¹ Akavokahe ilosha mbarinyi hena bahari .Na ibumba irwe likavungana imjnguluka ,akaingia voshi ya ngilawa baharinyi akaikae .Ibumba yoshe valeke barinyi hena bahari . ² Na akavalosha findo fingi kwa mifano , na akarera kwavo kwa malosho ghakwe . ³ "Iranienyi! Mgheviyaa aleghendie iriyaa. ⁴ Ngheho akyaviyea,mbeu tdhingi tdhikaghwa hena njia , na ndeghe tdhikacha tdhikatdhiya. ⁵ Mbeu tdhingi tdhikaghwea hena vushararabwe ,handu hanaghire tevi ndue .Iho iho tdhikaphwivira,kwaku tdhivoniretdho teri ifikie. ⁶ Mira ruva likinave ikai tdhikaphfwirira , na kwaku tdhileghire miri tdho , tdhikaphfwa. Mbeu tdhingi tdhkaghwa maghari ya mifwa ⁷ .Mifwa ikaleha ikatdhithithima ,tdhiragheghire ndwunda tdhetdhoshe. ⁸ Mbeu tdhingi tdhikaghwa hena teri njiicha na tdhikaghira matunda kigheri tdhkileha na iongereka ,tdhingi tdhikaghira kando makumi araru, tdhingi makumi mtandatu ,na tdhingi ighana." ⁹ Na akarera," Wowoshe nghire marwi ghe irania , na aichwe". ¹⁰ Kigheri Yethu aleke weka ,vaya valeke haghvoihi nawe na vaya ikumi na vavi vakamvetha hena mburi ya mifano. ¹¹ Akarera kwavo ,"Kwevyu mnikiwe mbitho tdhavumagi vwa Mrungu .Mira hena vaya vake bwang'a bila kindo ni mifano , ¹² netha iku vakilelea,ya valolea ,mira vavonivo ,na hena ileyo vakiirama,yee vairania mira vanamanya,therekwio vagheghaluka na Mrungu aghevereghea." ¹³ Na akarera kwavo , lee ,mumwamanya mwe mfano u? mwairima kwia imanya mifano ingi? ¹⁴ Mgheviyaa aviyee kirero . ¹⁵ Vengi ni vaya vaghwie mbarinyi hena njia handu kirero kiviwee. Na vekinaichwe ,iho iho shetani akacha na akvundoa kirero kiya kilevi voshi yavo ¹⁶ Na vengi ni vaya valeviwe hena msharabwe ,ivo vakamiichwa kirero, vachikighuhia fia fia. ¹⁷ Na vaghirevo miri yoyoshe voshi yavo ,mira vachirimlia kigheri kighwihi.Ipfo nyuma vwathi na firievie fikicha fifunene na kirero ,vakutdhune haya haya. ¹⁸ Na vengi ni vaya vaviweehena mifwa .vachichwa kirero, ¹⁹ mira firierie fya ithanga na ilembwa ni mari na tama tdha findo fingi fichivaingia na ithithima kirero na iherwa na ighira ndunda. ²⁰ Kangi hena vaya nghevo vaviweehena teri njicha .vachichwa kirero na ikighauhia na ighira ndunda ; vengi makumi araru ,vengi makumi mtandatu na vengi ighana. ²¹ Yethu akavavia "mwavona kwia kwaende nvike thinyi ya kikapu ,kana thinyi ya kivaro .Aiende nyumba aivike kaghu hena kivandiko . ²² Kwaku haghire kyokyo kiovie kinachemanyika kyo,na haghire sei irachepfunua. ²³ Kole haghire aghire marwi gheirania, na aichwe" ²⁴ Akavavia ,"Mukulolie hena kiya mchikiichwa ,ang'u kipimo kiya mchipima , nikyo mwachepimiwa ,na iongeverwa. ²⁵ Ang'u kiya akighire , aghuhia ikda, na nya araghire ,ifuma kwakwe fyaondowa na fiya aghira .' ²⁶ Na akakrera , "vumangi vwa Mrungu ni tha mndu aviyee mbeu mbai hena teri . ²⁷ Ekinalae kio na ivuka kakero , na mbeu tchiabusha na ilecha aramanya vundu kikei. ²⁸ Ithanga lichibuska mbeu yako ;ivokia iringo halafu iova halafu mbeu tdhikurie. ²⁹ Na kigheri mbeu ikamchekua fia acha na mndu, angu nikyo mafindiko ghndecha" ³⁰ Na akarera ,Funfwananishe vumangi vwa Mrunga na iki,kana funtumie mfano ungaa iurerea ? ³¹ Ni tha mbeu ya iharadali ,ngetho ikinaviwavae ni njidu mnu ikela mbeu tdhoshe tdha itdha ithangenyi. ³² Mira ,kigheri iviwee yaleha naiva ndue ikela miri yoshe ya hena bustani ,na ichivika mbane ndue hata ndeghe tdha kaghu ya kaghutdhavika fithungi fyavo hena kinje kyakwe." ³³ Kwa mifano fwaa aloshe na irera kirero kwavo thafundu vaireme imanya , ³⁴ na arerieme navo arafunyire mifano .Mira kigheri aleke weka ,alevavilirie valoshi vakwe kila kindo . ³⁵ Hena mfiri tho ,kigheri uya chavukwan kikinafike, akavavia,"Fuambukenyi na kwia". ³⁶ Hena ikyo vakara ibumba ,vakamwondoa Yethu ,kigheri kyo alekeng'u voshi ya ngilawa. Ngilawa tdhingi tdhileke hamwi nave. ³⁷ Na mkuta mkai na mawimbi ghalekyaingia hena ngilawa na ngilawa ileiche ng'u. ³⁸ Mira Yethu weka alele hena shetri , alee hena mto .Vakamvu tdha vakireva,mwalimu, kwamba kiyahulitha vwathi iku ifwe fufwaphfwa? ³⁹ Na akavukia,akaubohija mkuta na akaivia bahari, "Uhoe ,mborere".Mkuta ukahoa ,na nakava hahorie doo. ⁴⁰ Na akarera kwavo ,Haniiki mumwaovoha? Lee,muna cheghiramwe iirikilia? ⁴¹ Vakaichua naiovoha ipfo voshi yavo na vakaviana vo voka ,"Iu nii he , nghewe hata mkuta na bahari fyamwiichwa?"