¹ Luvaha mfiri mrwe wa pasaka uranacha, kwaliya Yesu aghemanyire iku thaa yakwe ifikie ngeyo iku hena ithanga li ighenda kwa papa akiva avafurie vandu vakwe ngevo valekeithangenyi, alevafurie mnu. ² Ibilisi nawe agheke ng'u akuende hena ngoo ya Yuda Iskareote, mwana wa Simoni imrerea Yesu vuonwa vwa mongo. ³ Yesu alemanyire iku Papa avikie findo fyoshe hena mavoko ghakwe na iku afumie kwa Ruva na iku aghenda he kwa Ruva. ⁴ Alevukirie kijoni na akaala mbai thori yakwe ya bwang'a. Niho akaondoa taulo na akakupfunga weka. ⁵ Niho akavikia mringa hena bakuli na akadunga ivathamba marende vagheloshwa vakwe na ivatura kwa taulo ngeyo alekupfungie we weka. ⁶ Akacha kwa Simoni Petro, na Petro akamvia, "Mndumi kuashigha injithamba marende ghakwa?" ⁷ Yesu akerera na imvia, "Ni kyakihira kukiichifo luvaha, mira kwa manya igheri lichie. ⁸ Petro akamvia, "Kwanjithambafo marende ghakwa neri. "Yesu akavavia "Kole thiraakuthamba, kukarime ighira handu hamwi na inyi." ⁹ Simoni Petro akavavia, "Mndumi, kunainjithamba marende ghakwa du, mira kangi na mavoko na mrwe wakwa." ¹⁰ Yesu akamvia, "Wowoshe ngewe amalirie ikuthamba aashinghwawe ikuthamba mira athambwe marende ghakwe, na kangi ava aelie mwiri wakwe woshe; imwe muelie, mira thi voshevo." ¹¹ Kwa liya Yesu alemanyireuya aghemrerea vuonwa vya mongo; ii niyo ku alererie thi voshevo muelie." ^{12 13} igheri liya Yesu akivathamba marende ghavo na akiondoa thori yakwe na ikaa he, alevavirie, "Ngetha mualeriwe kiya ngecho nimuhirikie? Muanjilagha inyi "mghelosha" na Mndumi ii muarera keni, angu nifo fundu hikei. ¹⁴ Kole inyi ni Mndumi na mghelosha, nivathambie marende ghenyu, imwe kagi muashighwa ivathamba varoo marende. ¹⁵ Hena ikyo nivanikie mfano netha ku imwe muhire thafundu nihirire kwenyu. ¹⁶ Amini, amini niamuvia, mthoro thi mrwe we ikela mangi wakwe; Kangi uya ngewe arumiwe ni mrwe ikela Mangi wakwe; Kangi uya amrumiwe ni mrwe ikela uya mrumiwe. ¹⁷ Kole kuichi findofi, kuvikiriwe mavoko ifihira . ¹⁸ Thiaghambanyi kwa imwe voshe, kwa liya nivaichi vaya ngevo nivathaghurie mira niarera igha netha kirero kiirime ikamilishwa: Itho alighie mkate wakwa andenjivutiria tunye yakwe. ¹⁹ Niamuvia ili luvaha harafu milia iku likafumilia, muirime iirikilia iku inyi NIWE. ²⁰ "Amini, amini niamuvia, anjighurie inyi amghuhirie inyi amghuhirie uya anjighurie inyi amghuhirie uya anjirumie inyi." ²¹ Igheri liya Yesu akinarere igha, alelighie vwathi ngoonyi, alefunyire vuonwa na irera, "Amini, amini, niamuvia kui umwi wenye anjifunyira vuonwa vwa mongo. ²² Vagheloshwa vakwe vaka lambuana, vakimaka iku ni kwa itho aleagaya. ²³ Haleghire hena metha, umwi wa vagheloshwa vakwe agheaghamirie hena mbafu ya Yesu uya ngewe Yesu alemfurie. ²⁴ Simon Petro alemvethere mgheloshwa iu na irera, "Fuvie iku ni ungaa ngewe kwake akyagaya." ²⁵ Mgheloshwa uya aleaghamirie mbafu ya Yesu akamvia, "Mndumi, ni itho?" ²⁶ Niho Yesu akaghalu, "Ni kwakwe uya na tovea kirumbuecha mkate, na imnika. "Kuyo akina tovie mkate, alemnikie Yuda mrana wa Simon Iskariote. ²⁷ Na ekinamnike mkate, shetani akaingi kwakwe. Niho Yesu akamvia, "kiya ngecho kuashigha ikihira ukihirire fia." ²⁸ Luvaha haghireho mndu hena metha alemanyire haniki Yesu alererie kindo iki kwake. ²⁹ Vatare vavo valekehu, kwaliya Yuda alevwere mkoba wa petha, Yesu alemvirie ,"Ghua findo fukyashigha fya mfiri mrwe, "kana ku aashighwa ifunya kindo hena vakiva. ³⁰ Igheri Yuda ekinaghuhie mkate, alefumie bwang'a fia; na nile kio. ³¹ Igheri liya Yuda akava andevuka, Yesu allererie, Luvaha mwana wa Adamu andetumbishwa hena we. ³² Ruva amtumbisha hena we weka na amtumbisha fia. ³³ Vana vandu , nike hamwi na imwe kagheri kadu. Mwanjikasha, na tghafuinduni vavirie Vayahudi, 'Nikiahaghenda, mwairimawe icha! luvaha niavavia kangi imwe. ³⁴ Niavanika izmoro isha, iku mufurane; thafundu inyi nighevafurie imwe, kwiyokwiyo imwe namwe kimutarire ifurana imwe kwa imwe. ³⁵ Hena ili vandu vamanya iku imwe ni vagheloshwa vakwa,ikiva mughire ifura hena mndu umwi na ungi." ³⁶ Simon Petro alemvirie, "Mndumi kuaghenda kwi? Yesu akaghalua, Handu nikiaghenda kwa luvaha kwairimapfo injivaria, mira kwanjikasha iluvalichie. ³⁷ Petro akamvia, Mndumi, haniiki thinakuivaria hata luvaha? Inyi niafunya mikalie yakwa hena ya pfo. ³⁸ Yesu akarera, "Ngetha kwa funya mikalie yapfo hena yakwa? Aminia, amininiakuvia, nguruvi yaurukayo kura nanjilegha kando kararu.