¹ Igheri Yesu akyaira emvona mndu apfwie mitho too ighirwa yakwe . ² Vanafunzi vamvetha, Rabbi ahirire nzune ni ii, mndu u kana vathima vakwe mpaka akaghirwa apfwie mitho? ³ Yesu evajibu ,"Thi mnduu vathima vakwe vahirire nzunevo , mira niku ndima ta Ruva tiirime ipfuliwa iiria we. ⁴ Fuashigwa fuhire ndima ta uya anjirumie igheri bado ni mthaghari . Kio kiacha ekyo mndu iarairima ihira ndima. ⁵ Igheri nike ithangenyi inyi ni kilanga kya ithanga. ⁶ Yesu ekinarere kwio epucha mara mbai , echemba itondo ya mara emfia mndu uya hena mitho. ⁷ Emvia ,ghendaughekuthamba hena kithima kyailaghwa Siloam(yani arumiwe)mdutho eghenda ekuthamba evwia akyavona . ⁸ Vajirani vakwe valemuichi kala ku ni mghelomba veghamba ,"aka mnduu-u thi uya alechikaa akyalombawe? na vengi veghamba ,"niwe". ⁹ Vengi veghamba thiwewe mira vafwenene mira we eghamba ni inyi. ¹⁰ Vemvetha ,"Luvaha mitho ghapfho gharughuliwe kwia? ¹¹ Evajibu ,"Mndu ailaghwa Yesu achembiwe itondo enjifia mitho , alafu enjivia , "ghenda ughekuthamba Siloam; Hena ikyo neghenda , nekuthamba luvaha niavona . ¹² Vemvetha , "akekwi? "evajibu ,"thiichinyi" ¹³ Vemtika mndutho kwa mafarisayo . ¹⁴ Na mfiritho nile wa sabato Yesu alechembie itondo na imrughua mitho. ¹⁵ Niholie mafarisayop vemvetha ku kivie kwia mpaka akavona . Evavia "Avevikirie itondo hena mitho ghakwa , nekuthamba luvaha niavona. ¹⁶ Mafarisayo vengi veghamba ku "Mndu uafumuie kwa Ruvave , kwaku akyaivwara sabatowe" vengi veghamba , "Kyairimika kwia mndu aghire nzune ahire ishara tha ito? Hena ikyo veghavanyika . ¹⁷ Hiho vemvethahe mndu uya alepfwie mitho, "Kuaghamba kwia ihuthu mndutho kwa lia andekurughua mitho? mndutho elepwie mitho eghamba "ni mroti " ¹⁸ Mpaka igheriyo vayahudi valeko vaitikijavo ku alepwie mitho na luvaha akyavona mpaka vevailagha vathima vakwe. ¹⁹ Vemvetha vathimavo, "iu ni mwana wenyu muaghamba ku aleghiriwe aphwie mitho? kivie kwia ku luvaha akyavona? ²⁰ Hena ikyo vathima vakwe vejibu ,ku,"fuichi ku iu ni mwana weru na ku aleghiriwe apwie mitho . ²¹ Mira ku ni kiwia luvaha akyavona , fuichifwe na fu niitho amrughurie mitho fuichifwe. mvethenyi we weka, Ni mndu mthima . Airima imuvilia weka". ²² Vathima vakwe velererie kwio kwa ivaovoha Vayahudi. Kwaku Vayahudi valemki kimwi ku mndu akamuirikia Yesu ku ni Kristo atangirwa hena ithinagogi. ²³ Fundu fwa ikyo vathima vakwe veghamba "Ni mndu mthimatho mvethenyi weka. ²⁴ Hena ikyo ,kakavi vemuilagha uya alepwie mitho vemvia,"mtogole Ruva fuichi kun mndu-u ni mndu aghire nzune. ²⁵ Niho mndutho evajibu , "Kole aghire nzure inyithiichinyi kindokyo nikiichi ni ku nilepwie mitho mira luvaha niavona. ²⁶ Niho vemvetha , "Akuvikie kwia? agharughurie kwia mitho ghapho? ²⁷ Evajibu , "Nemimuvia tiari , na imwe muraaranie, Haniiki muashigha iichwa he? Aka na imwe muashigha iva vanafunzi vakwe? ²⁸ Vemuimbilia veghamba , "Iwe niwe mwanafunzi wakwe, mira ifwe fu vanafunzi va Musa . ²⁹ Fuichi ku Ruva alererie na Musa, mira iu fuichi fwe handu afumie. . ³⁰ Mndu uya evajibu evavia , "Ikini kirumo ku muichimwe handu afumie mndu anjirughurie mitho ghakwa! ³¹ Fuichi ku Ruva achivaichwawe vandu vaghire nzune mira kole mndu wowoshe achimtatha Ruva na ihira kikundire kyakwe, Ruva achimuichwa. ³² Too ivumbwa ya ithanga fwemiichwefwe ku wowoshe emirughua mitho gha mndu aleghire apwie mitho. ³³ Kole mndu-u aravefumie kwa Ruva aveirima ihira kyokyoshewe . ³⁴ Vemjibu vemvia ,"Iwe kughiriwe hena nzune toka na luvaha kuafucheja ifwe? Niho vemtangira vemfanya hena isinagogi . ³⁵ Yesu eichwa ku vandemfunya hena isinagogi .Ekinamvone emvetha , kumuitikijire mrana wa Ruva?" ³⁶ Evajibu eghamba , "Ni ungaatho mfumwa kimetha nanyi nimuitikije?" ³⁷ Yesu evavia, "Kweini mvona , na itho kuagaya nawe niwe". ³⁸ Mndu uya eghamba "Mfumwa, ndeitikija"niho endungutia. ³⁹ Yesu eghamba , nichie ithangenyili kwa hukumu, kimetha vaya varachivona vavone na vaya vachivona vapfwe mitho. ⁴⁰ Vengi hena firero mafarisayo valeke nawe veichwa firero fyo vemvetha, "Na ifwe fupfwie mitho?" ⁴¹ Yesu evavia , Kole muveepfwie mitho muveghira nzunemwe. Mira luvaha muaghamba ku muavona bathi nzune yenyu ikeho".