwa vakafuma na iingia hena nguve ,natdho tdhikarichilia thinyi ya ifumbu mpaka hena bahari ,na tdhilleke tha Nguve fiku fivi tdhikindirie baharinyi . ¹⁴ Na vaya vaghekyatdhiembea nguve vakaricha na ifunya mburi ya kindokyo kifumirie mrinyi na hena ithanga .Niho vandu vengi vakafuma ighenda ighevona ikyo kifumirie. ¹⁵ Niho vakacha kwa Yethu na vakamvona mndu uya alekweriwe ni mbepo -aleghire na jeshi -ake kirombo ,arewe nguvo na kariongo yakwe njicha,navo vakaovoha . ¹⁶ Vaya nghevo vaghevona kiya kilefumirie kwa uya alekweriwe ni mbepo vakavilia vundu kifumirie na mburi ya nguve tdhia . ¹⁷ Navo vakavoka inalomba iku avuke hena mkoa wavo. ¹⁸ Ngheho akyaingia hena Ngilawa, mndu uya alekweriwe ni mbepo akemlomba iku aghende hamwi nawe. ¹⁹ Mira aramwirikilie, mira akamvia "Ghenda kenyi kwapfo na kwa vandu vapfo na uvavie kiya mndumi akuhiririe na fundu akuvoneie. ²⁰ Hena kwiyo akaghenda na akavoka itangatha findo firwe nghefyo Yethu amhiririe kwia Dekapoli ,na kila umwi akamaka. ²¹ Kigheri Yethu ekinatolang'e he ughougo lungi ,voshi ya Ngilawa, ibumba irwe likathangana imjunguluka, mbarinyi ya bahari. ²² Na umwi wa varwe va sinagogi ,achiilaghwa Yairo alechie,na ekinamvone akamghwia marendenyi. ²³ Akamlomba mnu akirera, Mpfu wakwa mdu ake haghwihi ipfwa .Ninakulomba, uche na umvikie mavoko netha ku aghire afya aishi. ²⁴ Hena kwiyo akaghenda hamwi nawe ,naibumba irwe likamwivana likamthithima na injunguluka. ²⁵ Haleghira mka nghewe tdhakame yakwe ilechimfuma kwa miaka ikumi na ivi . ²⁶ Alighie vwathi mnu hena irighitwa ni vaghanga vengi na itumia kila kindo aleghire.Hata kwio aghenjekie kyokyoshe we,mira hali ikaendelea iva mbichwa. ²⁷ Akaichwa mburi tdha Yethu .Hena ikyo akacha nyuma yakwe kigheri akighenda maghari ya ibumba, nawe akabalia yakwe. ²⁸ Ang'u nkyo alererie "Kole nikabalia nguvo tdhakwe du nanna." ²⁹ Ekinambalie,ifuma tdhaka liaya likathia, na akakuvichwea hena mwiri wakwe iku andenurwa ifuma hena vwakwe . ³⁰ Na putu Yethu akamanya we weka iku ndinya tdhindemfuma .Na akaghaluka kunu na hunu hena ibumba ya vandu akavavetha ,"Nii andenjibaha nguvo tdhakwa ?" ³¹ Valoshi vakwe ,vakamvia,"Kuvoni vandu kujungulikiwe ni ibumba li ya vandu, na iwe kulewavetha iku ni itho andenji baha?" ³² Mira Yethu akalolea kunu na kunu iku amvone itho amirire kindo ki. ³³ Mka uya,akimanya kyo kimfumirie, akaovoha na ikuchika .Akacha na imghwia mbai mothya yakwe na imvilia ukweri loshe. ³⁴ Akamvia ,"Mpfu, iirikilia yapfo lindekumra. Kughendie na mborere,na unurwe ifuma hena vwathi vwapfo". ³⁵ Kigheri akyagaya ,vamwi va vandu vakacha ifuma kwa mrwe na sinagogi ,"Mpfu wapfo andephfwa. Haniiki nkwathika imthumbua mloshi?" ³⁶ Mira Yethu ekinaichwe kyo vaghekyarera akamvia mrwe uya wa Sinagogi ,Kunavoha. Irikiliadu". ³⁷ Aramwirikilie wowoshe ithongorana nawe thari Petro, Yakobo na Yohana wavo Yakobo. ³⁸ Vakacha kenyi kwa Mrwe wa sinagogi nawe akavona mwauhughilo, ifugha mnu na iomboletha. ³⁹ Ekinainangie kenyi akavavia "Haniiki mumwathononeya ,na haniiki mumwafugha?Mwana anapfwawe mira alee." ⁴⁰ Vakamsheka ,mira we akavafunya bwang'a voshe ,akamwondoa ndie na mae wa mwana na vaya valeke nawe ,na akaingia voshi handu mwana alekei . ⁴¹ Akavwara kuvoko kwa mwana na akamvia "Talitha koom", nikyo kyo "Mpfu mdu, nakuvia , lasha" ⁴² Putu mwana akavukia na ighenda (kwa iku ni le mwa na wa miaka ikumi na ivi). Na putu vakavwara ni tekewa irwe. ⁴³ Akavaagitha kwa ndhinya iku hanaghira wowoshe atarwa imanya kindoki. Na akavavia vamnike mpfu uya kijo.