¹ Baada ya ifyofyoshe , Mndumi akathaghua vengi makumisaba naivaruma , Vavivavi vamthongolie hena kila mri na hoshe handu akyashigha ighenda. ² Akavavia fyekova mifingi mira vahirindima ni vandu . Heikyo mterevenyi Mndumi wa fyekova netha arume fia Vahiri ndima hena fyakwe fyekova. ³ Ghendenyi hena miri , Lolienyi nnamuruma tha magonji maghari ya mbwa mwitu. ⁴ Munavava mfuko wa matundu , wala mikoba ya vagheghenda, walafyaru wala munarerea wowoshe hena irira mborere (njiani). ⁵ Hena nyumba yoyoshe mwaingia ghambenyi mborere iikaehena nyumba i. ⁶ Kole mndu wa akeho, mborere yenyu yareghwa kaghu yakwe mera hai, yareghwa kwenyu. ⁷ Mira hena nyumba lyenyi na inywaa kyokyoshe mwanikwa an'gu mhirindima akyashighwa malino ghakwe. Munatha ma ifuma nyumbai ighenda ingi. ⁸ Miri thothoshe mwaingia, navakamupokea , lyenyi kyokyoshe kyavikwa mothia yenyu. ⁹ Kangi nurenyi vawaji vakeho. Ghambenyi kwavo vumangi vwa Ruva vundecha hawihi naimwe. ¹⁰ Mira hena mri thothoshe mwaingia, varamupokie ghendenyi bwang'a hena barabara naghambenyi, ¹¹ Hata kiluli hena mri wenyu lyivwere marendenyi gheru mfwaghakukundu vundu vwenyu! mera manyenyi ki, vumangi vwa Ruva vuchie. ¹² Nnamuvia ku mfiri we nyanyiriwa yagheva niirimilia mnu hena Sodoma ikela mri tho. ¹³ Vwathi kwafwo Korazini vwathi kwafwo Bethsaida Kole ndima ndue thihirikie voshi yafwo ighehirikie Tiro na Sidoni, Vaghemvwilia Ruva mifiri mingi, Vakiikaa voshi ya thori tha magunia na maifu. ¹⁴ Mera yagheva irimilia mnu mfiri wenyanyiriwa kwa Tiro na Sidoni ikela imwe. ¹⁵ Iwe Kapranaum, mkwaririkana kukwavuthirwa mpaka kaghu? Hai, kwaghathwa mbai mpaka kwa ngoma. ¹⁶ Akyamuarania imwe ,akyanjiarania inyi na wowowshe akyamulegha akyanjilegha inyi, na wowoshe akyanjilegha inyi kyamlegha wia anjirumie. ¹⁷ Vaya makumi mfungate valewirie kwaichwa kicha , vakighamba , "Mndumi hata mbepo nthathichwa kwa irina lyafwo. ¹⁸ Yesu akavavia, nilemvonire Shetani akyaghwa ifuma kaghu tha radi. ¹⁹ Lolea, nimunikie vurwe vweivara njoka na tola,na nguju thoshe tha mvichwa , kangi haghire kyokyoshe kyairima imulithavwathi ho. ²⁰ Kangi munaichwa kichadu hena iki, kuu ngoo nthamnichwa mira ichwenyi kicha an'gu marina ghenyu ghaandikiwe ifwo kaghu kwa Ruva . ²¹ Hena igherilialia alechue kicha hena mbeho aelesherwe, naighamba , nnakumbisha iwe , Papa Mndumi, waifwo kaghu, na ithangenyi, Kwalia kuthughene findofi ifuma hena vandu vakaghare, na koriongo, naukafunya kwa vaya varalosherwe, tha vana vadu. Nikyo, papa, kwakukulefurie hena mitho ghafwo". ²² Kila kindo kinjinikiwe inyi ni Papa wakwa heikyo haghire amuichi Mwana ku ni thari Papa. na wowoshe mwanake akyashigha ikufunya kwakwe. ²³ Akavaghalukia varoti vakwe , akarera navo handu hakuthughene ,Vaghire mborere vaghevonafi imwe mmwafivona. ²⁴ nnamuvia imwe ,ku vagherota vengi na vamang valeghire kulu yevonafi mmwafivona , naiichwaifi mmwafiichwa , na varaichwe. ^{27 25} Lolea, mloshi umwi wa sheria wa kiyahudi alemghikie na imdegha, akyaghamba ,mloshi, nike kwa nivore vurwe vwa telele? ²⁶ Yesu akamwia, kiandikiwe hena sheria nkwathoma kwia? ²⁸ Yesu akaghamba kundera kindo kicha, Hira kwii naiwe kwakia. ²⁹ Mera mloshi akishigha ikutariria keni weka , akamvia Yesu na Mndu wahawihi kwakwa mitho? ³⁰ Yesu akarera, mndu fulani alekyaghra ifuma Yerusalemu ighenda Yeriko. Akaghwa maghario ya vagheiva valemthokie mali thyakwe, naimkava na imra hawihi na ifwo. ³¹ Henaikyo kwa bahati mghetatha umwi alekyaghara hena irira lyo, akinamvone akira handu hengi. ³² Kwiyo kwiyo mlawi nawe akinafike handu haya akamvona akaira handu hengi. ³³ Mera mthamaria umwi , igheri akyathafiri, aleirie haya handu mndu wia avekei akinamvone , akaichwa ngoo ya mvavia . ³⁴ Akamfikia hawihi akam-boha man'gongo ghakwe akamfia mafwa na divai kaghu yakwe. Alemkwerere kaghu ya mghongo wakwe, kangi akamtika hena nyumba ya vaghenyi na imthaidia. ³⁵ Mfiri uivarilie akaondoa dinari ivi akamnika mghemkia nyumba ya maghenyi na akamvia, mghenje na kyokyoshe kyagheo ngereka. naakuliha ni kiwia. ³⁶ Niunga hena ivavararu, mkwavona ku mmndu wakwe wa hawihi kwa aghwirie ni ni vaghethoka?. ³⁷ Mloshi akaghamba , ni wia arorere haruma kwakwe. Yesu akamvia, "Ghenda ughehoira kwiokwio." ³⁸ Luvaha vakiva ithafiri vakaingia hena kijiji kimwi na mka umwi irina lyakwe Martha akamkaribisha mghenyi kwakwe. ³⁹ Aleghire wavo achiilaghwa Mariamu, mbai ya marende ghakwe Mndumi akaarania kirero kyakwe. ⁴⁰ Mera Matha akighira ndima nyingi mnu thkora kijo Aleghendie kwa Yesu , na irera, Bwana, mkwamanyafwo weru andenjilekea ni hire ndima njeka? Heikyo amvie anji ghenje. ⁴¹ Mera nndumi akamvia, martha kundelya vwathi hena findo fingi, ⁴² Mera ni kindo kimwidu kya mana. Mariamu athaghurie kindo kicha , ningekyo kiraka vutu ifuma kwakwe.