¹ Na kangi aleingirie voshi ya Thinagogi na haya haleleghire mndu kuvako kwakwe kuleleghele. ² Vandu vengi valekyaivarilia haghwihi netha vavone iku amunra mfiri wa Thabato netha vamlahe . ³ Yethu akamvia mndu uya kuvoko kwakwe kuleghele,"vukia umke maghari ya ibumbali". ⁴ Niho akavavia vandu ,Nhii, kivaie ihira kindo kicha kana kiraghire kifea mfiri wa Thabato ikira miikalie kanaivwagha?"Mira vakatdhia chwi. ⁵ Akavalelea na idinga na mnekoneko vandu vwa iuma ya ngoo tdhavo, na akamvia mndu nya , "Ghola kuvoko kwapfo" Akakughola na Yethu akamnura kuvoko kwakwe. ⁶ Mafarisayo vakaghenda bwang'a na iho iho vakaghira ujama hamwi na maherodi kinyume kyakwe iku vamvwaghe . ⁷ Niho Yethu na Valoshi vakwe ,vakaghenda barinyi ,na ibumba irwe likaivaivaria lifumie Galilaya na nyahundi ⁸ naifuma Yeruthalemu na ifuma Idumaya na mothya ya Yordani ya Tiro na Sidoni, ibumba irwe likinaichwe kila kindo alekyahira vakacha kweakwe , ⁹ Na akavavia valoshi vakwe vavikenicha kangalawa kandu kakwe hena mburi ya ibumba ,netha iku vanache mthithima . ¹⁰ Kwa iku alenurire vengi ,nikyo kila mndu aleghire mavwathi aleghire ngwina yemfikia iku ambalie. ¹¹ Hohoshe ngoo mbichwa tdhikimvona ,tdhilechighwa mbai mothya yakwe na ifugha,tdhikighamba ,"Iwe ku mwana wa Mrungu". ¹² Alechevamora kwa ndhinya iku vanamtika nguma . ¹³ Akaghenda kaghu ya ifumbu,na akavailagha akyavashigha,na vakaghenda kwakwe. ¹⁴ Akauathaghua ikumi na vavi (akavailagha mitume) netha iku vavehamwi nawe na airime ivaruma ibirikira . ¹⁵ na vaghire ndhinya yefunya mbepo . ¹⁶ Na akavathaghua ikumi na vavi ;Simoni,amnikie rina iya Petro. ¹⁷ Yakobo ,mwana wa Thebedayo,na Yohana wavo Yakobo, alenikiwe riwa iya Bonagesi ivoni vana va kikwakwara, ¹⁸ na Andrea ,Filipo ,Bartholomayo ,Mathayo ,Tomaso,Yakobo mwana wa Alfayo,Thadayo,Simoni mkananayo, ¹⁹ na Yuda Iskariote ,nghewe mkela mma ²⁰ Niho akaghenda kenyi, na ibumba ya vandu likachache hamwi, vamwi, vakaherwa na iya tori mkate. ²¹ Vandu va kenyi vekinaichwe mburi yo ,vakashigha imvwara angu nikyo valeghembie ,"Anderukwa ni kariongo." ²² Vagheandika valechie ifuma Yerusalemu vakaghamba ,"Andekwema ni Beelzebali,"na kwa ndhinya ya mbepo achifunya mbepo". ²³ Yethu akavailagha kwakwe na irera navo kwa mifano ,Ngetha lee, shetani airima imfunya shetani? ²⁴ Kole vumangi vukanyamarika thoka ,vumangi vwo vwairimavwo imka . ²⁵ Kole nyumba ikaghavanyika yeka ,nyumba yo yairima imka yo. ²⁶ Kole shetani avukia kinyume kyakwa weka na ighavanyika ,airinawe imka ,na kyachuva iku andefikia mwisho wakwe. ²⁷ Mira haghire neri umwi we airima iingia voshi ya nyumba ya mndu aghire ngunju na iiva findo fyakwe aranampfunga nya aghire ngunju kwandha, niho avunganye kike voshi ya nyumba . ²⁸ Kweri ninavuvia ,thambi tdhoshe tdha vana va vandu tdhareghea ,hamwi na kufuru nghetdho vachirera, ²⁹ Mira wowoshe aumkufuru mbeho Aelie, areghewawe na indii, angu ana ibashi ya thambi ya telele ³⁰ ".Yethu alekirerie kindo ki valekyaghamba iku,"Aghire mbeho mvichwa". ³¹ Niho mae na vavo vakacha na imka bwang'a vakaruma mndu amwilaghe. ³² Na ibumba ya vandu vagheke naghwihi nawe vakamvia ,"Mao na venyu vake bwang'a na vakyakushigha iwe ". ³³ Akavaghalutdha,"Ni koi mae wakwa na veru?" ³⁴ Akavalolea vanya vaagheikee injunguluka na akarera ,Lolea,iva ni vamao naveru ³⁵ !Wowoshe achihira fundu Mrungu afurie ,mndutho niwe weru , lumbwiana na mao wakwea ".