¹ Amini, amini niamuvia, uya arakyaingia iiria kyoti kya magonji, mira akyaingia kwa ikwelea hengi itho ni mrango na mghethoka. ² Uya akyaingilia kyotinyi, itho ni mrisha wa magonji. ³ Itho mrinji wa kyoti achimrughulia. Magonji ghachiichwa irwi yakwe na achiilagha magonji ghake kwa marina ghavo na ighafunya bwang'a. ⁴ Akamighafunya bwang'a magonji ghakwe achighathongolea, nagho ghachhimuivaria, kwaku vaichi irwi yakwe. ⁵ Mghenyi ghamuivariagho mira ghamricha, kwaku ghaichigho irwi ya vaghenyi. ⁶ Yesu alererie mfanou kwavo, mira nanga varaeliwe findofyo alekyafirerav navo. ⁷ Yesu erera navohe, "Ami i amini niamuivia, nyi ni kyoti kya magonji. ⁸ Voshe vanjithongolerie ni varango na vaghethoka, mira mangonji ghalevairirie gho. ⁹ Inyi ni kyoti wowoshe aingia iiria kwakwa aokolewa, aingia na ifuma, nawe apata kijo. ¹⁰ Mrango achichawe there kwa iiva ivwagha na ikonda. Nichie kimetha vavone ikirwa kangi ikirwa lingi. ¹¹ Inyi ni mrisha mcha. mrisha mcha achifunya moo wakwe fundu fwa magonji. ¹² Mndu weandikwa ndima,magonji there mari yakwe, achivona fite fya thaka fichie akaricha. ¹³ Na fite fya thaka fya vwara magonji na ighathathaja .Achiricha kwaku ni mndu weandikwa du na achithara magonjiwe. ¹⁴ Inyi ni mrisha mcha, na nivaichi nighe vakwa na nighe vakwa vanjiichi inyi. ¹⁵ Papa anjiichi na inyi nimuichin papa, na inyi niafunya moo wakwa fundu fwa magonji. ¹⁶ Nighire magonjighengi there va ithanzuli. Ivo navo kinjitarire nivaende navo vaichwa irwi yakwa kimetha haghire ifio limwi na mrisha umwi. ¹⁷ Ii niyo thababu Papa anjifurie, kwaku niaufunya moo wakwa ninauondoehe. Haghire akyaufunya ifuma kwakwaho , mira inyi niaufunya njeka. ¹⁸ Nighire mamlaka yeufunya na mamlaka gheuondoahe. Maagithogho nighaghuhirie ifuma kwa Papa." ¹⁹ Hefumia he ighavanyika ya vaya hudi fundu fwa firerofi. ²⁰ Vengi veghambaaghire mbepo kangi akyavukwa . Haniiki muamuaarania? ²¹ Vengi veghamba,"Firerofi thi fya mndu aghire mbepofyo. Mbepo yairima irughua mitho gha mndu apfwie mitho?" ²² Niho yecha thikukuu yekuvika wakfu ipfho Yerusalemu. ²³ Nile igheri ya mbeho, na Yesu alekyaira hena nyumba ya hekalu ya Selemani. ²⁴ Niho Vayahudi vemjunguluka vemvia, "Ni mpaka indi kwafulitha ngoo vwathi? Kole iwe ku Kristo fuvie pere. ²⁵ Yesu evavia "Nemimuvia mira muaitikijamwe Ndima niatihira kwa Rina ya ndio wakwa nito tianjishuhudia. ²⁶ Hata kwio muatikijamwe kwaku imwe mu magonji ghakwamwe. ²⁷ Magonji ghakwa ghachiichwa irwi yakwa, nighaichi nagho ghachi njivaria. ²⁸ Ni ghhhanikie ikia ya telele. Ghakarekegho too, na haghireho hata umwi airima ighabekula ifuma kuvokonyi kwakwa. ²⁹ Ndio wakwa aghamjinikie ni mrwe ikela vengi voshe na haghireho hata umwi airima ivabekula ifuma kuvokonyi kwa Papa. ³⁰ Inyi na Papa fu kimwi. ³¹ Vedodoa maghwe vamkaveche. ³² Yesu evavia,"Nemimurora ndima nyingi njicha ifuma kwa Papa. Ni ndima tinga hena ito muashigha injikawia maghwe? ³³ Vayahudi vemjibu; Fuakkukava maghwe kwa ndima yoyoshe njichafwe, mira kwa ikufuru, kwaku iiwe kughe mndu kuakughosha ku ku Ruva. ³⁴ Yesu evajibu, "Kiandikiwekyo hena sheria yenyu ku "Nileghambie ku imwe mu mirungu?" ³⁵ Kole alemuileghe mirungu vaya kirero kya Ruva kilevachirie (na maandiko ghairimagho itenywa), ³⁶ muaghamba kwa uya Papa alemfunyire na imruma hena ithanga ku kuakufuru kwaku nindeghamba ku inyi ni mrana wa Ruva? ³⁷ Kole thiatihiranyi ndima ta ndio waka bathi muanjitikija. ³⁸ Mira kole niatihira, hata kole muarakya njiitikija, tiitikijenyi ndima to kimetha mumanye ku Papa ake voshi yakwa na inyi nike voshi yakwe. ³⁹ Vegherahe imvwara Yesu, mira eghenda fyakwe ifuma mavokonyi ghavo. ⁴⁰ Yesu eghendahe kyakwe kimumu kya Yordani, kwia handu Yohana alechibatithira kuvoko, na eikaa pfho. ⁴¹ Vendu vengi vecha kwa Yesu, veghamba Yohana keni ahirire ishara yoyoshe , mira findo fyoshe afirerie fya mndu-u ni fya keni. ⁴² Vandu vengi vemuitikija Yesu ho.