¹ Halefumirie igherifulani ku Yesu akadunga iira hena miri na mri mbalimbali , akyaibirikia na ivilia mburi njicha ya Umangi lwa Ruva na vaya vaghendie hamwi nawe. ² Nakangi vaka vengi vanuriwe ifuma hena mbeho vavichwa na ndwari nyingi . Nile Mariamu alechilaghwa Magdalena ningewe alefunyirwe mbepo mafungate . ³ Yohana mka wakuza na Meneja wa Herode, Susana na vaka vengi vengi, valefunyire findo na mali yavo voka . ⁴ Vandu vengi vakathangana handu hamwi na vandu vengi vachie kwakwe ifumia miri Mingi, akarera navo iiria mithoma. ⁵ "Mghevia aleghendie ighevia mbeu , akinave akyaviaa mbeu tho thi kwa pembenyi ya Irira thikaivarwa mbeu ya marende na ndeghe va kaghu vakathilya. ⁶ Mbeu thyingi thilewie Kaghu ya teri ikongome na thyiki nafume thyindenyonga an'gu haveghire mnyoleri. ⁷ Mbeu thyingi thyilewie hena miri ya mifwa, namiriyo ya mifwa ikalela hamwi na mbeu thyikafwungwa fwungwa. ⁸ Mira mbeu thyingi thyikawia hena teri njicha na thyikakaghira kado maghana mia, Yesu akinarere findofi akarera kwa nguju, "Wowoshe aghire marwi ghichwa naaichwe. " ⁹ Kangi vagheruma va Yesu vakamvetha niiki mana ya kithomaki . ¹⁰ Yesu akavavia munikiwe ipendelewa imanya findo fya umangi lwa Ruva , Mira vandu vengi valoshwa kwa fithoma , kimacha vakavona na vana vakaichwa vanamanya . ¹¹ Naiiniyo mana ya kithomaki , mbeo ni kirero kya Ruva . ¹² Mbeu thyilewie pembenyi ya irira ni vandu vaya vachiichwa kirero, wia mvichwa shetani elijiondoa hacha ifuma ngoonyi, kimacha na vanairikilia na ikirwa. ¹³ Nathia thiwie hena teri ngumu ni vandu vaya vachiichwa kirero na ilyiondoa kwaichwaa kicha mera vaghirevo miri yoyoshe , vachiirikilia du kwa igheri Iwihi, na kigheri kyedeghwa vewa. ¹⁴ Na mbeu thyia thyiwie hena mifiwa ni vaya mvaichwa kirero , mira vakikathana ileha vaitithirwa ni vuthuri na vucha vwa miikalie vaghire ndunda. ¹⁵ Mira mbeu thyiwie hena teri njicha ni vandu vaya , vaghire ngoo njicha vakinaichwe kirero vachikiwara na lyikava icha na ighira ndunda nairimilia. ¹⁶ Luvaha haghire hata umwi, achiasha taa na iifwiinika na bakuli kana iivika kwambai ya kitanda. Mira achiivika hena mnara wa taa kimacha wowoshe aingia airime ivona . ¹⁷ Kwalia haraghire kyokyoshe kyairima ikuthaghana ningekyo kiravoniwa kikuthughene ngekyo kiramanyika kikiva hena kilanga. ¹⁸ Henaikyo uvekidokicha . An'gu wia aghire, we aongerwa ikela, mira wia areure hata kiya kindu aure kyaondolewa. ¹⁹ igheri lyingi mae wa Yesu na vavo vakacha kwakwe vakaherwa imvona an,gu haveghire vandu vengi. ²⁰ Kangi akaviwa mama wafwo na venyu vake bwang'a mvashigha ikuvona iwe. ²¹ Mira Yesu akarera akaghamba "mama wakwa na veru ni vaya mvaichwa kirero kya Ruva na iki arania. ²² Halefumirie mfiri umwi Yesu na vagherumwa vakwe akakwea hena ngalawa, na akavavia na futole kimunu kya kavi kya eve, vachemba ngalawa thavo. ²³ Mira vakinadunge ivuka Yesu akalaa mario na dhoruba ngai ighire mkuta, na ngalawa yavo ikaichua Mringa valeke hena hali mbichwa mnu. ²⁴ Igheri kaghu vagherumwa vakwe vakacha kwakwe naii mvutha vakirera Mndumi mrwe! Mndumi mrwe! fuke hawihi ifwa !" vukia akavukia akauvia mkutana mawimbi gha vikathia hakaghira chwii. ²⁵ Kangi akavavia miirikilie yenyu ikekwi? Vakaovoha vakafwa bumbuathi, vakarera kila umwi na urwee, "iu ni alkyairima ivia hata mkuta mringa fimwiichwe? ²⁶ Vakaghenda hena mri wa Gerasini ike upande lwa nyuma ya Galilaya. ²⁷ Yesu akinavanuke naiivara mbai mndu umwi ifuma Mrinyiakathangana nawe, mnduu aleghire ghuju tha mma. hena igheri lyacha alechiraa wethori, kangi alechikaa hena nyumba we, mira avechikaa hena mbira. ²⁸ Akinamvone Yesu akafugha kwairwi, akaghwa mbai mothia yakwe kwa iriwi irwe akarera, nivikie kwia kwafwo Yesu mwana wa Ruva ake kaghu? nnakulomba kuna njikava inyi. " ²⁹ Yesu akaivia ngoo ivichwa lyimfume mndu wia, kwalia igheri irwe akyamghutha. hata kole avefwangiwe minyororo naishiriliwa naivakwa mbai ya ulithyi, aletenyire vifwungo na ititikwa ni mambepo mpaka jangwani. ³⁰ Yesu akamvetha,"Rina lyafwo niwei? akarera akaghamba "Legioni"mambepo mengi ghandeingia kwakwe. ³¹ Ghakathika imvia kunafuvia fughende hena iregho. ³² Ifio irwe lya nguve nlyaembewa kaghu ya ifumbu, vakamlomba avaingie hena nguve. Akavairikia ihira kwio ³³ .Henaikyo mambepo ghaya ghakamfuma mndu wia naiingia hena nguve, na itio lyia likaricha hena ifumbu mpaka hena eve vakaingifwo voshi. ³⁴ Vandu valekyaembea nguve vakinavone kifumirie , vakaricha vakafunya taarifa haya mrinyi na bwang'a hena miri ivathungukie. ³⁵ Vandu vakinaichwe vakaghenda ighevona kifumirie vakacha kwa Yesu vakamvona mndu mambepo ghafumie . Aleree kindo kicha aghire kariongo njicha . akehena marende gha Yesu, vakaovoha. ³⁶ Niho umwi wavo avonire kifumire akadunga ivavia vengi fundu mndu.. aleghire mambepo fundu anurirwe. ³⁷ Vandu voshe vamkoa wa wagerasi na mathanga ghengi ghahawihi vakamvia Yesu avuke kwalia vave kyaovoha mnu. Akaingia hena ngalawa kimacha avuke ³⁸ Mndu wia afumiwe ni mbepo akamtereva Yesu aghende nawe, mira Yesu akamvia aghende agherera. ³⁹ Wia hena nyumba yafwo uterefia fyoshe ngefyo Ruva akuhiririe mnduu alevukie akaghamba handu hoshe findo fyoshe Yesu afikirire vundu vwake . ⁴⁰ Yesu akavavia mthangano ukamkaribisha kwalia voshe vavekyamrera. ⁴¹ Akacha mndu umwi achiilaghwa Yairo ni umwi hena varwe va handu hetathia (kuhani) Yairo akaghwa marendenyi gha Yesu akamtereva aghende kenyi kwakwe. An'gu aleghire mwanake umwi du wa kika aghire myaka ikumi lyimwi na fivi aleke hena haliyafwa . ⁴² Na igheri akyaghenda mkutano uvekyathongana vundu vwakwe. ⁴³ Mka avechifunya damu kwa ikumi lyimwi nafivi aleke haya na aletumirie matundu mengi kwa vaghanga. ⁴⁴ Alechie nyuma ya Yesu na ivwara kiro kya thori yakwe Gafula ifuma nzakami lyikahema. ⁴⁵ Yesu akaghamba ,Niitho anjivwere? vakinaleghe voshe, Petro akarera, Mndumi mrwe , vandu ni vengi mvakushukuma namvakuwarawara. ⁴⁶ Mira Yesu akarera mndu umwi anjibalirie ,nikyo nichue nguju thyindenjifuma kwakwa. ⁴⁷ Mkatho akinavone ku airima ithughana nghekyo ahirire we akaghwa mbai mothia ya Yesu akarera mothia ya vandu voshe kirumie am-balie na fundu anuriwe gafla. ⁴⁸ Mira akarera kwakwe mfwu miirikilie , indekunura .Ghenda kwa mborere. ⁴⁹ Igheri akyaendelea igaya Mndumwi akacha ifuma hena nyumba yamghetatha akarera mfwuwafwo emifwa kuna mthumbua mghelosha. ⁵⁰ Mira Yesu akinaichwe kwio akamvia kunavohoa irikia du kangi akirwa. ⁵¹ Kangi akinaingie hena nyumba yo andeshigha we mndu wowoshe aingie namwi nawe thari Petro ,Yohana na Yakobo, ndie wa mfwu na mae , akarera munakava kelele anafwawe mira alee du. ⁵² Luvaha vandu voshe vavekyakava ngunga na ifugha naifunyi irwi vundu vwakwe, mira akavavia munakava ngunga anafwawe mira alee du. ⁵³ Mera vakamsheka na imdharau, vakivona ku afwie. ⁵⁴ Mira we akamvwara mfwu kuvoko akailagha kwa nguju akaghamba mwanake, vukia. ⁵⁵ Ngoo yakwe ikamvwilia, akavukia kigheri ikyo ikyo akaghamba anikwe kijo alye. ⁵⁶ Vwathathi vake vakashangaa, mira akavavia vana mvia mndu kyokyoshe kifumirie.