¹ Mifiri mtandatu Pasaka iranacha, Yesu aleghendia Bethania, handu Lazaro alekeho, we ngewe alemvutire ifuma hena vandu vapfwie. ² Bathi vakamchembea kijo cha kyavukau ipfo, na Martha akamhirira, igheri yo Lazaro nile umwi wavo vaya valeikee kijoni hamwi na Yesu. ³ Niho Mariamu akaondoa ratli ya mafura ghakyanyukia ichembiwe na nardo ielie, igheghire vughuri vurwe,akamfia Yesu marendenyi, na imtura, marende kwa njwii takwe; nyumba yoshe ikapu ruthia na inyukia. ⁴ Yuda Iskariote, umwi wa vaya vagheloshwa vakwe, ngewe niwe mghemfunyira vuonwa vya mango Yesu, akarera, ⁵ Hanikii mafura ghoghakya nyukia raghekumbwa kwa dinari maghana araru na vakanikwa vakiva?" ⁶ Nawe alererie kwiyo, thiku aleavaichwa mbonea vakiva, mira kwa liya ni mkea:we niwe alichivwara niko ba wa petha na alechiondoa findo mata filevikiwe ipfwo voshi hena we weka. ⁷ Yesu akarera, "Mleke avike icho aure hena mfiri wakwe werikwa. ⁸ Vakiva mavanavo mifiri yoshe; mira mwavamwe na inyi mifiri yoshe." ⁹ Bathi ibumba irwe ya Vayahudi valefirimie imanya iku Yesuake ipfwo, navo vakacha, thi hena vundu vya Yesu alemvutire ifumwa kwa vandu vapfwie. ¹⁰ Navo varwe vya makuhani vakahira chita iku vamvwaghe Lazaro; ¹¹ Ang'u hena we vengi hena vayahudi valeghendie kwavo na vakamirikilia Yesu. ¹² Na mfiri wa kavi yakwe ibumba irwe valechie hena mfiri mrwe. Vekinaichwe iku Yesu akyacha Yerusalemu, ¹³ Valeondorie maringo gha miri ya mitende na ifuma bwang'a ighenda ighemghuhia vakivutira irwi kwa ishangilia, "Hosana! Avikiriwe mavoko we achie kwa irina ya Israeli." ¹⁴ Yesu aghemvonire mwana wa-punda akamkwea;thafundu kigheandikiwe, ¹⁵ "Kunavona mpfu wa Sayuni; Lolea, Mangi wapfwo akyacha, akwerie mwna wa punda. ¹⁶ Vagheloshwa vakwe vagheleriwevo findo ifi iho kuvoka; mira Yesu akinatumbishwe niho va lemanyire iku findo ifi aleandikiriwe we na iku vahirire ifi kwakwe. ¹⁷ Bathi ikundi liya ya vandu valekeho hamwi na Yesu igheri alemwileghe Lazaro ifuma mbirenyi, vakafunya vunaonwa kwa vengi. ¹⁸ Na nive iku liya ibumba ya vandu valeghendie imghuhia kwa liya valeichue iku liya valechue iku ahirire luvengo ilwo. ¹⁹ Mafarisayo vakarera voka kwa voka, "Lolea, luvaha mwairima mwe ihira kyo kyoshe; Lolea, ithanga lindeghenda kwakwe. ²⁰ Luvaha Vayahudivatare vatare leke maghari kwa vaya valeke vakighenda ighetatha hena mfiri mrwe. ²¹ Iva valeghendie kwa Filipo, ngewe aghefumie Bethsaida vakirera, "Mndumi ifwe fuchwe macha ghemvona macha ghemvona Yesu." ²² Filipo akaghenda akamvia Andrea; Andrea na Filipovakaghenda na imvia Yesu. ²³ Yesu akavavia akarera, "Thaa indefika hena Mwana wa Adamu itumbishwa. ²⁴ Amini, amini, niamuvia, ndembe ya ngano ivaghwie mbai ikapfwa, achiikaa kwiyo yoka; mira ikipfwa ya ghira ndunda nyingi. ^{25 26} Uya afurie moo wakwe aureta, mira uya audahiye moo wakwe henajithanga li aukira hata ikia telele. Mndu wowoshe anjihira inyi, na anjiivarie; niho na mhiri wakwa aikaaiho. Mndu wowoshe, anjihirira, Papa amnikashima. ²⁷ Luvaha ngoo yakwa inderaghwa: na inyi nirere kwiya? 'Papa, njikira hena thaa ii? Mira ni kwa iku nindefikia thaa ii. ²⁸ Papa, ulitumbishe irina ya pfwo. "Niho irwi likacha ifuma kaghu kwa Ruva na irera, "Nindelikutumbisha na inyi nalitumbisha kangi." ²⁹ Bathi ibumba linghemkie haghwihi nawe vakaichwa, vakarera iku handeghira kididimo. Vengi vakarera nawe, "Malaika akyarera nawe." ³⁰ Yesu akaghalua kwa ighamba, "Irwi li lichieyo fundu fwakwa, mira fundu fwenyu. ³¹ Luvaha hukumu ya ithanga ili ikeho: luvaha mrwe wa ithanga li akumbwa bwang'a. ³² "Na inyi nikivutirwa kaghu ya mathanga, navaghomoa voshe kwakwa. ³³ Airerie kwio kimecha irora ni kipfwa kikikyaghemchia. ³⁴ Ibumba vakaghalua, "Ifwe fundeichwa hena sheria ya iku kristo aikaa telele. Na iwe kurera kwiya, 'Mwana Adamu ni mithari avutirwe kaghu!? Iu mwana wa mndu ni itho?" ³⁵ Bathi Yesu akavavia: "Kilanga kikeho hamwi na imwe igheri. Ghendenyi kwaku mughire kilanga netha iku mma unagheva irima. We achighenda hena mma aichiwe akyaghenda kwi. ³⁶ Igheri mughire kilanga, kiirikilienyi kilanga ikyo netha muve vana vakilanga." Yesu arererie ifi na niho akaghenda kyakwe ikuthaghana varamvone. ³⁷ Hamwi naiku Yesu ahirire maluvengo mengi kwiyo mothia yavo, mira varamwiirikilie. ³⁸ Netha kivonekane kirero cha mroti Isaya, alererie; Mndumi, ni itho airikirie mburi teru? Na kuvoko kwa Mndumi kurorerwe itho?" ³⁹ Niho vo vairikilievo, kwaku Isaya alererie he, ⁴⁰ "Andevavwagha mitho, na andevika ngoo tavotikava nguji; vanachevona kwa mithoghavo na vakamanya kwa ngoo tavo na vakakirwa na inyi ni kavanura." ⁴¹ Isaya alererie virero ifyokwa ku alevonire ngatho ya Yesu na akarera mburi takwe. ⁴² Mirakyo, na varwe engi valemuirikilie Yesu ; mira kwaku Mafarisayo valererie netha vanaleghwa ni Sinagogi. ⁴³ Valefurie matumbi gha kivandu ikela matumbi ghafumie kwa Ruva. ⁴⁴ Yesu akavutira irwi yakwe na irera, "We anjiirikiliewe inyi du mira na we anjirumie inyi, ⁴⁵ Nawe anjivonire inyi amvonire we anjirumie. ⁴⁶ Inyinichie tha kilanga cha Ithanga netha mndu wowoshe anjirikilie inyi anaikaa mmenyi. ⁴⁷ Hena ikyo wowoshe aichwa firero, inyi thiamukunyi, ang'u thichienyi iku ni hukumu ithanga, mira nikire ithanga. ⁴⁸ we anjilegha inyi na arairikie firero fyakwa aghire amhukumu: kirero kyo nikirerie niokyo kyavahukumu mfiritho wethililia. ⁴⁹ Ang'u inyi thirerienyi hena nafsi yakwa du. Mira ni Papa anjitikie, we weka andenjiruma ifyo na rera na nagheghamba. ⁵⁰ Na inyi niichi iruma yakwe ni ngalamo telele; bathi ifyo marera inyitha fundu Papa anjivirie, nifyo niarera kwavo."