¹ Akinavwie Kapernaumu hekinaire mfiri mighwihi,kikamanyika iku ake kenyi . ² Vandu vengi vonu valethengene haya , na haleghireho he kapengere , ka haya mwangonyi , na Yethu akarera kwavo. ³ Luvaha maghari ya valekeho vakache kwakwe vamuvne mndu aleghele mwiri ; vandu bana valemveve. ⁴ Vekinaherwe imfikia vundu vwa vandu vengi ,vakabana kali kaghu ya handu alekei.Vakinatoche ihomi, vakaghatdha kitanda ngheleyo uya aleghele mwiri alalirie. ⁵ Ekinavone iirikilia yavo ,Yethu akamvia uya aleleghele mwiri ,"Mwanakwa ,thmbi tdhapfo tdhindereghewa". ⁶ Miva vengi vagheandika vaya valeke haya kirombo vakakuvetha hena ngoo tdhavo, ⁷ Mndu airima kwia irera kwii? Andekela mma! Ni itho ireghea thambi there Mrungu weka?" ⁸ Iho iho Yethu aleichi ng'u hena ngoo yakwe nghekyo vaghekyaririkana vo voha .Akavavia" Haniiki mumwaririkana kwio hena ngoo tdhenyu? ⁹ Kianguhire nikinga irera hena uya aleghele mwiri ilen,"Kundereghewa thambi tdhapfo hana irera "vukia ondoa vuli vwapfo wivare?" ¹⁰ Nhira netha mumanye iku mueave vea Adamu aghire ndhinya yereghea Thambi hena ithanga,akamvia uya aleghele, ¹¹ "Ninakuwia iwe vukia, ondoa iratdhi yapfo na nghende kenyi kwapfo". ¹² Akamka ,na iho iho akaondoa ya kila mndu, hana kwiyo voshe vakavwara mumu na imnika Mrungu ngatho, na vakarera "too funavona kindo tha ikifwe" ¹³ Akaghanda he batenyi ya idimbwi na umvafi voche wa vandu nkamwivaria na akavalosha . ¹⁴ ngheho akyaira akamvona Lawi mwana wa Alfayo ake kirombo handu he thangia kodi na akamvia , "Njivaria ".Akamka, akamwivaria. ¹⁵ Na kigheri Yethu ngeho alekyanikwa kyeya hena nyumba ya Lawi ,vaghethanga kodi na vandu vaghire thambi vakava vakyaya na Yethu na valoshi vakwe kwakunile viangi valemwivarilie . ¹⁶ Kigheri vagheandika nghevo akyaya na vandu vaghire thambi na vaghethangisha .kodi, vakavavia valoshi vakwe ,"Haniiki akyaya na vaghethangisha kodi na vaghire Thambi?" ¹⁷ Kigheri Yethu ekinaichwe kwii , akavavia ,"vandu varakyalwaa hena mwiri vaghire vaja ya mgherighita va; ni vandun ghevawaji du nivo vachimshigha. Thichie iilagha vandu vaghire kitea nyi,mira vandu vaghire thambi." ¹⁸ Vaghelosha va Yohane na mafarithayo valechifunga. Na vengi hena vandu vakamchia vakamvia,"Haniiki vaghelosha va Yohane na mafarithayo vachipfunga,mira vaghelosha vapfo vai?" ¹⁹ Yethu akavavia ," ngetha lee vandu vararikiwe hena ngathu vairima ipfunga igheri,Bwana harusi akehamwi navo? Kwa fyofyoshe igheri bwana haruthi ake navo vairima vo ipfunga ," ²⁰ Mira mifiri yachecha igheri bwana aruthi akichevutdhwa kueavo ,ne hena mifiri yo, vo vapfunga. ²¹ Heghire mndu achipfumia kirende kisha kya nguvo hena ishambo ho,there kwio kiraka kyafumuka ifuma hena iyo, kisha kyafumuka ifuma hena ishambo na kwio kyabarika uvichwa. ²² Haghiremndu avikia divai mbia hena kithembe kya kala,there kwio divai yabara fithembe nafyoshe fivi divai na kithembe fyareka.Kigheva iku ,vika divai mbia hena fithembe kisha." ²³ Hena mfiri wa Thabato,Yesu aleleyaire maghari mirenvi, na uaghelosha vakwe vakavoka ipughuthna ngano. ²⁴ Na mafarithayo vakamvia,"Iambnaghe haniiki vakyahira kendo nghekyo kilegheriwe ni sheria hena mfiri wa Thabato?" ²⁵ Akavavia ,"munathomamwe kiya Daudi alekihirire kigheri alechne nja -we hamwi na vaya valekenawe? ²⁶ Vundu aghendie hena nyuma ya Mrungu kigheri Abiathari nghe mtasi mrwe na akayamikate ulethnghenwe- na ni kindo kilehegheriwe hena sheria , mndu wowoshe iya there veghetasana akanika hata venli valeke hamoi nawe?" ²⁷ Yethu akarera ,"Thabato iharehiwe vandu na thi vandu fundu fwa thabato yo. ²⁸ Hena ikyo mwana wa Adamu ni Mudumi kaghu ya Thabato.