¹ Igheri lyo, maelifu gha vanduu vengi valethengene handu hamwi, Vandu vakadunga iivarana, akadunga irera na Vagherumwa vakwe , " Kulolienyi na vuvichwa vwa Mafarisayo nghevunafiki. ² Kangi hagheghiraho kikuthughene ningekyo kiragherughuliwa wala kyokyoshe kikuthughene kirakyaghemanyika. ³ Na kyokyoshe mukirerie hena mma, kyagheichwika hena kilanga. Na fyofyoshe mufirerie hena marwi voshi ya fyumba fyenyu fifingiwe fyaghererwa hena ipaa lyanyumba. ⁴ Nnamuvia vambwie vakwa munavaovoha vayavanjivwaghamwiri halafu hanaghira kindo kingi vairima ihira, ⁵ Mira nnamukanya wia mwamuovoha. Muovohenyi wia ngewe akamivwagha , aghira vurwe vwekukumba jehanamu. Heikyonna muvia muovohenyi itho. ⁶ Shomoro vatano vachikumbwavo sarafu ivi? mira kwiyo haghive hata umwi ho agheivawa mothia ya Ruva. ⁷ Mira mumanyeku, njwii tha mirwe yenyu thyitarirwe. Imwemuvamana thana ikela shomoro vengi ⁸ Nnamuvia, wowoshe aghenjirerea kicha mothia ya vandu, Mwana wa Adamu aghemrera mothiaya malaika wa Ruva. ⁹ Mira wowoshe aghenjilegha mothia ya vandu nawe aghelghwa Mothia ya Malaika wa Ruva. ¹⁰ Wowoshe arera kirero kichwa hena mwana wa Adamu,aghereghewa,mira wowoshemkonda mbeho mcha, aghereghwawe. ¹¹ Vakamghemutika mothia ya varwe va mathinagogi,vamangi na vaya vaghire vurwe, munaovoha vundu mwarera hena ikutetea , hangu kumiiki mwarera. ¹² An'gu mbeho mcha aelesherwe amulosha fundu mwarera igherilyo. ¹³ Mndu umwi hena mbungire akamvia, Mloshi,mvie weru anjighaghavie kibare kya urithi lwakwa. ¹⁴ Yesu akamghalutha, miitho anjivikie iva mwamuthi namghe muchembea imwe vavi? ¹⁵ Niho akavavia kulolienyi na kulu kwenyu,kwalia ikialya mndu iyikelyo hena findo fingi afighire mndu. ¹⁶ Yesu akavavia kithoma ,akarera,ishamba lya mndu umwi mthuri lileghirethana, ¹⁷ Naakakuvetha voshi yakwe, akarera navikakwia an'gu thiure handu hevika fijo fyakwangu?. ¹⁸ Akaghamba, nahira kwia. Natenya fitheke fyakwafidu niighe ndue, na iivika fijo fyakwafyoshe na findo findo fingi. ¹⁹ Naivia ngoo yakwa ,ngoo kuvikie akiba findofingi kwa myaka fwaa. Hema, ulye, unywe na iichwa kicha. ²⁰ Mira Ruva akamwia iwe mndu ifire, kio kya ithanya mvashigha ngoo yafwo na findo fyoshe kufiure fyava fai? ²¹ Nifundu kyacheva kwa kila umwi akyakuvikia vuthuri na thiiva vathuri hena Mndumi. ²² Yesu akavavia vagherumwa vakwe, heikyo nnamuvia munaovoha hena mmiikalie yenyu. Kumwaya iki kana miri yenyu - ku mwaraa iki. ²³ Kwalia miikalie ikelele kijo, na mwiri ukelele thori. ²⁴ Lolienyi ndaghe vakaghu,vachiremavo, vachikovavo. Vaghire kyumba wala kitheke kyevikia, Mira Papa wenyu achi mulitha. Imwe muvecha mwe ikela ndeghe! ²⁵ Niunga hena imwe akalyavwathi airima ikuongera hena miikalie yakwe? ²⁶ Kolen'gu murakyairima ihira kyo kidu kirathi haniikin'gu iiyavwathi hena ifyo fingi? ²⁷ Lolienyi maova fundu ghachilea. Ghachihirandimagho kangi ghachisokotagho. Mira nnamuvia hata Selemani hena vurwe vwakwe voshe areghewe hena ghamwiga. ²⁸ Kole Ruva achigharaa kindo kicha maragha botonyi, nighegho ithanya ghakeho, na ngama ghakumbwa hena moro. Heikyo kwamba amuraa imwe? Imwe va miirikilie midu! ²⁹ Munalya vwathi ku mwaya ikihan'gu mwanywaiki kangi munaovoha. ³⁰ Kwalia mathanga ghoshe ghachiangaikia mambo ghavo na papa wenyu aichiku mmwashigha fyo. ³¹ Mira shighenyi vumangi vwakwe kwanza, na ifyo fingi mwaongererwa. ³² Munaovoha, imwe kakundi kadu kwalia papa wenyu achue kicha imunika imwe vumangi. ³³ Kumbenyi vuthuri vwenyu vakiva, muchembe mifuko irachiishiwa _hazina ya kaghu irachithima , handu vakea vaingia kangi mdudu arairima ikonda. ³⁴ Kwalia handu hazina yafwo ikei niho na ngoo yafwo yaikaaho. ³⁵ Thori thyenyu njacha thive thyibohiwe kwa ibene na taa thyenyu thyive nthyaaka. ³⁶ Muvetha vandu vakyamverelea Mndumi wavo ifuma hena harusi,kimacha akicha hodi vagheirima imrughulia kyothoi kwafia. ³⁷ Vabarikiriwe, vahirindima ngevo Mndumi avakolea vakemitho ukeni aboha thori yakwe njacha kwa ikube , kangi avaikalisha kirombo hena ilya, kangi na ivathaidia. ³⁸ Kole Mndumi akacha kwa ikendalya kavi lya mgheri wa kio, kana hena mgheria hena ikamba iya kararu, na ivakolea vaverie kyana ku ni keba kwavo va hirindima. ³⁹ Henaikyo mumanyeku, kole Mndumi mweni kenyi agheichi igheri mgheivi akyacha, aveirikiawe nyumba yakwe itenywe. ⁴⁰ Venyi tayari an'gu mwiichime ni igheriki akyaghe wia ⁴¹ Petro akaghamba , Mndumi mkwafuvia ifwe fweka mithoma fi kana mkwamvia kila mndu? ⁴² Mndumi wakwe amvika kaghu ya vahiri vengi, netha avaghavie kijo kyavo kwa igheri lyivie? ⁴³ Abirikiwe mhiri wia Mndumi wakwe akicha amkolea akyahira fia aleviriwe. ⁴⁴ Keni nnamuvia ku amvika ave mrwe wa vuthuri vwakwe voshe. ⁴⁵ Mira mhiri wia aghamba ngoonyi yakwe , Mndumi wakwa akyachelewa iwia heikyo akadunga ivakava vahiri ndima vakyumi na vakika kangi akadunga ilya inywa na iirwa. ⁴⁶ Mndumi wakwe mtumwa wia aghecha hena mfiri arawiichi na igheri araghaichi, nawe aghemrumbua firumbue rumbue na imvika hamwi na vaya there vandu vacha. ⁴⁷ Mhiri aichi ifura lya Mndumi wakwe nawe araku vikie kindokicha , kangi arahirire kindokicha kwa ifura lyakwe akaghwa ndata nyingi. ⁴⁸ Mira mhiri araichi ifura lya Mndumi wakwe ,Mera akahira fia nfwashighwa, ikaghwa, akaghwa ndata njidu an'gu wia anikiwe fingi aghevethwa fingi ifuma kwakwe na wia aaminikie kwa fingi kwake agheshighwa fingi. ⁴⁹ Nichie igheasha moro ithengenyi, kangi nnashigha uveundemiaka. ⁵⁰ Mira niure upatitho ningelo nnapatithwa kangi ni ure uchungu mpaka ukighethia. ⁵¹ Hii mmwafikiri ku nichie igheende mborere ithangenyi? Hai nnamuvia kivungi kyakwe niendie ighavika. ⁵² Idungia ithanga na iendelea hagheghira Vandu vatano hena nyumba vaghavikie, na varoru vava kivungi na vavivavi vava kivungi na vararu. ⁵³ Vaghavika papa ava kivungi na mwana , na mwana ava kivungina papa , mama ava kivungi na mfwu wakwe , na mfwu ava kivungi na mae wakwe, mama mkwe ava kivungi na mkwe wakwe na mkwe ava kivungi na mama mkwe wakwe ⁵⁴ Yesu akavavia vaghethangana, Kangi mukivona Mailwi ghakyafumia magharibi mmwaghamba igheri lya mwera lindecha , na ni fundu kikei. ⁵⁵ Na mkuta wa kusini ukicha mmwarera, haghira ndughuri ngai, na nifofundu kyava. ⁵⁶ Imwe vanafiki,mwairima itafithiri fundu ithanga na kaghu, mira nkyava kwia munairima itafija igheri likeho? ⁵⁷ Nihamiki kila umwi wenyu anatafija kia kya kewi kwakwe ikihira igheri ngelyo haghire na fathi yehira kwio? ⁵⁸ Kangi akaghenda na wia akushiteke mothia ya hakimu kathana ifurana na akushiteke wafwo mweeke hena irira anaghekutika kwa hakimu, na hakimu akakutika kwa ofitha, na ofitha akakuvika voshi hena kifyungo. ⁵⁹ Nnakuvia, kukafumefwo mpaka ulihe pesa ya mwisho.