¹ Akavailagha vaya makumi Ikumi nafivi handu hamwi akavavia vurwe na imanya vundu vwa mambepo ghoshe na inura mavuaji . ² Akavaruma vaghende ighebirikira vumangi vwa Ruva na inura vawaji. ³ Akavavia munaondoa kyokyoshe vundu vwa ndambo yenyu, wala ndata mbinda, wala mkate , wala matundu wala munaondoa kanzu ivi. ⁴ Nyumba yoyoshe mwaingia ikaenyi ho mpaka mukaighe vuka handu ho. ⁵ Navaya varakyamwiikia mukighevuka mrinyitho kun'gu tenyi kiluli hena marende ghenyu iva ushuhuda vundu vwavo. ⁶ Vakavuka vakaghenda iiria hena fijiji vakyarera mburi njicha nainura vandu kila handu. ⁷ Luvaha Herode, mghetawala alechue fyoshe mfyafumia akalya vwasi than an'gu kilekyarerwa ku Yohana mghepatitha andefufuka ifuma hena kifwa. ⁸ Na vengi ku Elia andefumia he na vengi ku umwi wa vagherota andefufuka hena kifwahe. ⁹ Herode akaghamba nilemvwaghie Yohana ,mira iu ni nnaichwa mburi thyakwe ? Herode alekyashigha irira lye mvona Yesu. ¹⁰ Igheri vakinawie vaya vagherumiwe, akamvia kila kindo vakihirire. Akavaondoa handu hamwi nawe akaghenda weka hena mri uchiilaghwa Bethsaida. ¹¹ Mera makutano Vakaichwa ihuthu iki vakamwiivaria , vakavakaribisha , akarera navo ihuthu vurwe vwa Ruva Kangi alevanurire vaya valekyashigha inurwa. ¹² Mfiri akadunga ithia na vaya ikumi vavi vakaghenda kwakwe nairera , "Vavie vandu vaghende hena viji hawihi na mrinyi vagheshigha handu hema na mune ang'u fuke handu hathakenyi (NYIKA) . ¹³ Mera akavavia imwe vanikenyi kindo kyela .Vakaghamba haghire ho ileka firumbue fitano vya mikate na mapere avi, Hena ikyo fugheghenda igheghua mune vundu vwa ikundu lyi lya vandu . ¹⁴ Haleghire vandu vakyumi vafikie maelfu atano haya .Akavavia varumwi vakwe. " vavikenyi vandu kirombob hena makundi kundi ghavandu vafikie hamwini kila ikundi. ¹⁵ Henaikyo vakahira kwio na vandu vakaikaa kirombo. ¹⁶ Akaondoa mikate maelfu atano , akavanika varumwi vakwe kimacha vafike mothia ya makutano . ¹⁷ Voshe vakaya vakaighuta , na firumbue fya munefireghue vikadolwa fikaichura makapu makumi na fivi. ¹⁸ Naho ikava ku wakati avekyatereva weka varumi vakwe valeke hamwi nawe akvavetha akavavia ,"vandu vachighamba inyi nii?" ¹⁹ Vakamvia vakarera ," Yohana mghepatitha, mira vengi vachighamba Eliya, na vengi umwi wa vagherota va igheri lya kala andefufuka he. ²⁰ Akavavia , mera imwe mmwaghamba inyi nii? Akarera Petro akaghamba , "Kristo ifuma kwa Ruva. ²¹ Mera kwa ivakanya akavavia vanamvia wowoshe vundu vwa iki. ²² Akaghamba mwana wa Adamu nimithari alye vwasi kwa findo fingi na ileghwa ni vaghothi na vaghetathwa vwarwe na vagheandika , kangi awaghwa, na mfiri wa kararu afufuka . ²³ Akavavia voshe ,"Kole mndu wowoshe akyashigha injivaria nimithari akuleghe weka , aondue mthalaba wakwe kila mfiri , kangi anjiivarie. ²⁴ Wowoshe akyakathana ikira mighendie yakwe agharetha , na wowoshe aretha miikalie yakwe kwa vundu vwakwa , aghakira. ²⁵ Hii kyamthaidia iki mndu kole akanikwa ithanga lyoshe mera akaretha kana akaghiva .Hathara ya ngoo yakwe? ²⁶ Wowoshe wia anjivonira araghwa inyi na firero fyakwa, kwakwe mwana wa Adamu amvonira iraghwa akicheva hena Vurwe vwakwe, na vurwe vwa Papa na malaika vaelesherwe. ²⁷ Mira nna ukeni, haghira umwi wa imwe mumkicha varakaghevone fifwa mpaka vavone umangi lwa Ruva . ²⁸ Ikafumia mfiri wa mnane Yesu irera firero fi akavaondoa hamwi nawe na Petro, Yohana na Yakobo, vakakwea fumbunyi ighetereva. ²⁹ Ake hena itereva kyamu kyakwe kikabadilika, na thori thakwe thyikavathya njewa nthaaka. ^{30 31} Kangi Lolea, haleghire vandu vakyumi vavi vakyarera nawe! nile Musa na Elia. Valevonirwe ieleshwa valererie ihuthu ivuka lyakwe Nngekyo andeghekaribia ikihira Yerusalemu. ³² Luvaha Petro na vaya aveke navo vaveke hena mario mnu mira vakinavukie valevonire ieleshwa lyakwe vandu va kyumi vavi valemkie hamwi nawe. ³³ Kikava ku vakiva mvavuka kwa Yesu , Petro akamvia, Mndumi, ni kicha ifwe fuikae na nfwashigwa fuchembe handu haikaa ha vandu vararu. Fuchembe kimwi kyafwo kimwi kya Musa, na kimwi kya Elia. Varamanye kindo akyarera. ³⁴ Igheri akyarera kyo ,ilwi likacha lyika vafwiriika na vakaovoha vakinavone vandethungukwa ni ilwi. ³⁵ Irwi lyikafuma hena ilwi likaghamba, iu ni mwana wakwa wakwa nimthaghurie. mwiranienyi we. ³⁶ Irwi likinathie, Yesu aleke weka. Vakathia n a hena mifirinyo valemurievo wowoshe findo valefivonire. ³⁷ Mfiri uivairie, baada yefuma fumbinyi(mlimani) vandu vengi valethengene nawe. ³⁸ Lolea mndu wa kyumi ifuma hena vandu vaya akafugha kwa irwi irwe akaghamba , "Mlosha nnakulomba umlolie mwana wakwa, kwaku ni mwana wakwa weka. ³⁹ Kuvoni achiwarwa ni mbeho mvichwa , naikava ngunga naiborothoka na kangi awie akondekiwe ni mrwe naifunya mavia hena mumu. Nagho ghachifuma kwa vwasi , nkyamnika ivaviwa thana . ⁴⁰ Nilevavirie varumwi vafwo vaithongotie ifume . mira valeirime. ⁴¹ Yesu akarera akaghamba imwe mbare irachiirikilia kikondeke rue ni mpaka indi naondoleana naimwe? Muende mwana ha. ⁴² Mthoro igheri akyacha mbeho mvichwa akamghutha mbai naimthinda kwa nguju .Mira Yesu akambohea mbeho mvichwa, akamnura mthoro, akamnika papa wakwe. ⁴³ Voshe vakashangathwa ni vurwe vwa Ruva , mira igheri mvamaka voshe kwa findo fyoshe fifumirie afihirire akarera kwa varumwi vakwe. ⁴⁴ Firero fiingie marwinyi ghenyu, kwaku mwana wa Adamu afunywa mavokonyi gha vandu. ⁴⁵ Mira varamanye firerofyo, na fivethughenwe mithonyi ghavo kimacha vanacha vakamanya. Valeovohie imvetha kirero. ⁴⁶ Kangi ilwa lyikadunga maghari yavo niithoagheva mrwe. ⁴⁷ Mira Yesu akimanye kindo mvarera ngooonyi thavo,alemuondorie mwanake mdu naimvika ughongo lwakwe. ⁴⁸ Naakaghamba mndu wowoshe akamuondoa mwanake mndu thaiu kwa irina lyakwa, akyanjiondoa inyi. na wowoshe anjiondorie inyi akyamuondoa wia anjirumie, kwalia wia ningemdu hena imwe niwe mrwe. ⁴⁹ Yohana akarera akaghamba ,"Mndumi ,fulemvonire mndu akyamritisha mbepo kwa irina lyafwo na fukamleghes, kwalia arachighenda naifwe. ⁵⁰ Mira Yesu akamvia , Munamleghea, kwalia arake kinyume nainyi ni wa kwenyu. ⁵¹ Ikafumia ku, ianana na mifiri iyacha mifiri yakwe yeghenda kwa Ruva , uimara akavika kyamu kyakwe Yerusalemu. ⁵² Akaruma vajumbe kwakwe navo vakaghenda vakaingia hena kijiji kya vathamari kimacha vamchembie handu . ⁵³ Mira vandu fwo varamwiirikie. kwalia aveghaluthire mitho ghakwe ilolea Yerusalemu. ⁵⁴ Varumwi vakwe Yakobo na Yohana vakinakivoneki, vakaghamba, Mndumi mkwashigha fughambe moro ughare mbai ifuma fwo kaghu uvaokie. ⁵⁵ Mira akavaghaluka akavabohea. ⁵⁶ Kangi vakaghenda kijiji kingi. ⁵⁷ Igheri mvaghenda hena irira lyavo mndu umwi akamvia nakwiivaria hohoshe nkwaghenda. ⁵⁸ Yesu akamvia mbeha vaghire milomi, ndeghe wa kaghu vaghire Fithungi, Mira mwana wa Adamu aghirewe handu herara mrwe wakwe. ⁵⁹ Niho akamvia mndu ungi, "Njiivaria . Mira we akamvia, Mndumi ,njinika rutha nighemrika papa wakwa. ⁶⁰ Mira akamvia, valeke vaghefwa vavarike vaghefwa vava,mira iwe ghenda ugheghamba vurwe vwa Ruva kila handu. ⁶¹ Kangi mndu ungi akarera. Nakuivaria , Mndumi, mira njinika rutha nighevalaghanya vakenyi kwakwa. ⁶² Mira Yesu akamvia haghire ho mndu achivika kuvoko kwakwe irema na ilolea nyuma akyava hena vurwe vwa Ruva.