¹ Hena igheriyo, haleghire vandu mata valemvirie ku haghire Vagalilaya valevwaghiwe ni Pilato na ndhakani yavo ikathanyanywa na matathi ghavo. ² Yesu akaghaluta akavavia, "kula mmwa ririkana ku Vagalatia vo valeghire thambi ikela Vagalatia vengi voshe nikyo vandefikwa ni fivichwa fyo? ³ Hai, nnamuvia, mira muvatenye mvi, naimwe mwareka kwio kwio. ⁴ Kana vandu vaya ikumi na mnane kwia Siloamu vaya mnara uleghire ukavavwagha, mmwaririkana ku vovaleghire thambi nyingi kela vandu vengi vake Yerusalemu? ⁵ Hai inyi nnarera, mira kole muratenye mvi ,naimwe voshe mwareka. ⁶ Yesu akavavia fwanyanyi ii, "Mndu umwi aleghire mtini uviwewe hena mghunda wakwe na aleghandie ingeshigha ndunda hena mritho mira akavara. ⁷ Akammbia mndu ngewe achiruma mghunda tho, "Lolea, kwa miaka iraru nichie nighere ilolea ku navona ndunda hena mri u mira thiravone Uuteme. Haniiki ukonde teri du? ⁸ Mndu ngewe mgherema mghunda akamghaluta akamvia,"uuleke mwaka uu, niuremie na iuvikia thari. ⁹ Kole ukavika ndunda mwaka uchie, ni kicha; mira kole uravike, uuteme!"' ¹⁰ Luvaha Yesu avekyalosha hena limwi ya Masinagogi mfiri wa Sabato. ¹¹ Lolea, haveghire mka umwi hena miaka ikumi na mnane aleghire majeni, na alekondiwe mwivi na alechiirima we imka hata kadu. ¹² Yesu akamvona , akamwitasha , akamvia ,"Mamaa, kundekirwa ifuma hena ndware yapfo" ¹³ Akamvikia mavoko ghakwe kaghu yakwe ihoiho mwiri wakwe ukagholeka na akamtumbisha Ruva. ¹⁴ Mira mrwe wa sinagogi okapfwukwa ang'u haniiki Yesu amkirire mfiri wa Sabato. Iho mangi akaghaluta akavavia vandu, "Hana mifiri mtandatu ye hiva ndima haraghire ihema .Nnjonyi ng'u munurwe, mira thimfiri wa sabato tho. ¹⁵ Mndumi akaghaluta akavavia ,"Muvalinganya ! Haghireho umwi wenyu achipfwanga punda wakwe hang'u ng'umbe ifunya ichafunyi na itika tighenywa mringa mfiri wa Sabato? ¹⁶ Hata mpfu wa Abrahamu, wia Shetani alemfungie kwa miaka ikumi na mnane, hii kilemtarive kyo kipfungo kyakwe kinarughuliwa mfiri wa sabato?" ¹⁷ Iho akirera firero fyo, vaya voshe valekya mlegha wakavona ivaghwa, mira vandu voshe waleke nawe na vengi vakava nguluhi vakinavone vengi fyekugha afihirive . ¹⁸ Yesu akavera ,"Fumangi vwa Ruva vufwenene na iki, na nairima ifuanani tha na iki? ¹⁹ Nidha mbeu ya haradari aleiondorie mndu umwi akaivaa mghundenyi wakwe ,ika vuka ikaleha ikava mvi mrwe, na ndeghe ta kaghu tikaagha fithungi fyavo hena fyara fyakwe. ²⁰ Kangi akarera," Niuananithe na iki vumangi vwa Ruva ? ²¹ Ni tha kindo kyabeka mndu wa kika ikithanganya hena fipimo firaru vya mchu mpaka ukaumuka. " ²² "Yesu airie kila mri na kighonyo hena njia akighenda Yerusalemu na ifalosha . ²³ Mndu umwi akavetha,"Mndumi, ni vandu vatave du vachekivwa?"Iho akaraviaa, ²⁴ Kudindishenyi iingia kwa iiria Kyoti kithithiri, ang'u vengi vaghera na vakaivime iingia vo" ²⁵ Kakenda kadu mweni nyumba imka na ifinya kyoti ,iho mwaka bwan'ga na ikava hodi kyotini na iilagha, Mndumi, Mndumi fuvughulie nawe amughaluta na imuvia, inyithimuichi wala amughathi na mufumie. ²⁶ Niho mwarera, Fulighie na inywa mothia yapfo na iwe kushire hena miri yeru. ²⁷ Mira we avaghatu, nnamuvia , thimuichinyi handu mufumie, Vukenyi kwa kwa, imwe vaghehiva fivichwa! ²⁸ Haghira ifugha na ishagha maghegho mfiritho mwache vavona Abrahamu, Isaka,Yakobo, na varoti voshe hena vufumwa vwa Ruva, mira imwe mweka mukumbiwe bwang'a. ²⁹ Wachecha ifuma Mashariki, Magharibi, Kaskazini na Kusini, na hena ihema hena metha ya kijo kya kyavukwau hena vumangi vya Ruva. ³⁰ "Niichi iki ku werothera ni wevoka na wevoka ni acheva wevothera ". ³¹ Ikenda ighwihi baadaye , Mafarisayo mata vakacha vakamvia , Ghenda kangi vuka ha kwaku Herode akyashigha ikuvwagha." ³² Yesu akavavia ,"Ghendenyi mghembia mulivie mumbie ighinga lia, Lolea, nnatanyira mapepo na ikira ithanga na ngama, na mfiri wa kararu namalia ilengo yakwa. ³³ Kwa fyofyoshe ni muhimu kwakwe inyi irahema ithanya ,ngama na ifiri wa ivaria, kwaku ikairikiwekyo imvwagha nabii kua na Yerusalemu. ³⁴ Yerusalemu, Yerusalemu, niitho akyavavwagha manabii na ivakava maghwe vaya varumiwe kwenyu. Nikando kalinga nichishigha ivunganya vana venyu tha fundu nguku ichifunganya vichio vyakwe thinyi ya makungu ghakwe, mira mukalegha. ³⁵ "Lolea, kenyi yapfo indechikiriwa Nainyi nnamuvia, mukarime injivona mwe mpaka mukamcherera "Abarikiriwe itho akyacha hena irina ya Mndumi"