¹ Yesu akavavia vathoro vakwe, "findo fichiruma vandu vahire thambi nimthari fifumie , Mira vwathi vwakwe mndu wia akyaruma! ² Nivekeba kwa mndu tho avepfungiwa ighwe irwe yeshaghia nthinyonyi na akumbihwe eve, handu aruma umwi wa iva vadu vahire thambi. ³ Kurienyi kole wenyu akakughaluta uvichwa mkanye nawe , akairikia mreghie. ⁴ Kole akakughta uvichwa kando mfungate kwa mfiri umwi na kando mfungate kwa mfiri umwi akacha kwapfo akarera, "Njireghea, "mreghie !" ⁵ Varumwi vakwe vakambia Mndumi, "fuonyere muirikilie yeru". ⁶ Mndumi akarera ,"Kole muveghive miirikilie tha ndundu ya haradari, muveirima iuvia mvi u wa mkuyu, "dukika na ughevuka eve ," natho uvemuichwa. ⁷ Mira niitho maghari yenyu, aghire mhirindima achivema mghunda kana achiembea magonji, ngeho afumie aghundenyi achimbia,"Nnjo fia ikaa kirombo uyekijo? ⁸ Le akambie , we njichembea kijo, kangi, kudindishe unjihirive mpaka ni malie iya na inywa ,Niho na iwe unaye na inywa? ⁹ Akambie nahavachewe mhirindima tho ang'u ahirire kia kimtarirewe? ¹⁰ Kwio kwio na imwe mukamihira kia niurumiwe ghambenyi"Ifwe fu vahirindima furatarire .Fuhirire du kia kivekya shighwa ihirwa. ¹¹ Kika fumia ku igheri akendambo yeghenda Yerusalemu , akairia mwakenyi wa Samaria na Galilaya. ¹² Ngeho akiaingia hena kijiji kimwi, iho akathangana na ihumu vaghire ukoma vakamka kua. ¹³ Vakailagha kwa igrwi irwe wakarera,"Yesu Mndumi, ufuichwe vwathi." ¹⁴ Akinavavone akavavia, "Ghendenyi mughekurora kwa makuhani."iho vaki ghenda vakashwa. ¹⁵ Umwi wavo akinavone ku anderua akavwia akamtumbisha Ruva kwa irwi irwe akwa irwi irwe. ¹⁶ Akapfwuria ndi marendenyi kwa Yesu akamtereva .Mndu tho ni ve Msamaria. ¹⁷ Yesu akamghatu akarera, "Kula vaelesherwe voshe ikumi vo? vaya vengi kenda vaekwi? ¹⁸ Haghireho naga umwi andevona ku avwie kimetha amtumbishe Ruva mira ni mghenyi uu? ¹⁹ Akambia ,"Mka kanyi ughende mboa miivikilie yapfwo indekunwa. ²⁰ Akinavethwe ni mafarisayo vumangi vwa Ruva wacha indii, Yesu akavaghaluta akarera ,Vumangi vwa Ruva thikindo kyairima ivoniwa kyo. ²¹ Nanga vandu vakarevo, "Lolea ha! kana Lolea Kwa ku Vumangi vwa Ruva vuke voshi kweru" ²² Yesu akavavia vathoro vakwe, "Haghire ikenda ya cha ngeho mwashigha invona mfiri umwi hena mfiri wa mwana wa Adamu, mira munauvona . ²³ Vamuiva, "Lolea , kwia! Lolea iha ! Mira munaghenda ighelolea, kangi muna vaivaria ²⁴ .Thafundu kimeleko kya kikwakwara kichi mwika kaghu idungia ughongo lumvi mpaka ughongo hingi. Ni fundu na Mwana wa Adamu achecha kwio ifiritho wakwe ukifika. ²⁵ Mira kyevoka kyamtara ayevwathi hena mambo fwaa na ileghwa ni irika lii. ²⁶ Thafundu kilevie kala ka Nuhu, nifundu kyacheva hena mfiri wa Mwana wa Adamu. ²⁷ Walekyaya valekyanywa iondoa na iondoa mpaka mfiri wia ngetho Nuhu aingirie hena Safina na beria ikacha ikavavwaghavoshe. ²⁸ Thafundu kikwie kala ka lutu, valekya ya, inywa walekyaghua na ikumba ivema na iagha. ²⁹ Mira mfiri wia Lutu akinavuke Sodoma , ukakava mwera wa moro na kibiriti ifuma kaghu ukavavwagha voshe. ³⁰ Kwio ni fundu kyacheva ifiritho wa Mwana wa Adamu wacherughuliwa. ³¹ Mfiritho kunaivikia mndu ake kali kenyi kwakwe aghare igheondoa findo vyakwe fike nyumba.Na kunaivikia mndu ake mghundenyi avwie kenyi. ³² Kumbukenyi mka wa Lutu. ³³ Wowoshe aghwa ikiva maisha ghakwe aghareta, mira wowoshe aghareta maisha ghakwe aghakiva . ³⁴ Nnakuvia, kio kyo haghiva vandu vavi hena vuli vumwi .Umwi atikwa, na ungi areghwa. ³⁵ Hava haghire vaka vavi mvashanga mchu handu hamwi, umwi atkwa na ungi areghwa.