¹ "Kuna irikia ngoo yapfo ivia hena mneko. Kuamuirikilia Ruva njirikia kangina inyi. ² Hena kenyi ya Papa wakwa haghire handu hengi he ikaa; kole there kwiyo,ni ghemvia, iku kwa liya niaghenda ivachemba handu heikaa imwe. ³ Kole nikighendana ivachembea handu, nacha he ivatika kwakwa; netha haya handu nikei imwe namwe muikaeho. ^{4 5} Muichi njia handu nikyaghenda."Tomaso akamva Yesu, "Mndumi, vuichifwe handu kukiyaghenda; Ngetha fwamanya kuya iimanya njia? ⁶ Yesu akavavia, Inyi ninyi njia, keni na ngalamo; haghireho airima icha kwa Papa bila arairirie kwakwa. ⁷ Kole mughenjiichi inyui, mugheeva muiichi Papa wakwa kangi; idungia luvaha na igheri yoshe mumwiichi na mundemiimvona we." ⁸ Philipo akamvia Yesu, "Mndumi, furore Papa, na kwiyi kyava itoshere? ⁹ Yesu akmvia, "Thinavanyi hamwi na imwe hena ikenda yacha , na henaikyo kunjiichi pfo inyi, philipo?Wowoshe anjivonire inyi amvonire Papa; Ni haniki iwe kuarera, 'Furore Papa'? ¹⁰ Muirikiliemwe iku inyi ni voshi ya Papa, na papa voshi yakwa? firero nikiya firera kwenyu thiareranyi kwa ishigha yakwa njeka; there kwio, there kwiyo, ni Papa akyaikaa voshi yakwa akyahira ndima yakwe. ¹¹ Njiirikilienyi inyi iku nike voshi ya Papa, na Papa ake voshi yakwa; hata kwiyo njiirikilie inyi kwa liya ya ndima takwa toshe. ¹² Amini, amini niavavia, we anjiirikilie inyi ndima tia nitichira, atihira ndima iti kangi; na atihira hata ndima nduwe kwaliya niaghenda kwa Papa. ¹³ Kyokyoshe mkilomba hena irina yakwa, iyo nalighira nethaiku Papa airime itumbishwa hena mwana. ¹⁴ Kole mkilomba kindo kyo kyoshe hena irina yakwa, iyo nalihira. ¹⁵ Kole mkanjifura, mwavwara maamoro ghakwa. ¹⁶ Na inyio namlomba Papa, Nawe amunika Mghemutasha ungi netha iku airime iva hamwi na imwe telele, ¹⁷ Mbeho wa keni. Ithanga liairimayo imghuhia we kwa liya, vamvonivo, kana immanya we. hata kwiyo imwe, mumwiichi we, kwa liya aikaa hamwi na imwe na ava voshi yenyu. ¹⁸ Thikamulekemwe muikae mweka; Navwia kwenyu. ¹⁹ Kamtungo kadu mathanga ghakanjivonegho kangi, mira imwe mwanjivona. kwaku nikei, na imwe muekei. ²⁰ Hena mfiri tho mwamanya iku inyi nike voshi ya Papa na ku imwe mke voshi yakwa, kangi inyi nike voshi yenyu. ²¹ Wowoshe avwara maamoro ghakwa na ighahira, we ni uya umwi anjifurie inyi; na uya anjifurie inyi afurwa ni Papa wakwa, na Namfura na nakurora inyi njeka kwakwe." ²² Yuda(thiwe Iskariote) akamvia Yesu, "Mndumi, Ngetha ni iki chadokea kwaku kurora kweka kweriui na thikwa vaithangavo? ²³ Yesu akaghalua, akamvia, "kwa wowoshe anjifurie, avwara kirero chakwa. Papa wakwa amfura, na fwacha kwakwe na fwachemba kenyi keru hamwi nawe. ²⁴ Wowoshe uya aranjifurie inyi avwarawe firero fwaka. kirero ngecho muaichwa thi kyakwa kyo mira kya Papa ngewe anjirumie. ²⁵ Nirerie findo fi kwenyu, igheri nikei maghari yenyu. ²⁶ Hata kwiyo, Mghemutuja, mbeho mcha, ngewe Papa amruma kwa irina yakwa, avalosha vindo fyoshe na amvika munaivaa munaiva fyoshe ngefyo nirerie kwenyu. ²⁷ Mborere niamunika mborere yakwa inyi. Thiamunika ii tha vaithanga fundu vachifunya . Munavika ngoo tenyu ighira mnekoneko na iovoha. ²⁸ Mghechue kia nighemuvirie, Niaghenda kyakwa na navia kwenyu. Kole mungenjifurie inyi, mugheichwa kicha kwaliya niaghenda kwa Papa kwa ku Papa ni mrwe ikela inyi. ²⁹ Luvaha nindemalia vavia kiranafumia netha igheri kikifumia, muirime iirikilia. ³⁰ Thia gayanyiu na imwe firero fingi, kwa liya mrwe wa ithanga ili achie. We aghirewe nguju kaghu yakwa. ³¹ Mira niku ithanga limanye iku nimfurie Papa, nahira ngecho Papa akyanjiruma inyi , thafundu anjinikie iamoro. Vukenyi, na fufume handu ha.