¹ Heikyo Yesu akimalie erera kila kindo kwa vandu valeva mwaarania, akaghenda Kaprnaumu. ² Mhirindima umwi wa akida, nile mndu wa mana tharia kwakwe, alekyalwa thana alereghirie ifwa. ³ Mera akinaichwe ihuthu Yesu , akida wia akamruma mgheongotha wa Kiyahudi, akamtereva ache aghemkira mhiri ndima wakwe .Kimacha anafwa. ⁴ Vakinafike hawihi na Yesu vakamlembalemba kwa bidii naighamba akyastahili ku mkwashighwa ihira kwii vundu vakwe , ⁵ Kwalia alifurie ithanga lyeru, naniwe aaghire handu he tathia. ⁶ Yesu akeendelea na ndambo yakwe hamwi navo mera aranaghenda hacha na nyumba mrwe umwi akavaruma vambiwe vakwe igherera nawe . mera arana Mndumi , kunalya vwasi iwe kweka an'gu inyi nnastahili iwe hena nyumba yakwa fwo. ⁷ An'gu nainyi nthafaanyi iwe iingia hena nyumba yakwa mera rera kirero du na mhiri ndima wakwa anua. ⁸ An'gu nainyi ni nivikiwe hena vurwe namighire namighire vashikari mbai yakwa , Nichimvia ghenda na aghende nakwa ungi nnjo kangi ache na kwa mhiri wakwa hiraki nawe ahire. ⁹ Yesu akinaichwe fyo akashangaa, akavalukia Vandu vavekyamwiivaria naighamba ."Nnamuvia, Kangi hena Israeli ,Sinakenja ivonannyi mndu aghighire miirikilie tha mnduu. ¹⁰ Kangi vaya valerumiwe valevwirie kenyi vakamkolea mhiri ndima aminua. ¹¹ Baada ya iho Yesu akavaakyaghenda mrii uchiilaghwa Naini vafuasi vakwe vakaghenda hamwi nawe vakatha nganyika makundi gha vandu. ¹² Akinafike hena kyothi kya mri Lolea, mndu afwie ave kurukiwe, kangi ni mwanake wekadu kwa mae nile njane , na ukuruto lwa vandu ifuma hena mri valeke nawe. ¹³ Akinavone ,Mndumi akamthogelea akamvonira mbathi mnu kangi akamvia kunafugha. ¹⁴ Kangi akaira mothia akalyibalia ijenetha ngelyolileure mwiri na vaya valekurukie vakamka akaghamba mthoro nnaghamba vukia. ¹⁵ Afwie akvukia akaikaa kirombo akadunga irera Yesu akamviwighira kwa mae, wakwe ¹⁶ Voshe vakaghira iovoha, vakaendelea imfura Ruva vakighamba mroti mrwe andevuthirwa maghari yeru ,Ruva andevalolea vandu vakwe. ¹⁷ Mburi thi njicha tha Yesu thikaira Yudea yoshe na hena mikoa yoshe ya hawihi. ¹⁸ Vagherumwa va Yohana valemvirie findofi fyoshe. ¹⁹ Niho Yohana akavailagha vavi vavagherumwa vakwe naivaruma kwa Mndumi igheghamba . "Iwe niwe wia achie, kana haghire mndu ungi fumvere? ²⁰ Vakinafike hawihi na Yesu vakaghamba " Yohana mpatithaji afurumie kwafwo fuwethe , "Iwe ni wia achie kanahaghire mndu ungi fumvere? ²¹ Kwa igherilyo alevanurire vandu vengi ifuma hena mavuaji na mvwasi. ifuma hena mbeho vavichwa, na vandu varakyavona akavanura . ²² Yesu akavavia nairera kwavo , mukamighenda kwia handu mufumie mumvie Yohana ikyomuki vonire na ikiichwa . Vafwie mitho mitho vakyavona na fiwete mvaiivara,vaghire ukoma mvanurwa, vafwie marwi mvaichwa , vafwie mvavuthirwa na ikahe, vakiva mvaviwa mburi njicha. ²³ Na mndu aleka injiirikilia inji kwa minire yakwa avonire mborere. ²⁴ Henaikyo vaya valerumie ni Yohana ivwia kwia handu vafumie , Yesu akadunga irera hena mthangano Vundu vwa Yohana , "muveghendie bwang'a ighevona iki, mrangi uwathindwa ni mkuta? ²⁵ Mera mulghendie bwan'ga ighevona iki, mndu aree kindo kicha ? Lolea vandu vaya vachieraa thori ya kifalme naikaa maisha ghekufura vake hena kimbughire kya va mangi. ²⁶ Mera mmwaghenda Bwan'ga ighevonaa iki! Mroti? henaikyo, nnarera kwenyu na kangi mnu ikela mroti. ²⁷ Iu niwe aleandikirue .Lolea, namruma mhiri wakwa mothia ya mitho ghenyu, akyaghechemba irira vundu vwakwa. ²⁸ Nnarera kwenyu hena vaya vaghirirwe ni mndu mka,haghireho mrwe tha Yohana, mera mndu there wa mana thana akyagheshi na Ruva handu weakei, va mrwe ikela Yohana. ²⁹ Na vandu voshe vakinaichwe fi hamwi na vaghetotha kodi, valeghambie ku Ruva niwe wa keni. Valekeho vaya vapatithirwe kwa upatitho lwa Yohana. ³⁰ Mera mafarisayo na vaghevanya sheria tha kiyahudi, vaya varapatithirwe niwe valeleghire keni ya Ruva vundu vwavo voka . ³¹ Kangi nairima ivaananitha naki vandu va mbarei? vakekwia? ³² Vafwenene na vanake vakyaburu hena ughongo lwa ufuva , vachikaa nailaghana umwi umwi vakyarera, funde kava filimbi vundu vwenyu, kangi murachethe ,fundefugha na murafughe . ³³ Yohana mghepatithwa aleichie araye mkate kangi aranywe divai namkaghamba aghire mbepo. ³⁴ Mwana wa mndu achie akalya na inywa namukarera ni mlafi, namgherwa , mmbwie wa valotha kodi na vaghire thambi . ³⁵ Mira ikagha lyimanyikie ku lyighire keni hena vana vakwe voshe. ³⁶ Umwi wa vaghelotha kodi alemterevie Yesu aghende ighelya hamwi nawe .Yesu akinaingie hena nyumba ya Farisayo, alelairie hena metha kimecha alye . ³⁷ Lolea haleghire mndu mka umwi hena mri tho aleghire thambi. Avona ku aleke kwa Farisayo, akaende chupa ighire fyapundia. ³⁸ Alemkie nyuma yakwa hawihi na marende ghakwe kunu akyafugha. Kangi akadunga ibwetesha marende ghakwe kwa mithori, naiitura kwa njwii tha mrwe wakwe , akya buthu marende ghakwe naifia fyapupundia. ³⁹ Na Farisayo wia alemwiileghe Yesu kwakwe akinavone kwio akaririkana weka akyarera , "Kole mndu nive mroti avemanya ku iu mitho, kangi ni mka wa .Kimawi akyam-balia, ku niwia aghire thambi. ⁴⁰ Yesu akamvia Simoni nighe kindo kyekuvetha " Akarera, Kighambe du mghelosha. ⁴¹ Yesu akaghamba " Haleghire vaghedaiwa vavi kwa mghekopesha umwi . Umwi alekyadaiwa dinari fimia tano na wakavi akyaidaiwa dinari makumi atano. ⁴² Vakina vure matundu ghemliha akavathamehe voshe. Luvaha ni unga amfura ikela? ⁴³ Simoni akarera akamvia , niwia athameherue nyingi, Yesu akamvia Kundearera kindokicha. ⁴⁴ Yesu akaghaluka mkawia na irera kwa Simoni kumvoni mka u. Viingirie hena nyumba yafwo. kuranjinike mringa vundu vwa marende ghakwa . mira iu kwa mithori yakwe , alebweteshere marende ghakwa na iitura kwa njwii thakwe. ⁴⁵ Kunjinikiefwo buthu, mera we idungia ha alekiwe injibuthu marende ghakwa. ⁴⁶ Kughafiriefwo marende ghakwa mafura , mera afirie marende ghakwa fyapupundia. ⁴⁷ Kwakindo nnakuvia ku aleghire thambi mnu kangi andereghewa kangi alefurie mnu. Mera are gharue kadu, achifura kagu du. ⁴⁸ Akamvia mka wia,"Thambi thafwo thindevuthwa. ⁴⁹ Vaya vaveke methenyi hamwi nawe vakadunga irera voka kwa voka ."Iu ni kangi amreghie mndu thambi? ⁵⁰ Yesu akamvia mka wia , miirikilie yafwo indekukia ghenda kwa mborere.