¹ Hena kwio vagheluta kodi voshe na vengi vanthune walechie kwa Yesu ighemwiirania. ² na vagheandika vakamdughenyikia ku, "Mndu uu achivararika vathune na kangi achiya navo". ³ Yesu akarera kwa fwanyanyi kwavo, ⁴ "Niitho kwenyu , aghire magonji ighana na akarekewa ni limwi ,araghaluka ghaya makumi kenda na kenda thakenyi, kimetha aghende aghelikasha lia live kie mpaka alivone? ⁵ Nawe akamie livona alivika makothanyi ghakwe na inuliwa. ⁶ Akamfika kenyi, availagha vabwie vakwe na vaya varue haghwihi nawe na ivavia nuliwenyi hamwi na inyi, ang'u nndelivona igonji yakwa liverekie; ⁷ nnamuvia kwio kwio haghire inuliwa ipfo kaghu vundu vwa mthune umwi atenyire mri, akela vaelie makumi kenda na kenda varana tenya mri. ⁸ Kana haghire kwa mndu wa kika aghire matu ikumi gha hela, akavekwa ni itundu limwi, avaasha taa na ikula nyumba na ikasha kwa nthinya mpaka aivone? ⁹ Na akamieivona ailagha vambwie vakwa na vaya arue haghwi navo na ivavia nulivenyi hamwi na inyi ang'u nndelivona he itundu yakwa livereki . ¹⁰ Hena kwiyo nnamuliva haghire inuliwa mothia ya malaika va Ruva vundu vwa mthune umwi atenyire mri" ¹¹ Na Yesu akarera , "Mndu umwi aleghire vana vavi. ¹² wia mdu akambia ndie, Papa njinika kinjitarire iora hena mavi. Iho akaghava mavi takwe maghari yavo. ¹³ Mifiri thevemingi wia mdu akavunganya fyoshe fimtarive akaghenda na ipfo ithanga ya kua na ipfo akakonda konda hela takwe kwa ighua findo firaghire maana kwakwe, na ikonda hela takwe kwa anasa. ¹⁴ Nawe akinaye mavi yoshe hahacha nja ndue hena ithanga yo awe akava hena vaghelomba. ¹⁵ Akaghenda weka ighehiva ndima kwa mndu umwi aghiviriwe ithanyinyi lia nawe akamtika hena mghenda wakwe agheshumia nguve. ¹⁶ Akava akiaichwa ikuighutisha kwa makunda ghaya nghaliwa ni nguve , ang'u haghireho mndu amnikie kyokyoshe kyo kyeya. ¹⁷ Mira mwana wia mndu akinaririkane nyoonyi kwakwe , akarera ni vahiri kijo fwa na kyeighuta na inyi rikeha , nnavwaghwa ni njaa! ¹⁸ Navuka na ghenda kwa ndio wakwa nimbie, "Papa nndekonda kaghuya ruva na mothia ya mitho ghapfo. ¹⁹ Kikavehekyo niilaghwe mwana wapfo; unjilolie du tha mrihi ndima wapfo . ²⁰ Niho akavuka akaghenda kwa ndie wakwe Akinafike haghwihi na kenyi ndie wakwe akavona akamvonira vwathi akaghendafia akamjumba akambuthu. ²¹ Mwana wia akambia,"papa nikondie kaghu ya ruva na mothia ya mitho ghapfo kikavekyo niilaghwe mwana wapfo. ²² Papa wia akavavia vahirirolima vakwe"Liendenyi fia thori njicha , mumrae na Pete hena mnywi na vyaru hena marendenyi ²³ .Kangi endenyi ngache ivinve muichinje fuye na inuliwa . ²⁴ Ang'u mwana wakwa avepfie luvaha akei Amerekie luvaha angevoniwa wakakava nguuluku. ²⁵ Mira mwana wakwe mrwe aveke mghendenyi.Igheri niyo akyavwiana akinafike haghwi na kenyi akaichwa mairwi gha lwathi na inyunguruka. ²⁶ Akamwilagha mhirindima umwi akamvetha mbothinyo niyaiki? ²⁷ Mhirindima akamghatu ku mndu wapfo andevwia na papa wapfo andemvha njia nyache ivirire kwaku andevwia mboa. ²⁸ Mwana mrwe akapfukwa akalegha iingia inyumba na akafuma bwanga ighemtereva. ²⁹ Mira akamghaluta ndie akambia ,"Lolea inyi nikuhirire miaka fwa nanya thinakonda maamoro lapfo nyi mira kweminjinike pfwo ngirathi kimetha ni nuliwe hamwi na vambwie vakwa. ³⁰ Mira akinache mwanau wapfo akondie mavi yapfo yoshe na makahaba kundemchinjia ngache ivirire. ³¹ Papa akambia ,"Mwanakwa ,iwe kuke handu hamwi na inyi mifiri yoshe na fyoshe fyakwa nighire ni fyapfo. ³² Mira nivekicha kweru ighutha nyathu na inuliwa, mnduu wapfwo avepfwie mira luvaha akei averekie mira andevoniwa.