¹ Inyi ni mzabibu wa keniii, na Papa wakwa ni mgherema wa mzabibu. ² Kila kyara voshi yakwa kiraaghira ndunda, kyamburwa na kila kyara ngecho kyaghira ndunda lichivutwa netha liirime ighira mnu. ³ Imwe mundemiva muelie mburi ya urumwi ngetho nindemimuvia. ⁴ Ikaenyi voshi yakwa, na inyi voshi yenyu. Thafundu kyra kirakyairime ighira kyoka kirake hena mzabibu, hamwi na kwiyo, mrakae voshi yakwa. ⁵ Inyi ni mzabibu; imwe ni fyara. Adindie voshi yakwa na inyi voshi yakwe, mndu uu aghira ndunda nyingi, kwa there inyi mwairimawe ihira kindo kyokyoshe. ⁶ Kole mndu wowoshe arakai kaa voshi yakwa akumbwa tha kyara na iuma; Vandu vavunganya fyara na ikumba hena moro, na ithililia. ⁷ Kole muadinda voshi yakwa, na firero fyakwa fikiikaa voshi yenyu , lombenyi kyokyoshe mkiyashigha, imwe mwahirirwa. ⁸ Hena ili Papa wakwa atumbishwa, iku muaghira ndunda nyingi na iku muvagheloshwa vakwa. ⁹ Thafundu Papa wakwa anjifuirie inyi, inyi kangi nivafumirie imwe; dindenyi hena ifura yakwa. ¹⁰ Kole muavwara maamoro ghakwa, mwadinda hena ifura yakwa thafundu inyi nivwere maamoro gha Papa wakwa na ikudindisha hena ifura yakwe. ¹¹ Nirerie findo ifi kwenye netha inuliwa yakwa live voshi yenyu na iku inuliwa yenyu live likolosherwe. ¹² Ii niyo iamoro yakwa, iku mufurane imwe kwa imwe thafundu nighevafurie imwe. ¹³ Haghireho mndu aghire ifura irwe ikela ili, afunyire miikalie yakwe mburi ya vambwie vakwe. ¹⁴ Imwe ni vambwie vakwa kole mwahira fiya niavavia. ¹⁵ Thiavailaghanyi vathoro, kwa ku mthoro aichiwe kiya achihira mangi wakwe. Nindevailaghaimwe vambwie, kwa liya nivamanyishire findo fyoshe ngefyo nichue ifuma kwa Papa. ¹⁶ Munjithaghurie mwe inyi, mira inyi nivathaghuire imwe na ivavika mughende mugheghira ndunda, na ndundatenyu tiirime iikaa. Ili like kwii netha ku kyokyoshe mualomba kwa papa hena irina yakwa avanike. ¹⁷ Findo ifi niamuvia, iku mfurane kila umwi na urwee. ¹⁸ Kole vaithanga vakamudaha, vaithanga vakamudaha, mumanye iku ulenjidahie inyi uranavadaha imwe. ¹⁹ Kole mlevie va-kiithanga, ithanga lighevafura tha muvavo; mira kwa liyanilemuthaghurie ifuma hena ithanga, ni kwaili iku ithanga livadahie. ²⁰ Kumbukenyi kirero ngecho nilemvirie, "Mthoro thi mrwe we ikela mangi wakwe. Kole valenjilithire inyi imwe kangi; Kole valevwere kirero kyakwa, vaghevwara kya kwenyu kangi. ²¹ Vavahira findo ifi fyoshe mburi yakwa liya vamwiichivo uya anjirumie. ²² Kole thiravechie na inania, vaghevavo vahirire thambi; mira luvaha vaghirevo kyeghamba hena thambi tavo. ²³ Anjidahie inyi amdahie Papa kangi. ²⁴ Kole thirahirire ndima maghari kwavo haghireho umwi agheihira, vavevaku vaghirevo thambi ; mira luvaha vahirire na vanjidahie inyi na vanjidahie inyi na Papa wakwa. ²⁵ Ili lyafumia netha kirero kikoloke ngecho kigheandikiwe hena sheria tavo: 'Vanjidahie inyi haraghire kindo! ²⁶ igheri mghetuja achie, ngewe na mruma kwenyu ifuma kwa papa, iu niwe, Mbeho wa keni, ngewe afumie kwa Papa, anjirerea vuonwa. ²⁷ Imwe kangi muanjireria vuonwa kwa liya mundeva hamwi na inyi to kuvoka.