¹ Bathi mndu umwi echiilaghwa Lazaro alekyalwa. Kwavo nile Bethania, kijiji kya Mariamu na mamae ailaghwa Martha. ² Nile Mariamu uya alemfurie mfumwa marhamu na imtura marende kwa njwii takwe, nilewe Lazaro, lumbwie alekyalwaa. ³ Niho valumbiwevo verumba mburi kwa Yesu ighamba ku, "Mfumwa, mmbwie uya wapfho akyalwaaa. ⁴ Yesu ekinaichwe eghamba , "Vuaji vu thi vwa kipfwavo mira ni lwa vutufu vwa Ruva kimetha ku mrana wa Ruva atogolwe. hena vwajivo. ⁵ Yesu alemfurie Martha na mamae na Lazaro. ⁶ Ekinaichwe ku Lazaro akyalwaa, Yesu aleikee mifiri ivi iho handu alekei. ⁷ Niho baada ya iho evavia vanafunzi vyakwe, "Fughendenyi uyahudihe. ⁸ Vanafunzi vemvia,"Rabi, Vayahudi valekyashigha ikukava maghwe, naiwe kushigha ivwiapfhohe?" ⁹ Yesu evajibu, "Thaa ta mthaghari thi ikumi na ivito mndu akaghenda mthaghari airimane ikutuma kwaku akyavona kwa kilanga kya mthaghari. ¹⁰ Mira akaghenda kio, akutuna kwaku haghire kilangaho. ¹¹ Yesu arera findofyo na baada ya iho evavia, Mmbwie weru Lazaro andelaa, mira niaghenda nimvutire ifuma marionyi. ¹² Niho vanafunzi vakwe vemvia, Mfumwa, kole alee, avukiki. ¹³ Igheriyo Yesu alekyarera mburi ya kipfhwa kya Lazaro, miravo valekyairikina ku akyagayiya mburi yelaa mario. ¹⁴ Niho Yesu evavia boo ku Lazaro andepfwa. ¹⁵ Ndeizihirwa fundu fwenyu ku thilekepfhonyi, kimetha muirime iitikija. Fughendenyi kwakwe." ¹⁶ Bathi Tomaso achilaghwa Pacha evavia varwe, "Na ifwe fughendenyi kimetha fupfwe na Yesu. ¹⁷ Igheri Yesu ekinafike, Lazaro eleikeeng'u mbirenyi mifiri ina. ¹⁸ Bethania naho ni avwihi na Yerusalemu tha kilometa makumi ana na ithiuanu kwi. ¹⁹ Vengi hena vayahudi vecha kwa Martha na Mariamu ighevatuja fundu fwa lumbiwe wavo. ²⁰ Niho Martha akinaichwe ku Yesu akyacha, eghenda ighemthana, mira Mariamu we alereghiwe kenyi. ²¹ Niho martha emvia Yesu, "Mfumwa, "kole kuveekeha, luvaha lumbwio wakwa avepfwawe. ²² Hata luvaha niichi ku kyokyoshe kwakilomba kwa Ruva, akunika." ²³ Yesu emvia, "Lumbwio afufuka." ²⁴ Martha emvia, niichi ku afufuka hena mfiri wefufuka wa mthio. ²⁵ Yesu emvia"Inyi ninyi ufufuko na ikia, uya anjiitikijire, na akaepfwa, bado ava ku aekei, ²⁶ Na uya akei achikaa anjiitijkire nakapfwewe. Kundeitikijakyo? ²⁷ Emwia, iyee mfumwa ndeitikija ku iwe ku kristo mrana wa Ruva uya akyacha ithangenyi. ²⁸ Akina rere kwio eghenda ighemuilagha mamae mariamu .Kambarinyi emvia, "Mwalimu andecha, akyakuilagha. ²⁹ Mmariamu akinaichwe kwio evukia fia eghenda kwa Yesu. ³⁰ Yesu nawe alekoaingia kijijinyiwe, mira bado aleeke handu haya vanelethangana na martha. ³¹ Niho vayahudi vaya valeke na Mariamu hena nyumba vakyamtuja, vakinamvone akyavukia fia na ifuma bwang'a vemuivaria vakyaghamba ku ngetha akyaghenda ighefughia mbirenyi. ³² Niho mariamu akinafike handu Yesu alekei emvona, "Mfumwa, kole kuveekeha lumbio wakwa avepfwawe. ³³ Yesu akinamvone akyafugha, na vayahudi vachie nawe vakyafugha, evaviwa ni ngoo na enekaneka. ³⁴ Evavetha, "Mumrere kwi? vemvia mfumwa, nnjo ulolie, ³⁵ Yesu efugha mithori. ³⁶ Niho Vayahudi veghamba, "lolea fundu alefurie Lazaro!" ³⁷ Mira vengi veghamba, mnduu thiwe alemrughurie mitho mndu uya alepwie mithowe, naveirima imghosha na iu anapfwawe?" ³⁸ Niho Yesu kunu akyaneka neka eghenda hena mbira. Nile ya mreshe na ighwe livepfwinikiwe kaghu yakwe. ³⁹ Yesu eghamba livutenyi ighwe" Martha lumbie Lazaro uya alepfwie emvia Yesu," "Mfumwa kwa igherili akyanyuka, kwaku eniikaa mbirenyi mifiri ina. ⁴⁰ Yesu emvia, "Inyi thikuvirienyi ku ukaitikija kwavona utukufu lwa Ruva? ⁴¹ Hena ikyo velivuta ighwe. Yesu evutirimitho ghakwe kaghu eghamba, "Papa, niakushukuru kwaku kuanjiarania. ⁴² Niveichi ku kuchiichwa kindo koshe, mira ni fundu fwa luvungano lu lumki ha injijunguluka nikyo nderera kwii, kimetha vairime iitikija ku niwe kunjirumie. ⁴³ Ekinarere kwio eilagha kwa kilonzo, "Lazaro, fuma bwang'a" ⁴⁴ Lazaro uya alepfwie efuma apfwungiwe mavokona Mavende kwa shada, na kyamu alepfungiwe na kitamba. Yesu evavia, "Mrughuenyi mumleke aghende. ⁴⁵ Niho vayahudi vengi vaghechie kwa Mariamu na ivonakyo Yesu andehira, Vemuitikija. ⁴⁶ Mira vengi hena vaya veghenda kwa mafarisayo vevavia kyo andehira Yesu. ⁴⁷ Niho varwe va makuhani na mafarisayo vevunganyika handu hamwi hena ibaratha vaghamba, "fwavika kwia? mndu u akyahira ishara nyingi. ⁴⁸ Kole fukamleka kwii kwii, voshe vamuitikija; Warumi vacha vaondue fyoshe handu heru na ithanga yeru." ⁴⁹ Hata kwio mndu umwi henavo, kayafa, nighelewe kuhani mrwe wa mwakatho evavia, "Muichi kyokyoshemwe," ⁵⁰ Muririkenemwe ku ni keba kwenyu mndu umwi apfwe kulito ithanga yoshe likeke? ⁵¹ Alererie findofyo, thi fundu fwakwe wekawe, mira nile kwaku nilewe Kuhani mrwe mwakatho, aletabirie ku Yesu apfwa fundu fwa ithanga. ⁵² Na thi kwa ithanga ya vayahudi yokayo, mira Yesu airime ivavunganya na vana va Ruva vathatharikie kila handu. ⁵³ Hena ikyo iidungia mfiritho vepanga fundu vamvwagha Yesu. ⁵⁴ Yesu evaku akyairahewe kighari kya vayahudi, mira evukaho na eghenda ithanga like havwihi na ijangwa hena mri wailaghwa Efraimu. Eikaaho na vanafunzi. ⁵⁵ Bathi Pasaka ya Vayahudi ileke havwi hi, na vengi valekwerie ighenda Yerusalemu ifuma mashambenyi kimetha vakueleshe kabla ya Pasaka kimetha vakueleshe kabla ya Pasaka. ⁵⁶ Veva vakyamkasha Yesu na ivethana wa hekalunyi ku "Muaririkana iki? Ngetha akyachawe hena thikukuu? ⁵⁷ Igheriyo varwe va makuhani na akamanya handu Yesu akei avavie kimetha vamvware.