¹ Kangi akavavia fwanyanyi fundu nkyava tara ilomba mifiri yoshe, na vanaleka, ² akarera, Haleghire hakimu hena mri mlive , we alechi muovola Ruva we na aledahie vandu. ³ Haleghire mjane hena mriitho , nawe alechighenda kando kengi akirera ,"Unjitashe nivote hena mwandu wakwa na mndu uu nnachila nawe. ⁴ Ikenda irwe du avechueffo we imtash, miva kakenda kadu akarera hena ngoo yakwe , "Handu hamwi na inyi thimu ovohienyi Ruva , kana ifura mndu, ⁵ mira kwaku mjane uu akyanjilitha vwathi namtasha apate keni yakwe , kimetha ananjiima mario kwainjivaria kila mfiri . ⁶ Kangi Mndumi akarera,' Ivania fundu arerie hakimu tho mkelamma . ⁷ Niku Ruva aendewe keni kwa vaya arahaghariwe ngevo vaghevwara mthaghari kio? kana we aivimawe ivarimilia? ⁸ Nnamuwia ku aende keni kwako fia Mira ighevi yo Mwana wa Adamu akyachecha, nghetha achekolea miinilie ithangenyi? ⁹ Niho akavavia fanyanji ii kwa vandu mata vaya vachikukwera voka ku vaelie na ivaduha vandu vengi . ¹⁰ "Vandu vavivalekwerie ighenda hekulunyi ighelomba umwi Mafarisayo na ungi ni mghethanya kodi. ¹¹ Farisayo akamka akalomba findo fyakwe weka ,"Ruva , nnakutubisha kwa ku inyi thi fwenenyi na vandu vengi tha vavanyo, wandu varaichi Ruva , wachishinda kana tha mndu iu mghethanga kodi. ¹² Nichifunya kando kavi kiba juma .Nichifunya itachi hena mari taka toshe nighire. ¹³ Mira mndu wia mghethanya kodi akamka kua nanga airimie we ivutiva mitho ghakwe kaghu, akakafa mbafu yakwe akarera , "Ruva unjireghie inyi nighire thambi.' ¹⁴ Nnamuvia , mmdu uu avwirie kenyi aregheriwe thambi takwe ikela wia ungi , kwa ku kila achikukwere aghatwa, mira kila mndu achikughata akwerwa. ¹⁵ Vandu vakamendie van wadu, kimetha avabalie , mira vathoro vakwe vakinarone kwio vakavaleghea. ¹⁶ Mira Yesu akavailagha kwakwe akirera, "Valekenyi vana vadu wache kwaka , nanga munavaleghea. Ang'u vamangi vwa Ruva ni vwa vandu tha vana vadu. ¹⁷ Amin nnamuvia , mndu wowoshe avairikirie vamangi vwa Ruva tha mwana ni keni acheuingiawe. ' ¹⁸ Mangi umwi akamvetha, akirera ,Mloshi mcha, nihire iki kimetha riurime ikia telele? ¹⁹ Yesu akambia , 'Haniki nkwanjilagha aelie?Haghive mndu aelie ho, ni Ruva weka du. ²⁰ Kughaichi maamoro - kunashinda kunavwagha kunamkia mongo, ughirehechima kwa ndio wapfo na mao wapfo. ²¹ Mangi wia akarera, "Vindofyo fyoshe nifivwere idungia nnghe mthoro. ²² Yesu avunaichwe kwio akambia, "Kungefura kindo kimwi .Nithari ukumbe vindo vyapfo fyoshe uvaghavie vakiva , niho kwaghiravuthuri kaghu -niho uche unjivavie. ²³ Mira mfuri akinaichwe kwio, apfwiwa ni mrwe mnu, kwaku nile mthuri mnu. ²⁴ Mira Yesu akavona fundu andepfwiwa ni mrwe mnu akarera, "Fundu kuyara kigumu kwa mfiri uingia hena Vufumwa wa Ruva! ²⁵ Kwaku ni rahithi mnu kwa ngamia iira hena ilomi ya thindano , ikela kwa mfuri iingia hena Vufumwa vwa Ruva . ²⁶ Vaya wachue kwio , vakarera, "Niitho ng'u, airima ikirwa? ²⁷ Yesu akaghaluta "Findo firakave kwa mndu kwa Ruva fyava" ²⁸ Petro akarera,'Iyee, ifwe fureghie findo fyoshe na fundekuivaria iwe . ²⁹ Niho Yesu akavavia, keni nnamuvia ku haghire mndu alekie kenyi hang'u mka , hang'u vavo, hang'u vathima hang'u vwa, vandu vwa Vumangi vwa Ruva, ³⁰ arakavone fingi mnu hena ithanga li, na hena ifanga lichie , ikia telele. ³¹ Akinavavunyanye vaya ikumi na vaviakavavia ,"Lolea,mfwa kwea ighenda Yerusalemu, na vindo vyoshe ngefwo fiandikwe ni manabii mfyamtara Mwana wa Adamu fyaikalia. ³² Kwaku aingivwa hena mavoko gha vandu va Mathanga na abereshwa na ighirirwa tiri na ipuchiwa mara. ³³ Vakamimtandika mishenge vamvwagha na mfiri wa kararu avuka. ³⁴ Vakaherwa imanya mambogho, na kirero ki kivethunghenwe kwavo, na varamanye ngefyo fieriwe. ³⁵ Iho Yesu akimafike haghwi na Yeriko, mndu umwi arachivona aleke mbai wa barabara akyalomba mthaada, ³⁶ akinaichwe ifio ya vandu likyaiva akavetha niikikya kindefumia. ³⁷ Vakambia ku ni Yesu wa Nazareti akyaira ³⁸ Iho kipofi wia akailagha kwa nguu, akarera ,Yesu mwana wa Daudi , Unnjikire , ³⁹ Vaya vavekyaivana vukamleghea kipofu wia vambia atie . Mira we kakathanaifugha kwa nthinya , "Mwana wa Daudi, unjikire. ⁴⁰ Yesu akamka akaghamba mndu tho aendwe kwakwe . Niho kipofu wia akirafike haghwihi, Yesu akamvetha, ⁴¹ 'Nkwashigha nikuhirire iki? Akarera, "Mndumi mnashigha ivona " ⁴² Yesu akambia, 'kundepata vona -Miirikilie yapfo indekurira. ⁴³ Iho iho akavona akamwivaria Yesu akimtumbisha Ruva . Vakinavone kwio voshe vakamtumbisha Ruva.