¹ Kilefumire igheri fulani Yesu akehena itereva handu fulani, umwi wa mgheloshwa wakwe akamvia ," Mndumi fuloshe ifwe itereva tha fundu Yohana avalosha vagheloshwa vakwe. ² Yesu akavavia mukitereva , ghambenyi, Papa, rina lyafwo lieleshwe, vumangi vwafwo vuche. ³ Ufunike mune weru wa kila mfiri. ⁴ Ufureghie fia fukukotherie fundu naifwe vuchivareghea vaya vafukotherie . Kunafutika hena midegho. ⁵ Yesu akavavia,"NIItho kwenyu aghira mmbwie, amghendea kio, naimvia mmbwie njighavia mikate iraru. ⁶ Kwalia mmbwie wakwa andenjichia luvahahi ifuma ndambo nainyithiire kyemnikanyi. ⁷ Nawia ake nyumba (Voshi) akamvia kunanjilitha vwathi , kyothi kyemifingwa, na vana vakwa namwi nainyi funde milaa kitandenyi. Thairima ivukia naikunika iwe mikatenyi. ⁸ Nnamuvia,ku japo akavukie na ikunika tha mmbwie wakwe kwalia akathana imwilagha bila iraghwa, avukia naikunika virumbue fya mikate fingi du ianana na fundu nkwashigha. ⁹ Nainyi nnamuvia terevenyi, naimwe mwanikwa, shighenyi naimwe mwanikwa, ghambenyi hodi naimwe mwarughuliwa. ¹⁰ Kwalia kila mndu atereva anikwa na kila mndu akyashigha anikwa, na wowoshe akava hodi, kyothi kyafunguliwa kwakwe. ¹¹ Ni papa unga maghari yenyu, mwanake akamlomba ipere amnika njoka kinyume kyakwe? ¹² Kana akamlomba ibore badala yakwe ambnika tola? ¹³ Heiikyo kole imwe mungevavichwa muichi ivanika vana venyu thawadi njicha , lee thyikela Papa wenyu wa kaghu amnika mbeho mcha ivo vakyamtereva? ¹⁴ "Irongo ,Yesu akava akyabohea mbepo , na mndu aghire mbepo alechiichwawe. Ikava imbepo likinafume mnduyho akairima irera. Vandu vengi vakashangaa. ¹⁵ Mira vandu vengi varera iu akyavutha mbepo kwa Beelzebul , mrwe wa mambepo. ¹⁶ Vandu vengi vakamdegha naimshigha avarore ishara ifuma kaghu. ¹⁷ Mira Yesu akamanya maririkano ghavo na ivavia, "Kila vumangi vwaghavika kyava vukiva, na nyumba ighavikie yaghwa. ¹⁸ Kole shetani ava aghavikie, vumangi vwakwe vwamka kwia? An'gu mmwamba nnfunya mbepo kwa Beelzebuli. ¹⁹ Kole inyi nnafunya mambepo kwa Beelzebuli, voroo mvafunya mapepo kwa njia njiki? Henaikyo vo vamunyanyiria imwe . ²⁰ Mera, kole nnafunya mambepo kwa mnyu wa Ruva , heikyo vumangi vwa Ruva vumuchirie. ²¹ Mndu aghire aure silaha akyairima nyumba yakwe findo fyakwe fyva mborere. ²² Mera akavamiwa ni mndu aghire nguju ikela, mndu wia aghire nguju ikela amthoka silaha thyakwe na ithiondoa mali thakwe thyoshe. ²³ Wia arakehamwi nainyi, ake kivungi nainyi na wia arekyathoma hamwi nainyi akyathathaja. ²⁴ Mbepo mvichwa akanimfuma mndu , achighenda ashighe handu haraghire mringa aheme. Akanigheva avurire, achighamba naghwia handu nifumie . ²⁵ Akamighwia akalolea nyumba ikuliwe na ike kindo kicha. ²⁶ Heikyo achighenda naishigha mapepo mfungate vaya vaya vavichwa imkela weweka naivaende vaikae hamwi nawe , na hali ya mndu tho ichiva mbichwa mnu ikela fundu iveike mara ye voka. ²⁷ Ilefumirie ku igheri akyarera firero fyo ,Mkafulani akarera kwa nzinya ikela voshe vake hena mkutano wa vandu na irera, "Libarikiriwe ndenyi ikughirire na mavele kughaongie " ²⁸ Mira we akaghamba vabarikirwe vaya vachichwa kirerokya Ruva na ikivika. ²⁹ Igheri mbungire ya vandu vakyakukuthanya , na iongereka, Yesu akadunga irera , mbarei ni mbare ya uvichwa. vachishigha ishara, haghire ishara vanikwa ikela lyia lya Yona. ³⁰ Kangi thafundu Yona alevie ishara kwa vandu va Ninawi, ni fundu na Mwana wa Adamu gheva ishara kwa mbare ii. ³¹ Malikia wa kusini aghemka mfiri wenyanyiriwa na vandu va mbare ii na ivanyanyiria vo an'gu wealefumirie mwisho wa ithanga hetha ache aaranie ikaghaa lya Solomoni, naiha haghire mrwe ikela Solomoni. ³² Vandu va Ninawi vaghemka hena inyanyiriwa hamwi na vandu , va mbareii mfiri wenyanyiriwa, vakinyanyiria , an'gu vo valetubiye hena ibirikira lya Yona, na lolea iha haghire mrwe ikela Yona. ³³ Haghire mndu wowoshe achiasha taa naiivika mbai handu haghire mma harakyavonirwa kana mbai ya ikapu,mera achiasha naiivika kaghu ya kindo kimacha mndu aingie airime ivona kilanga. ³⁴ Ritho lyafwo ni taa ya mwiri .Ritho lyafyo likava icha mwiri wafo woshe wava hen kilanga mira ritho lyfwo likava mwiri wafwo woshe wavamma. ³⁵ Heiikyo mukulolie kimacha kilanga kike voshi yenyu kina vikiwa mma. ³⁶ Henaikyo kole mwiri wafwo woshe uke hena kilanga haghire handu haghireho mma, heikyo mwiri wafwo wava thawa na taa iaaka nafunya kilanga kwenyu. ³⁷ Akinamalie irera, Farisayo akamwilagha aghelya kijo kenyi kwakwe nawe Yesu akaingia nyumba akaikaa hamwi navo. ³⁸ Na mafarisayo vakashangaa fundu fundu arathambie mavoko kabla yeya kijo kyakyavukwau. ³⁹ Mira Mndumi akavavia "Imwe mafarisayo muchithamba vikombe kwa bwang'a na bakuli,mira voshi yenyu muichue vuvichwa. ⁴⁰ Imwe vandu muraghire maririkano, wiaachembie, bwang'a achembie na voshiwe? ⁴¹ Vanikenyi vakiva fike voshi, na findo fyoshe fyava kwenyu . ⁴² Mira ole lwenyu mafarisayo muchifunya zaka na mnanaa na mchicha na mbhogha tha hena bustani, mera mundeleka mambo gha keni na imfura Ruva . Ni kicha ihira fia fya keni naimfura Ruva ,munaleka ihira na ifyo fingi na fyo. ⁴³ Ole lwenyu Mafarisayo, kwalia mufurie ii kaa fifyumbi fya mothia hena masinagogi na irerewa kwa heshima ufuva. ⁴⁴ Ole lwenyu, an'gu mufwenene na makaburi gharaghire uwengo ngeyo vandu vaivara kaghu yakwe bila imanya. ⁴⁵ Mloshi umwi wa sheria thya kiyahudi amjibu na imvia, "Mloshi, Ikyo nkwakirera nkyaumitha ifwe pia. ⁴⁶ Yesu akaghamba ,olelwenyu valoshi vasheria! an'gu mmwavanika vandu mijigho mirwe varakyairima iivava, mira imwe mmwabalia mijigho yo hata kwa minyu yenyu mwe. ⁴⁷ Ole lwenyu an'gu muchiagha na ivika kumbukumbu makaburi gha varoti" valevwaghiwe ni vakaka venyu. ⁴⁸ Heikyo imwe mmwairikiana naikubaliana na ndima thyile hirirwe na vakaka venyu,kwalia, nikeni valevavwaghie varoti ningevo mmwa agha kumbukumbu thyavo. ⁴⁹ Heikyo ikaghaa lya Ruva inlyaghamba ,"Navarumira varoti na vagherumwa navo vavaletha na ivawagha vengi vavo. ⁵⁰ Mbareii yaruliwa makotha kwa nzakimi ya varoti vawaghiwe idungia ithanga likidunge. ⁵¹ Ivoka nzakimi ya Abeli-mpaka ya Zakaria , alewaghiwe maghari ya handu hetathia na haelesherwe. Ikyo nnamuvia imwe mbarei vaghevethwa (watawajibika) ⁵² Ole lwenyu valoshi vasheria thya kiyahudi, kwalia muondorie funguo thya maririkano, imwe mweka, mmwaingia mwe , na vaya mvashigha iingia mmwavaleghea. ⁵³ Heikyo Yesu akinavuke haya ,Vagheandika na mafarisayo vamlegha na ikana nawe vundu vwa findofingi. ⁵⁴ Vakyashigha imdegha na firero fyakwe.