¹ Ilefumirie mfiri wa Sabato, alekyahenda kenyi kwa umwi wa varwe va Mafarisayo igheya mkate, navo vavekyamlolea kwa haghwihi. ² Lolea hayo mothia yakwehaghire mndu aghire yefimba. ³ Yesu akavavetha vataalam vya sheria ya Vayahudi na Mafarisayo, "Le, ni kicha imnura mfiri wa Sabato kana hai?" ⁴ Mira vo vakatia chwi, henakwiyo Yesu akamvwara, akamnura akambia aghende mboa. ⁵ We akavavia,"Niitho hena imwe aghire mwana hang'u ng'umbe ikaghwa kithime nyi mfiri wa Sabato arakaifunye bwang'a fia?" ⁶ Henavo haghire airimie ighatuta mburiyo ho. ⁷ Igheyo Yesu akinamanye fundu vaya waalikiwe ku vathaghurie fipfumbi fya heshima , akavafia fwanyanyi ii, ⁸ Kole kurairikiwe ni mbwie haruthinyi unaikaa hena nafathi ta heshima kwa ku kyaima iva hanyi haaghire mndu mrwe aikukela nawe aalikiwa tyha iwe. ⁹ Igheri mndu amurarikie imwe vavi akicha , akuvia iwe,"thembelea iho handu kuikee ang'u thikwapfoho,"na kwa ivaghwa kwadunga ivwia handu hanyuma. ¹⁰ Mira iwe ukarerikwa ghenda ikaa kwia nyuma misho, kimetha wia akuwanikie akicha, arima akuvie yero ,Mbwie, nnjo na kunu mothia."Niho kwavona ku kunikiwe heshima mothia ya voshe vake hamwi na iwe mathenyi. ¹¹ Kwaku kila mghekukwera aghatwa , na wia akughutire akwerwa. ¹² Yesu nawe alemvirie mndu amrarikie, "Nkwafunya kijo kya mthaghari hang'u kya kyavukwau, kunevavarika vambwie vapfo hang'u venyu ang'u vandu vapfo kana vandu vapfo mwakenyi vathuri, kimetha vo vwanache kurarika iwe ikava vandekulihira. ¹³ Hena kwiyo, nkwaghutha nghathu, vararike vakiva, vilema viwetema na vaya vavachifona , ¹⁴ na iwe kwabarikiwa kwaku vairimavo ikuliha .Hena ikyo kwalihwa mfiri wa ufufuo wa vaya vakelile. ¹⁵ Mfiri umwi wa vaya ikue methenyi hawi na Yesu akinaichwe kwio, nawe akambia ,"Abarikiwe wia acheya mkete hena rufumwa vwa Ruva!" ¹⁶ Mira Yesu akambia, Mndu umwi alechembie ngathu ndue, akararika wandu vengi. ¹⁷ Igheri ya nghathu likinafike, amruma mhirinalima wakwe angevavia waya vararikiwe ."Njoonyi, kwa ku vindo vyoshe vyemiva tayari.' ¹⁸ Woshe, wakadunga itereva. Wa kuvoka akambia mhindima , "Nighurie mhunda, nimdhari nighende nigheuvona , Haihai unjireghie. ¹⁹ Na unyi akambia, "Nighurie jothi ithwanu ta ng'umbe ,na inyi nnaghenda igheti rera. Haihai unjireghie. ²⁰ Na ungi akambia ,"Niondorie mka ,hena ikyo thikairimenyi icha; ²¹ Mhirindima akavwia akumbia mthuri wakwe mambo ghoshe .Mndu mweni nyumba akapfukwa akambiaa mhirindima wakwe , "Henda fia mrinyi na ipfo maghari fichochoroni vya mri uvaende iha vakiva vilema vipofu na valemavu. ²² Mhirindima akambia ,"Bwana, vyoshe kunjirumie nndemivihira, mira mpaka luvaha bado nyumba inaichuayo. ²³ Mndumi amkambia mhirindima ,ghenda hena njia ndue na vichochoroni uvavwave kwa nguju wandu wainyie, kimedha nyumba yakwa iichue. ²⁴ Ang'u nnamuvia hena vaya wararikiwe wevoka haghire aghethaha ngathu yakwa ho. ²⁵ Luvaha ifio irwe livekyaghenda handu hamwi nawe , nawe akaghaluka akavavia, ²⁶ "Kole mndu akacha kwakwa nawec amdahiwe ndie akwe, mae wakwe, mka wakwe, vana vakwe, vavo vakyumi na vakika-iye, na hata maisha ghakwe nagho- airima iva mthoro wakwa we . ²⁷ Mndu aramikuruke msalaba wakwe na injiivaria nyuma yakwa airimawe iva mthoro wakwa. ²⁸ Hang'u niitho maghari yenyu ngewe akyashigha iagha mnara arachikinde ikaa kirombo kwandha aririkane vughuri kwa mataro ku aure mhako nashighwa ufikie imaa mnaratho? ²⁹ Therekwio, akamiegha mthingi na akaherwa imalia, voshe vavonire wamberesha , ³⁰ wakirera, Mnduu aledungie iagha, mira aleghirewe nthinya ye malia. ³¹ Kana ni Mangi ungaa, achishigha akavana na mangi ungi virenyi, arachi kindeikaa ivoka na ishigha kiavia fundu viku ikumi vekavana na mangi ungi akyacha igekana nawe na wandu viku ishirini? ³² Na kole therekwio igheri ijeshi ya urwee lieke kua bado, aruma vanjama ilomba mborere. ³³ Hena kwiyo mndu wowoshe magheri yenyu arakaleke vyoshe afighire airima we iva mthoro wakwa. ³⁴ Munyu ni mcha ,mira kole Munyu ukareta minonie yakwe , nikwakiavia kiki kyairima ihirika kimetha uirime iva he Munyu? ³⁵ Wavahetho hena teri kana hata kwa mbohea niwe kumba kua."Itho aghive marwi ghe ichwa, na aichwe".